Приказни од Атос, Илјада години историја на Света Гора и Хиландарскиот имот

Приказни од Атос, Илјада години историја на Света Гора и Хиландарскиот имот на Фестивалот „Богородичен покров “.

Документарните филмови Приказни од Атос, Илјада години историја на Света Гора и Хиландарскиот имот, се на денешната програма на осмото издание на Меѓународниот филмски фестивал за културни, духовни и хумани вредности „Богородичен Покров“.

Проекцијата на филмовите, на Балкан трип продукција од Србија, е вечер во 21 часот на линкот https://www.youtube.com/watch?v=fCReoU2N4pg.

Фестивалската програма продолжува утре со Манастир Сурпателе, документарен романски филм за историјата на манастирот, на ТВ Тринитас, Романија, во 20.30 часот на линкот https://youtu.be/bX81LfFUalM ,по што следува Ембрион на ренесансата документарен филм за фрескоживописот во Македонија, Лавиринт, Македонија, 21.30 часот на линкот https://youtu.be/bjYLshBIdnE.

На 29 ноември ќе бидат прикажани Свети Јован Шангајски, документарен руски филм, портрет на рускиот Светител, Неофит продукција, Русија, во 21.00 часот линкот https://youtu.be/GgOBSZJGz4A и Мајка Храброст - Живот за Никола, сторија за болна бремена мајка која го жртвува својот живот за да се роди нејзиното дете Никола, РТС, во 21.30 часот на линкот https://youtu.be/rcNob-fLlB0

На 30 ноември на програмата е Св.апостоли Петар и Павле, Манастир Ботош на романски ТВ Тринитас што ќе се емитува во 21 часот на линкот https://www.youtube.com/watch?v=7YErnMPWy-s , а на 1 декември рускиот документарен филм „Боже! Го чувствувам твоето доаѓање” посветен на режисерот Андреј Тарковски, со кој се затвора фестивалот со проекцијата на линкот https://youtu.be/2rGfUqNBhmA со почеток во 21 часот.

„Богородичен покров“ е единствен фестивал од ваков жанр во државава, а се одржува со благослов на архиепископот Охридски и Македонски г.г. Стефан, во организација на скопската продукциска куќа Топ Ворлд.

Девет лица загинаа во сообраќајна несреќа во Јужна Африка, се враќале од партиски митинг

Девет лица загинаа во сообраќајна несреќа во Јужна Африка додека се враќале од митинг на владејачката партија Африкански национален конгрес.

Поддржувачите на партијата на претседателот Кирил Рамафоса се враќале дома со автобус по митингот во градот Дурбан.

Автобусот излетал од патот и се превртел, соопшти полицијата.

Службите за итни случаи објавија дека уште 17 лица се повредени во несреќата кај градот Паулпитерсбург, на околу 360 километри северно од Дурбан.

Африканскиот национален конгрес соопшти дека некои од повредените се во критична состојба.

Партијата официјално ја започна својата изборна кампања на стадионот Мозес Мабхид во Дурбан пред десетици илјади поддржувачи, а изборите се закажани за 29 мај. /МИА

Лев: Не сум заинтересиран да работам во Германија

Поранешниот селектор на германската фудбалска репрезентација, Јоаким Лев ја отфрли можноста за назначување за тренер на Баерн.

-Постојат различни причини за ова. Од една страна, Баерн не е заинтересиран за мене, од друга, јас самиот не сум заинтересиран да работам за Баерн. Долго бев селектор на германската репрезентација, работа тука за мене не доаѓа предвид. Патував низ земјата 17 години, ги посетив сите стадиони и добро ги познавам клубовите. Така што во Германија немам мотивација, изјави 64-годишниот поранешен тренер во интервју за „Билд“.

Лев во текот на својата тренерска кариера од позвучните клубови има работено во Австрија Виена, Карлсруе, Фенербахче и Штутгарт.

Во моментов тренер на Баерн Минхен е Томас Тухел, но по завршувањето на сезоната 2023/24, Баварците ќе имаат нов предводник. /МИА

Почина Славе Сирачевски, познат угостител и сопственик на Аурора

Почина Славе Сирачевски, сопственикот на туристичката агенција Аурора Турс, угостителски објект на езерото Козјак и на еден од најубавите хотелски ресорти во Македонија, Аурора Берово.

Веста на фејсбук ја објави поранешниот директор на Агенцијата за туризам Љупчо Јаневски.

„Македонскиот туристички сектор загуби еден од креаторите и визионерите на македонскиот туризам.

Славе Сирачевски со Аурора Турс и уникатните концепти на Хотел Аурора Берово и Аурора Козјак успеа да докаже дека вложувањата за рурален туризам е голема можност во Македонија и пример за регионот!

Во мое лично име изразувам сочуство на семејството!

Благодарам Славе за многуте совети кои ги сподели со мене и помогна во мојот кариерен развој и развојот на македонскиот туристички сектор.

Почивај во мир Славе“, напиша на својот статус Љупчо Јаневски.

Сочувство до семејството Сирачевски од целиот тим на Канал 5.

притисни ентер