Култура

Претставата „Рацин“ и на матичната сцена на велешкиот театар

По премиерата на фестивалот „Охридско лето“, во среда, 16 октомври, со почеток во 20 часот,  премиера на матичната сцена на велешкиот театар „Јордан Хаџи Константинов-Џинот“ ќе има  претстaвата  „Р А Ц И Н“, во режија на Дејан Пројков

Драматург е Сашо Димоски, а сценограф Валентин Светозарев, кој го изработи и дизајнот на плакатот.

Костимите се на Раде Василев и Елена Вангеловска, композитор е Сашко Костов, а изведбата на музика во живо е Сашко Костов и Орхидеја Дукова. Кореографијата на сценски движења е на Васил Зафирчев.

Рацин го игра актерот Исидор Јовановски, а неговата сенка Васил Зафирчев. Музата на Рацин Рахилка Раца Фирфова ја игра актерката Талија Настова, а неговата втора љубов Невенка ја игра ,Славица Манаскова.

Мајка му на Коста Солев Рацин, Марија ја игра актерката Весна Димитровска. Во улогата на куршумот кој го пронижа смртно Рацин ќе го видиме актерот Јордан Витанов, во улогата на книга Кети Борисовска, како лист од тутун Кристина Зафирова, а грнчарското тркало Благојче Стојанов, во улогата на перо е Илин Јовановски, а на мастилницата Кети Борисовска. Во улогата на крв, пак, е Орхидеја Дукова. Во улогите на Богомилите ќе настапат актерите Илин Јовановски, Бранко Михајловски и Тодор Стојчевски.

Сите актери ќе настапат во улогите на народот во претставата.

Билетите за оваа претстава се пуштени и можат да се купат на билетарата на велешкиот театар.

Македонија

Нивото на водата во Охридското Езеро под дозволениот минимум

Нивото на водата во Охридското Езеро и натаму опаѓа, дури надминувајќи ја границата под дозволениот минимум. 

Според последните податоци, нивото на водата во езерото денеска е на котата 693,09 метри надморска височина, што е 20 сантиметри под просекот за овој период од годината.

Инаку, нивото на водата во езерото моментално е за еден сантиметар под дозволениот минимум утврден на котата 693,10 метри надморска височина.

За неповолниот водостој секако придонесува и продолжениот сушен период без позначајни врнежи, но најмногу прекумерниот испуст на водата и експлоатација на ревирот за производство на електрична енергија преку водотеците на Црн Дрим.

Флуктуацијата на нивото на водата во езерото има негативни последици по многу аспекти, но најмногу таа негативно се одзразува во крајбрежниот дел што инаку е најважниот во езерскиот еко-систем.

Свет

Берлин е домаќин на разговори на европски министри за одбрана

Министрите за одбрана на Германија, Франција, Полска, Италија и Велика Британија ќе се сретнат денеска  во Берлин за да разговараат за мерките за зајакнување на безбедноста и одбраната во Европа.

Руското таргетирање на Украина со нова ракета со среден дострел, за која се смета дека има импликации за цела Европа, најверојатно ќе одигра голема улога за време на дискусиите, јави ДПА.

По неодамнешното одобрение од Вашингтон, Украина почна да ги користи ракетите ATACMS од САД и британските крстосувачки ракети Storm Shadow за гаѓање воени локации во Русија.

Рускиот претседател Владимир Путин потоа нареди ракетен напад врз украинскиот град Днепар кој има над милион жители, со нова ракета со среден дострел во четвртокот наутро.

Свет

DHL: Авион изврши „принудно слетување“ во Литванија, започна истрага

Авион од наш партнер што пренесувал пратки изврши „принудно слетување“ во Литванија, започна истрага.

Од DHL денеска соопштија дека товарен авион управуван од нивниот партнер Свифтер извршил „принудно слетување“ во Литванија, каде локалните власти објавија дека едно лице загинало во несреќа.

„Можеме да потврдиме дека денес, околу 4:30 часот по средноевропско време, авион на Swiftair, управуван од сервисен партнер во име на DHL, изврши принудно слетување на околу еден километар од аеродромот VNO (Вилнус, Литванија) додека беше на пат од аеродромот LEJ (Лајпциг, Германија) до аеродромот VNO“, се вели во соопштението.

„Во авионот имаше вкупно четири лица. Статусот на екипажот се уште се разјаснува, но нашите мисли се со нив и нивните семејства. Причината за инцидентот засега е непозната, а истрагата е веќе во тек“.

притисни ентер