Побуна во Барселона: Ѕвездите не сакаат да одат на закажан натпревар

Барселона и Клуб Америка ќе одиграат пријателски натпревар на 21 декември во Далас.

Мексиканскиот клуб на својата официјална страница објави дека Каталонците доаѓаат со сите ѕвезди, а Спорт пишува дека договарањето на таа средба предизвикало гнев во соблекувалната на тренерот Чави.

Барселона на 20 декември ќе ја пречека Алмерија во 18. коло во шпанското првенство, по што треба да следи десетдневна празнична пауза. Натпреварот против мексиканскиот ривал значи дека на фудбалерите на Барселона ќе им биде скратен и онака кусиот одмор бидејќи ќе треба двапати да патуваат повеќе од десет часа за да го одиграат натпреварот.

Барселона се согласи да се сретне со Клуб Америка исклучиво заради пари, бидејќи во последните години е во финансиски проблеми, па на секој начин се обидува да заработи неколку евра. Клубот за тој натпревар ќе заработи четири милиони евра, тврди Спорт.

Ѕвездите се побунија велејќи дека не сакаат да одат на натпреварот бидејќи ризикот од повреда е голем, а распоредот е густ. Раководството на клубот наводно им ветило бонус од 100.000 евра по играч доколку навистина патуваат на другиот крај на светот. Со оглед на тоа што Клуб Америка и официјално го објави натпреварот, тој најверојатно ќе се одигра.

Рибарите од Општина Пустец бараат крапот да се пласира како преспански бренд

Рибарите од Општина Пустец, каде живеат над 5 илјади жители-Македонци бараат крапот да се пласира како преспански бренд.

-Во општина Пустец, каде на брегот на Преспанско Езеро, се распослани девет села, со над 5 илјади жители-Македонци, за дел од нив главен извор на егзистенција е риболовот, посебно ловот на познатиот преспански крап. Во општината има 50 лиценцирани рибари кои секојдневно во водите на Преспанското Езеро ловат риба, тука секако и познатиот преспански крап. Нивното здружение бара крапот да се пласира како бренд на нивното езеро, бидејќи според нив, со преспанскиот крап манипулираат трговците од различни околии, пренесува весникот „Македониум“.

Тие исто така во континуитет бараат постоење на двa пункта за складирање на уловената риба.

-Нашето здружение на рибари бара отворање на два пункта, еден во Пустец и еден во Туминец. Ние не може со сопствени средства да ги изгради овие пункта, па бараме поддршка од општината, вели Тоди Јоно од село Пустец.

Градоначалникот на Општина Пустец, Пали Колефски информираше дека по барање на риболовното друштво побарал финансиска поддршка од Министерството за земјоделство за изградба на овие два пункта.

Идентично барање има и од Здружението на рибари од Поградец, кои во најголем број случаи количината уловена риба ја чуваат и ја продаваат сами како ќе се снајдат. /МИА

Киев: Во војната со русија досега загинаа 31 илјади украински војници

Украинскиот претседател Володимир Зеленски изјави дека 31.000 украински војници загинале од почетокот на војната, со што ја објави првата официјална бројка за воени жртви по многу месеци.

Тој истакна дека победата на Украина во војната против руските сили зависи од поддршката на западот и изрази надеж дека американскиот Конгрес ќе одобри нова голема воена и финансиска помош.. Претходно, министерот за одбрана Рустем Умеров посочи дека околу 50 проценти од западното оружје не стигнува во Украина, што доведуваат до загуби и на персонал и на територии..

Граѓаните онлајн ќе можат да проверат дали нивниот пасош е изготвен, вели Тошковски

Министерот за внатрешни работи во техничката Влада, Панче Тошковски соопшти дека граѓаните преку интернет ќе можат да го проверат статусот на нивниот пасош.

„Денес го ставивме во функција, она што го најавивме претходно, а се однесува на можноста граѓаните на Град Скопје кои се фотографирале во редовна постапка на пунктовите “Пролет“ и “МТВ“ да го проверат статусот на нивниот пасош, односно дали истиот е во процес на изработка или е изработен и може да се подигне.

Со оваа функција значително ќе се придонесе кон намалување на гужвите кои се создаваа бидејќи граѓаните беа приморани да чекаат и по неколку часа само за да се информираат дали нивниот пасош е изготвен.

Исто така, во тек е надградување на овој систем со цел да се овозможи ваквата проверка да биде достапна и за останатите пунктови, како и за статусот на личните карти.

Проверката може да се направи на следниот линк:

https://termin.mvr.gov.mk/document_status

притисни ентер