Свет

Почина еден од најбогатите луѓе на светот и отворен поддржувач на Трамп

Почина Бернард „Берни“ Маркус, милијардерот ко-основач на Home Depot и републикански мегадонор кој во последните години стана отворен поддржувач на поранешниот претседател Доналд Трамп, објави компанијата.

Имал 95 години, објави Си-Ен-Ен.

– Целото семејство „Home Depot“ е длабоко тажно поради смртта на нашиот ко-основач Берни Маркус – се вели во соопштението на компанијата. На Берни му должиме огромна благодарност.

Маркус, чие богатство според индексот на милијардери на Блумберг изнесуваше околу 7,4 милијарди долари, го направи своето богатство со основањето на Home Depot со Артур Бланк во 1978 година. Дуото го изгради синџирот продавници со препознатливото портокалово лого во малопродажен гигант кој денес има 2.300 продавници и пазарна вредност од речиси 400 милијарди долари.

Роден во 1929 година во Њуарк, Њу Џерси, од руски еврејски имигранти, Маркус беше најмладиот од четирите деца. Дипломирал на Универзитетот Рутгерс со диплома за трговија и маркетинг, по што започнал кариера во малопродажба, работејќи за различни синџири.

Тој го запознал Бленк додека двајцата работеле во синџирот „Handy Dan Home Improvement“ во Калифорнија. Двајцата биле отпуштени откако дошло новото раководство, па смислиле план да основаат нов ланец на продавници, поголем од традиционалните продавници за алати, со подобро обучен персонал. Така се родил Home Depot.

Маркус бил извршен директор на Home Depot до 1997 година и бил претседател на компанијата до неговото пензионирање во 2002 година.

Home Depot потекнува од Атланта, каде Маркус бил познат како филантроп заедно со неговата сопруга. Двојката го основала Центарот за аутизам Маркус на Универзитетот Емори, кој им помага на децата со развојни нарушувања.

Маркус, исто така, донирал на бројни добротворни организации, еврејски и медицински организации, вклучително и донација од 250 милиони долари што помогна да се отвори познатиот аквариум Џорџија во 2005 година.

- Беше мајстор за трговија и визионер во малопродажбата. Но, уште поважно, тој ги вреднуваше нашите вработени, клиенти и заедници пред сѐ друго - изјавија од компанијата.

- Ни остави непроценливо наследство и основата на нашата компанија: нашите вредности.

Како отворен републиканец, Маркус донираше милиони долари за кампањите на десничарските политичари, вклучително и покојниот Џон Мекејн, актуелниот гувернер на Флорида Рон ДеСантис и Трамп.

Подоцна во животот, тој често се појавуваше на емисии на десничарските телевизиски канали како Фокс Њуз и Фокс Бизнис, каде често зборуваше за неговата поддршка за претседателските амбиции на Трамп. Противниците на Трамп се обидоа да започнат со бојкот на Home Depot во 2016 и 2019 година поради поддршката на Маркус за републиканскиот претседателски кандидат.

Маркус, исто така, во интервју за „Фајненшл тајмс“ во 2022 година рече дека е „загрижен за капитализмот“ и дека поради, како што наведе, ширењето на „социјализмот“ во Америка - Никој не работи. Никој не се грижи. Само дај им ги парите. Испрати им пари. Не сакаат да работат - премногу се мрзеливи, премногу дебели, премногу глупави.

- Порано овде имавме слобода на говор. Сега го немаме – изјави Маркус претходно за Новиен:

- Луѓето од „Woke“ го зазедоа светот. Знаете, претпоставувам дека не можат да ме нападнат денес. Имам 93 години. Кој се грижи за Берни Маркус?

Живот

Огномет му експлодирал во рацете: Славел победа, па завршил во болница (Вознемирувачко видео)

Инцидентот е снимен на 31 октомври во центарот на Лос Анџелес, каде навивачите ја прославувале новата титула на Доџерс, познатиот бејзбол клуб.

По триумфот над Њујорк Јенкис, навивачите ги окупираа улиците, а некои решија забавата да ја зачинат со огномет.

Камерите го забележале моментот кога 25-годишен маж запалил огномет на пешачки премин, по што дошло до експлозија, пренесува LadBible.

Несреќниот човек немал време да реагира, а рацете му „исчезнале“ во светло портокалов пламен. После тоа почна да плаче, а на видеата се гледаат сериозни повреди.

Снимките се заматени, насекаде има крв, а се чини дека изгубил дел од левата рака.

Случајни минувачи истрчале да му помогнат, а се слуша како извикува: „Раката му одлета, боже мој“:

Екипата на итната помош брзо пристигнала на местото на инцидентот и го пренела младиот човек во болница, но не се знае неговата состојба.

Свет

Лидерите на моќните држави нема да учествуваат на големиот самит за климата

Лидерите на најголемите светски економии, вклучувајќи ги САД, Кина и Бразил, планираат да ја пропуштат овогодинешната климатска конференција на ОН COP29, која ќе се одржи во Баку, Азербејџан, од 11 до 22 ноември.

Претседателката на Европската комисија Урсула фон дер Лајен нема да присуствува на самитот COP 29 поради политичките настани во Брисел, изјави нејзиниот портпарол. „Комисијата е во фаза на транзиција и затоа претседателката ќе се фокусира на нејзините институционални должности“, рече портпаролот.

ЕУ ќе ја претставуваат претседателот на Европскиот совет, Шарл Мишел и комесарот за клима, Вопке Хоекстра. Американскиот претседател Џо Бајден исто така нема да учествува на самитот, изјави извор од неговата администрација.

COP29 започнува на 11 ноември, неколку дена по претседателските избори во САД на 5 ноември.

Бразилскиот претседател Луис Инасио Лула да Силва веќе го откажа патувањето во Азербејџан бидејќи минатиот месец ја повреди главата. Ќе отсуствуваат и Кина, Јапонија, Австралија и Мексико. COP29 се совпаѓа со самитот на Г20 во Бразил на 18 и 19 ноември, каде ќе се разговара и за финансирањето на климатската транзиција.

Забава

„Ангел на Викторија“ се маскира во принцезата Дијана и се најде на удар на јавноста: Бесрамнице

Елса Хоск, шведска манекенка и поранешен ангел на „Викторија сикрет“, предизвика огромна врева на социјалните мрежи кога реши оваа година за Ноќта на вештерките да се облече како принцезата Дијана.

Поточно, таа избра едно од најпознатите и најконтроверзните парчиња на Дијана - црн коктел фустан што принцезата го носеше на еден настан во Лондон во 1994 година, набргу откако тогашниот принц Чарлс јавно ја призна аферата со Камила Паркер Боулс.

Овој фустан стана симбол на кралски бунт, бидејќи прекрши многу норми и протоколи, кои бараа членовите на кралското семејство да се облекуваат според многу строги правила.

Ова не е прв пат некој да се маскира во принцезата Дијана и да го облече овој „одмазднички фустан“.

Иако фустанот стана еден од најславните модни моменти во животот на Дијана, неговото носење не беше без контроверзии. Имено, за многумина нејзиниот избор беше порака дека не е имуна на болката што ја предизвикуваат јавните скандали во нејзиниот брак, како и нејзиниот одлучувачки чекор кон независноста.

Фустанот имал и емотивна тежина бидејќи во тој момент Дијана решила да се дистанцира од лошата ситуација во семејството и да се позиционира како силна жена која не се плаши да ја покаже својата сила, па станала симбол на лична и емоционална слобода.

Кога Елса Хоск, која се прослави со својата кариера во модната индустрија, реши да се облече како Дијана за Ноќта на вештерките 2024 година, таа внимателно го копираше секој детал од изгледот на принцезата - црниот фустан, бисерниот ѓердан и нараквицата, па дури и фризурата која потсетуваше на познатите фотографии на принцезата. Сепак, реакциите на нејзиниот костим не беа онакви какви што можеше да очекува. На социјалните мрежи многумина ја критикуваа за „непримерниот“ избор и тврдеа дека избрала костим кој не е соодветен за Ноќта на вештерките и дека потсетува на трагичен и тежок дел од животот на принцезата Дијана.

На „Инстаграм“ брзо се појавија бројни коментари кои укажуваат дека оваа интерпретација на костимот ја преминала границата на добриот вкус. Еден корисник напишал: "Бесрамно! Како некој да би бил среќен да види некој од своето семејство, трагично починат, облечен во костим за потрошувачки празник и забава". Друг додаде: „Костимите треба да бидат забавни, а не потсетници за нечиј трагичен живот!“

Имаше и такви кои отидоа чекор понатаму, велејќи дека костимот е „исмејување на принцезата Дијана“, а еден корисник дури напиша: „Елса, официјално повеќе не сум твој обожавател!“ Реакциите беа различни, а многумина се почувствуваа навредени и повредени поради фактот што Дијана, една од најомилените личности на британската монархија, беше претворена во забавен костим.

Сепак, Елса не остана без поддршка. Многумина од модниот свет застанаа покрај неа, тврдејќи дека нејзиниот избор е чин на почит кон Дијана. Нејзините колеги и пријатели од модната индустрија тврдеа дека толкувањето на Дијана е начин да и се оддаде почит на принцезата, која навистина ги промени правилата и постави нови правила за кралските жени. Според ова гледиште, фустанот што Хоск го избрал не бил знак на непочитување, туку начин да не потсети на храброста и силата што Дијана ги претставувала во нејзиниот живот. Во коментарите ја поддржаа Бела Хадид, Софија Ричи, Ванеса Хаџенс, Зара Ларсон...

притисни ентер