Македонија

Претставници од ВМРО-ДПМНЕ остварија средба со претседателот на Асоцијацијата на проект менаџери

Денеска, генералниот секретар на ВМРО-ДПМНЕ, Игор Јанушев, заедно со Иванка Василевска, член на ИК на ВМРО-ДПМНЕ и Гоце Димовски  остварија средба со претседателот на Асоцијацијата на проект менаџери, Александар Наумовски.

На средбата беше дискутирано за барања кои ги има оваа асоцијација, а се со цел поуспешно да функционира и да придонесе за доброто на сите граѓани во Република Македонија.

Едно од барањата се однесува во однос на самата администрација. Од асоцијацијата сметаат дека треба да се најде модел за навремена, квалитетна и поефикасна реализација на капиталните инвестиции. Од асоцијацијата побараа да се најде начин за олеснување на административните процедури.

На средбата беше истакнато дека во наредните 4 години треба да се обрне посебно внимание на обновливите извори на енергија.

Исто така беше посочено да се обрне внимание и на здравствениот туризам, односно специфичните здравствени услуги како пример пластична хирургија или стоматолошки услуги кои може да привлечат дополнителен број на посети.

Беше дискутирано и во насока на развој на гастрономскиот туризам, но и потребата да се најде модел за субвенционирање во занаетчиството, бидејќи во моментот државата се соочува со недостаток на занаетчии кои се иселуваат под притисок на сиромаштијата.

ВМРО-ДМНЕ секогаш е тука да ги слушне барањата на граѓаните кои се насочени кон подобар живот во државата. Како партија која се залага за народот, ВМРО-ДПМНЕ ќе се залага овие барања бидат реализирани и спроведени во секојдневието. Сето ова ќе се случи по 12 Април, кога ВМРО-ДПМНЕ ќе ја формира новата влада.

Центар за комуникации на ВМРО-ДПМНЕ

Фудбал

Ибрахимовиќ: Тешко ми беше да се откажам од фудбалот поради моето его

Поранешниот напаѓач Златан Ибрахимовиќ зборуваше за подкастот на „АБТалкс“ каде што разговараше за неговото пензионирање од фудбалот, неговото враќање во Милан како главен советник на сопственикот на клубот и за смртта на неговиот агент Мино Раиола.

-Добро сум, така ме третира животот. Секако, се повлеков од фудбалот пред повеќе од осум месеци, така што мојот живот сега е поинаков. Прифатив да се откажам од фудбалот, што беше тешка работа поради моето его и начинот на кој се доживував себеси. Мислам дека сум најдобар и сè уште сум таков. Можев да продолжам, но решив да престанам. Зошто? Сакам само добар живот за моето семејство. Сакав да правам работи со моите синови, а пред тоа не беше можно бидејќи имав проблеми со едното колено. Така го прифатив тоа и дојде момент кога си реков: „Во ред е, откажи се и отвори ново поглавје од твојот живот, вели популарниот Ибра.

Потоа, неколку месеци подоцна, го запознава Гери Кардинале, кој го надгледува фондот „РедБрд“ што го купи Милан.

-Ми даде понуда што не можев да ја одбијам. Така почнав да работам со Милан, откако бев во клубот три-четири месеци. Добро се однесуваат со мене таму, морам да признаам. Кога почина мојот агент Мино Раиола, тоа беше голем удар за мене. Многу плачев. Сè уште не е исчезнато чувството, бидејќи спомените постојано ми се враќаат. Скршен сум затоа што многу ми недостига. Секој што го познава знае колку бевме блиски. Да можам би му напишал: „Ми недостигаш“, сподели Ибрахимовиќ. /МИА

Шоу биз

Почесна Златна палма за Мерил Стрип на Канскиот филмски фестивал

 Познатата американска актерка Мерил Стрип (74) ќе добие почесна Златна палма за време на церемонијата на отворањето на овогодишниот Меѓународен филмски фестивал во Кан на 14 мај, соопштија денеска организаторите.

Холивудската актерка со рекордни 21 номинација за престижниот Оскар само еднаш била на Канскиот фестивал. Тоа беше пред 35 години кога филмот „Плач во темнината“ во кој играше, доби една од наградите на Канскиот фестивал.

Мерил Стрип освои три Оскари за улогите во филмовите „Крамер против Крамер“ (1980), „Изборот на Софија“ (1983) и „Челичната дама“ во 2012 година.

Актерката се прослави во филмовите „Лов на елени“, „Жената на францускиот поручник“, „Мојата Африка“, „Мостовите на округот Медисон“, „Сомнеж“ и „Заљубување“.

Почесна Златна палма годинава ќе добијат креаторот на серијата „Војна на ѕвездите“, Џорџ Лукас и колективно Студио Гибли на јапонскиот режисер за анимација Хајао Мијазаки.

Канскиот фестивал ќе се одржи од 14 до 25 мај, а за Златната палма се натпреваруваат повеќе од 20 филмови, меѓу кои и новиот филм на Френсис Форд Копола „Мегалополис“. /МИА

Фудбал

ФА го суспендираше Тонали на два месеци

Сандро Тонали беше суспендиран од фудбалот на два месеци. Нему му пресуди Независната регулаторна комисија откако призна дека учествувал во забрането обложување.

Покрај тоа, тој е казнет со 20.000 фунти и предупреден за понатамошно однесување.

Суспензијата е таква што Тонали нема да може да се врати на терените до крајот на сезоната, до кога ќе истече десетмесечната казна што му ја изрече Италијанската фудбалска федерација на 27 октомври 2023 година.

Доколку не го повтори истиот прекршок до крајот на сезоната, нема да мора да ја одлежи оваа двомесечна суспензија.

Фудбалскиот сојуз и Регулаторната комисија оценија дека Тонали соработувал и признал се за што е обвинет „на исклучителен и досега неевидентиран начин“.

Тонали целосно ги признал сите свои прекршоци, а тоа го направил во ситуација кога доказите практично не постоеле.

Тој продолжува да оди на терапија и едукативни програми на кои е должен да присуствува со целосна поддршка од клубот и продолжува да тренира со екипата./МИА

притисни ентер