Автомобилизам

Пет начини како да го заштитите вашиот автомобил од крадци

Крадците за момент можат да ви го украдат автомобилот или да ви украдат вредни работи од него.

За да спречите кражба, морате да знаете на што се крадецот се потпира кога го избира баш вашето возило како плен.

1.Заклучувајте ги вратите

Ова е нешто што сите го знаат, но не е лошо да се нагласи уште еднаш. Секогаш проверувајте дали сте го заклучиле автомобилот, затоа што се бележат се поголем број на кражби на незаклучени автомобили или пак автомобили со заборавен клуч на брава.

Крадецот гледа лесен плен, влегува во автомобилот и вози. Според некој податоци во САД од 2016 до 2018 година се украдени во просек 209 автомобили дневно заради отклучено возило и клуч оставен на видно место.

2.Паркирајте се паметно

Потрудете се автомобилот да го паркирате на прометно и добро осветлено место.

Тоа што местото е попрометно ги намалува шансите вашето возило да биде украдено, затоа што има поголем број на сведоци кои можат да видат што се случува и со самата нивна дојава да го премислат или да го идентификуваат крадецот.

3.Носете ги вредните работи со себе

Кога излегувате од автомобилот, секогаш со себе носете ги своите драгоцености.

Возачката дозвола чувајте ја во паричникот или во чантата. Не оставајте во возилото ништо што доколку вашиот автомобил биде украден може да ви создаде додатни проблеми или пак самото тоа да биде причина за отворање на вашиот автомобил.

4. Никогаш не го оставајте автомобилот запален

Ако се надвор ниски температурите, можете да дојдете во искушение да го загреете автомобилот пред да тргнете со него, така што ќе го запалите и ќе оставите моторот да поработи.

Дири и ако се вратите во вашиот дома само на една минута, посигурно е да го изгасите моторот, затоа што на вешт крадец му се потребни само неколку секунди да влезе во автомобилот и да замине.

5. Држете ги очите ширум отворени

Обратете внимание на сите важни работи кога го напуштате возилото.

Ако се брзата и не сте сконцентрирани, можете да заборавите нешто да направите, на пример да заклучите врата и така го оставате автомобилот на милост и немилост.

Фудбал

Ибрахимовиќ: Тешко ми беше да се откажам од фудбалот поради моето его

Поранешниот напаѓач Златан Ибрахимовиќ зборуваше за подкастот на „АБТалкс“ каде што разговараше за неговото пензионирање од фудбалот, неговото враќање во Милан како главен советник на сопственикот на клубот и за смртта на неговиот агент Мино Раиола.

-Добро сум, така ме третира животот. Секако, се повлеков од фудбалот пред повеќе од осум месеци, така што мојот живот сега е поинаков. Прифатив да се откажам од фудбалот, што беше тешка работа поради моето его и начинот на кој се доживував себеси. Мислам дека сум најдобар и сè уште сум таков. Можев да продолжам, но решив да престанам. Зошто? Сакам само добар живот за моето семејство. Сакав да правам работи со моите синови, а пред тоа не беше можно бидејќи имав проблеми со едното колено. Така го прифатив тоа и дојде момент кога си реков: „Во ред е, откажи се и отвори ново поглавје од твојот живот, вели популарниот Ибра.

Потоа, неколку месеци подоцна, го запознава Гери Кардинале, кој го надгледува фондот „РедБрд“ што го купи Милан.

-Ми даде понуда што не можев да ја одбијам. Така почнав да работам со Милан, откако бев во клубот три-четири месеци. Добро се однесуваат со мене таму, морам да признаам. Кога почина мојот агент Мино Раиола, тоа беше голем удар за мене. Многу плачев. Сè уште не е исчезнато чувството, бидејќи спомените постојано ми се враќаат. Скршен сум затоа што многу ми недостига. Секој што го познава знае колку бевме блиски. Да можам би му напишал: „Ми недостигаш“, сподели Ибрахимовиќ. /МИА

Шоу биз

Почесна Златна палма за Мерил Стрип на Канскиот филмски фестивал

 Познатата американска актерка Мерил Стрип (74) ќе добие почесна Златна палма за време на церемонијата на отворањето на овогодишниот Меѓународен филмски фестивал во Кан на 14 мај, соопштија денеска организаторите.

Холивудската актерка со рекордни 21 номинација за престижниот Оскар само еднаш била на Канскиот фестивал. Тоа беше пред 35 години кога филмот „Плач во темнината“ во кој играше, доби една од наградите на Канскиот фестивал.

Мерил Стрип освои три Оскари за улогите во филмовите „Крамер против Крамер“ (1980), „Изборот на Софија“ (1983) и „Челичната дама“ во 2012 година.

Актерката се прослави во филмовите „Лов на елени“, „Жената на францускиот поручник“, „Мојата Африка“, „Мостовите на округот Медисон“, „Сомнеж“ и „Заљубување“.

Почесна Златна палма годинава ќе добијат креаторот на серијата „Војна на ѕвездите“, Џорџ Лукас и колективно Студио Гибли на јапонскиот режисер за анимација Хајао Мијазаки.

Канскиот фестивал ќе се одржи од 14 до 25 мај, а за Златната палма се натпреваруваат повеќе од 20 филмови, меѓу кои и новиот филм на Френсис Форд Копола „Мегалополис“. /МИА

Фудбал

ФА го суспендираше Тонали на два месеци

Сандро Тонали беше суспендиран од фудбалот на два месеци. Нему му пресуди Независната регулаторна комисија откако призна дека учествувал во забрането обложување.

Покрај тоа, тој е казнет со 20.000 фунти и предупреден за понатамошно однесување.

Суспензијата е таква што Тонали нема да може да се врати на терените до крајот на сезоната, до кога ќе истече десетмесечната казна што му ја изрече Италијанската фудбалска федерација на 27 октомври 2023 година.

Доколку не го повтори истиот прекршок до крајот на сезоната, нема да мора да ја одлежи оваа двомесечна суспензија.

Фудбалскиот сојуз и Регулаторната комисија оценија дека Тонали соработувал и признал се за што е обвинет „на исклучителен и досега неевидентиран начин“.

Тонали целосно ги признал сите свои прекршоци, а тоа го направил во ситуација кога доказите практично не постоеле.

Тој продолжува да оди на терапија и едукативни програми на кои е должен да присуствува со целосна поддршка од клубот и продолжува да тренира со екипата./МИА

притисни ентер