На почетокот оваа вест звучи бизарно, но во последните неколку дена се прошири пред сѐ низ британските медиуми, а потоа и низ цела Европа. Имено, организацијата Misfits Boxing сака да го види Ибрахимовиќ во рингот како дел од еден од своите настани.

Станува збор за организација во сопственост на Јутјуберот КСИ, а освен него, на чело на организацијата се Кале и Нисе Зауерланд, долгогодишните промотори на Хрговиќ и Мамс Тејлор, пејач кој договара тепачки со светски ѕвезди. Сите борби ги пренесува DAZN, а токму Тејлор најави можност Ибрахимовиќ да настапи на еден настан.

"Се обидов да го убедам Златан дека може и тој да се занимава со бокс. Добри пријатели сме со неговиот менаџер и имавме FaceTime меѓу нас тројцата. Беше навистина кул бидејќи тој гледаше многу борби на Misfits и ги следеше. Тој беше кикбоксер, би бил добар и во ова“, рече Тејлор потоа додаде:

„Ќе кажам дека се разговараше со Златан и Вејн Руни (легендата на Манчестер Јунајтед оп.а.) и мислам дека е само прашање на време кога ќе се оствари. Во одреден момент тоа ќе се оствари“.

Руни, како и Ибрахимовиќ, одамна е познат по својата страст за боречки вештини, а добро го познава Златан бидејќи беа соиграчи на Олд Трафорд кога играа под водство на Жозе Мурињо во Манчестер Јунајтед.

На фотографиите објавени на социјалните мрежи од службата за брза помош на Нов Јужен Велс, се гледаат само стапалата на жената како излегуваат од карпите.

Австралијката планинарела со пријателите на приватен имот во градот Лагуна, на околу 120 километри од Сиднеј, кога ѝ паднал мобилниот телефон.

Таа се обидела да дојде до него, но се лизнала и паднала меѓу две големи карпи. Пријателите се обиделе да ѝ помогнат и да ја извлечат, но морале да се откажат и да повикаат помош.

На спасувачите и на полицијата им биле потребни седум часа за да ја извлечат 23-годишната Австралијка, а на крајот морале со кран да ја преместат карпата тешка 500 килограми.

За среќа, девојката се спасила само со мали гребаници.

Бебето кое се родило предвреме било киднапирано од болницата „Роберт Балање“ во францускиот град Олен-су-Боа, а лекарите предупредија дека животот на детето е во опасност бидејќи му е потребна посебна и постојана медицинска нега, пренесоа денеска француските медиуми.

17-дневното бебе Сантијаго е родено предвреме, поради што е неопходно бебето да биде под постојан лекарски надзор, предупреди Министерството за правда, а поради нејзиното исчезнување француските власти го активирале системот за пребарување.

За киднапирањето осомничени се родителите на бебето на возраст од 23 и 25 години, кои веќе ѝ се познати на полицијата, објави BFMTV.

Болницата повикала полиција веднаш штом забележала дека бебето го нема, пренесе Франнфо, додавајќи дека родителите ја напуштиле болницата со торба, а полицијата се сомнева дека го скриле бебето во неа.

Пет лица блиски до родителите на бебето се уапсени во областа Ливри-Гарган, а нивниот распит е во тек, соопштија извори блиски до истрагата.

Инспекторите се обидуваат да утврдат дали имаат информации за тоа каде се наоѓа детето и родителите.

Како што изјавил извор од полицијата за оваа телевизија, потрагата по момчето Сантијаго кое има 17 дена продолжува, а операцијата е продолжена и во странство.

Според истиот извор, бебето кое е родено предвреме е во сериозна опасност бидејќи веќе 12 часа е без потребната медицинска нега.

Сантијаго требало да остане во болница уште неколку недели.

Системот за следење е усвоен во Франција во февруари 2006 година и досега е активиран околу триесет пати.