Претседателката на Врховниот суд, Беса Адеми, истакна дека препораките се засновани на заедничките заложби на Врховниот суд на Македонија и Судско-медиумскиот совет за унапредување на судската транспарентност.

„Препораките ги имаат истите вредности над кои се засновани начелните ставови на Врховниот суд, деловничките измени за јавност на Општата седница и активностите на Советот за отворено судство, а со кои се зајакна транспарентноста на судовите и со кои се даде значаен придонес за судството од повеќе аспекти. Од нив, најзначајни се аспектите за истакнување на улогата на медиумската заедница во едно демократско општество, враќање на јавната доверба и почитувањето на транспарентноста како една од најцврстите гаранции за судската независност и интегритет“, нагласи Адеми.

Идејата на препораките е највисокиот суд во државата да ги промовира како насоки со кои ќе биде унифицирано снимањето и фотографирањето во судниците во предмети каде што има јавен интерес, а по примерот на Судско-медиумскиот комитет во Масачусетс, САД.

Во таа насока, претседателот на Судско-медиумскиот совет, Васко Маглешов, нагласи дека од суштинско значење е правдата да биде задоволена, но и дека правдата треба да биде видлива, што всушност е една од целите на Судско-медиумскиот совет, како тело во кое членуваат и новинари и судии. Во врска со препораките, Маглешов образоложи дека препораките се засновани на искуствата од САД, дека се усогласени со процесните закони и прописи и дека ја олеснуваат работата на новинарите. Претседателот на Судско-медиумскиот совет ја нагласи и потребата од континуирана соработка на судиите и новинарите во интерес на граѓаните и јавноста.

Вирџинија Елиот, директорка на ИНЛ во Амбасадата на САД, посочи дека преку транспарентноста се зајакнува јавната доверба, но воедно се зајакнува и довербата помеѓу судиите и новинарите. Елиот додаде дека Амбасадата на САД поаѓајќи од овие вредности, е партнер во заложбите за отчетно и ефикасно судство согласно принципите на владеењето на правото.

Судијата Џемали Саити, во чиј мандат како претседател на Судско-медиумскиот совет беше формирано ова тело, се осврна на почетоците на работата на Советот и за значењето кое го има за унапредување на судската транспарентност. Судијата Саити нагласи дека Судско-медиумскиот совет има големи успеси во работењето и дека во таа насока голем е придонесот и на Врховниот суд бидејќи највисокиот суд во државата и Судско-медиумскиот совет имаат иста визија.

Судијата Емилија Шопар Јованова, како актуелен член на Судско-медиумскиот совет, нагласи дека препораките за снимање и фотографирање во судница се значајни за унапредувањето на судската транспарентност, но воедно даваат и голем придонес и за борбата против корупцијата и за независноста на судството.

Настанот се заокружи со доделување благодарници на Васко Маглешов за посебен придонес за унапредување на судската транспарентност и на директорката Вирџинија Елиот за континуирана поддршка на судската транспарентност.

Претседателката Адеми од името на Врховниот суд на Македонија се заблагодари на нивниот искрен ангажман и напори за унапредување на судската транспарентност, нагласувајќи дека само преку искрените заложби и волја може да се исполнат стандардите за современо и отворено судство, се наведува во соопштението.

На почетокот оваа вест звучи бизарно, но во последните неколку дена се прошири пред сѐ низ британските медиуми, а потоа и низ цела Европа. Имено, организацијата Misfits Boxing сака да го види Ибрахимовиќ во рингот како дел од еден од своите настани.

Станува збор за организација во сопственост на Јутјуберот КСИ, а освен него, на чело на организацијата се Кале и Нисе Зауерланд, долгогодишните промотори на Хрговиќ и Мамс Тејлор, пејач кој договара тепачки со светски ѕвезди. Сите борби ги пренесува DAZN, а токму Тејлор најави можност Ибрахимовиќ да настапи на еден настан.

"Се обидов да го убедам Златан дека може и тој да се занимава со бокс. Добри пријатели сме со неговиот менаџер и имавме FaceTime меѓу нас тројцата. Беше навистина кул бидејќи тој гледаше многу борби на Misfits и ги следеше. Тој беше кикбоксер, би бил добар и во ова“, рече Тејлор потоа додаде:

„Ќе кажам дека се разговараше со Златан и Вејн Руни (легендата на Манчестер Јунајтед оп.а.) и мислам дека е само прашање на време кога ќе се оствари. Во одреден момент тоа ќе се оствари“.

Руни, како и Ибрахимовиќ, одамна е познат по својата страст за боречки вештини, а добро го познава Златан бидејќи беа соиграчи на Олд Трафорд кога играа под водство на Жозе Мурињо во Манчестер Јунајтед.

На фотографиите објавени на социјалните мрежи од службата за брза помош на Нов Јужен Велс, се гледаат само стапалата на жената како излегуваат од карпите.

Австралијката планинарела со пријателите на приватен имот во градот Лагуна, на околу 120 километри од Сиднеј, кога ѝ паднал мобилниот телефон.

Таа се обидела да дојде до него, но се лизнала и паднала меѓу две големи карпи. Пријателите се обиделе да ѝ помогнат и да ја извлечат, но морале да се откажат и да повикаат помош.

На спасувачите и на полицијата им биле потребни седум часа за да ја извлечат 23-годишната Австралијка, а на крајот морале со кран да ја преместат карпата тешка 500 килограми.

За среќа, девојката се спасила само со мали гребаници.