Ова куче од расата златен дудл секогаш наоѓа начин својата сакана сопственичка Кет да ја раздели од нејзиното момче.
Изразот „љубоморен како пес“ не настанал тукутака. Овие животни се бескрајно верни, но не дозволуваат некој друг да биде поважен во животот на нивните сопственици од нив самите. Во прилог на ова сведочи и ова куче од расата златен дудл, која е мешавина на златен ретривер и пудлица. Имено, ова куче е исклучително приврзано за својата сопственичка Кет, но уште повеќе за нејзиниот партнер, па се обидува да ја придобие неговата љубов.
Неговото име е Оливер и тоа е голема ѕвезда на социјалната мрежа Тикток, каде неговата сопственичка Кет редовно објавува видеа во кои тоа многу често се однесува како човек. Оливер стана популарен на Tикток по неговите реакции секој пат кога ќе им се придружи момчето на неговата газдарица. Ова преслатко куче не ја крие љубомората, па не ѝ дозволува на Кет да седне до нејзиното момче. Оливер секогаш доаѓа помеѓу нив двајца, ја турка Кет или воопшто не ѝ дозволува да биде во близина на партнерот.
На видеото што го сподели Кет, се гледа како кучето влегува во автомобилот и решава да седне на совозачкото седиште, додека Кет нема друг избор освен да седне одзади. Возачот, нејзиниот партнер, сакал или не сакал, мора да му го посвети целосно внимание на Оливер. Девојката се откажува од обидот да го смести Оливер на задното седиште, па тројцата продолжуваат да се возат со гордиот Оливер на предното седиште кој го допира нејзиниот партнер со шепата додека тој вози.
Ништо подобро не е ни во домот каде што живее Кет со своето милениче. Во моментот кога нејзиниот партнер доаѓа на гости и седнува на каучот, Оливер се прилепува за него не дозволувајќи ѝ на Кет да седне до своето момче. Девојката овој пат решава да биде поупорна, па нежно се обидува да го тргне Оливер, но нејзиниот миленик не покажува никаков знак дека ќе ја послуша. На крајот, Кет се откажува и го остава кучето да седи до нејзиното момче.
За кратко време видеото собра повеќе од 11 милиони прегледи, а коментарите само се нижеа.
- Оливер веројатно си мисли: „Ова е толку непријатна ситуација... Кој ли ќе ѝ каже на Кет дека таа всушност е „послена дупка на свиралото“?
- Оливер е непобедлив. Секој треба да знае каде припаѓа!
- Кет нема многу избор, се знае кој е главен – се шегуваат корисниците на Tикток кои го гледале ова видео.