Сообраќајната несреќа се случи во населбата Ѓорче Петров а поради тоа што е петок и поголемиот број на граѓани ја користат улицата Ѓорче Петров за излез на Скопје, гужвата создаде нервоза кај возачите.

Ова е мислењето на пилотот на Скудерија, Карлос Саинц, кој ги прокоментира очекуваните перформанси на болидот по пакетот подобрувања.

Последните промени на СФ-24 донесоа нестабилност во брзите свиоци и појава на отскокнување, што доведе тимот да се врати на својот под од Барселона, а потоа на „Хунгароринг“ и „Монца“ да користи надградени верзии на оваа варијанта.

-Мислам дека со секоја следна трка по „Монца“, посигурни сме дека промените на нашиот болид ќе функционираат насекаде. Но, секогаш сум велел дека додека не стигнеме до Остин, каде што возиме на нормална патека, нема да можеме да го оцениме нашиот напредок во споредба со Зандворт и Спа, каде што имавме најголеми проблеми. За нас, најважниот тест сега е да видиме дали овие промени се чекор во вистинската насока. А во следните две трки ќе видиме дали ќе имаме шанси за титулата кај конструкторите, изјави Шпанецот.

Саинц потоа објасни што точно мислел со оваа споредба на силите.

-Ако во Остин, Мексико и Бразил, каде имаме постандардни патеки, почнеме да заостануваме и нашиот настап е како оној на Зандворт и Спа, јасно е дека нема да има на што да се надеваме. Да видиме како ќе бидеме во подолгите и побрзи кривини, додаде Саинц./МИА

На снимката се гледа како лидерот на Хамас седи на фотеља среде целосно разурнат објект и со лице прекриено со марама. Најверојатно веќе ранет, Синвар беспомошно замавнува со стап кон беспилотното летало. Според израелската армија, тој заедно со неколку телохранители бегал меѓу објектите, а бил пронајден за време на рутинска патрола во појасот Газа.

-Пред една година, Јахја Синвар, терористичкиот водач на Хамас, го започна масакрот на 7 октомври против Израел. Денес, мозокот на овој ден на чисто зло повеќе го нема. Јахја Синвар е мртов. Насралах го нема. Неговиот заменик Мохсен го нема. Ханије го нема. Деиф го нема. Синвар го нема, -- Бенјамин Нетанјаху – Премиер на Израел.

Веста за неговата смрт молскавично се прошири на израелските улици.

Сепак, дел од израелците велат дека со претпазливост гледаат на смртта на лидерот на Хамас, особено имајќи предвид дека терористичката организација се уште држив во заложништво околу 100 лица.

-Сите се горди на тоа. Но, од друга страна, немаме идеја колку ова ќе биде добро за идните настани.

Не сум сигурна колку ова ќе биде добро за нашите заложници и нивната безбедност.

И додека во дел од Израел се прославуваше, во Појасот Газа и на Западниот Брег, дел од палестинците велат дека не очекуваат никаква промена или крај на војната.

Дали ќе заврши војната откако го убија Синвар? Го убија и Ханија па војната не сопре.

Војната и онака нема да заврши, дали со него (Синвар) или без него.

По убиството на Синвар, потешко ќе биде да се постигне било каков договор, а ситуацијата може да биде и полоша.

Отпорот ќе продолжи до победа. Ќе даде бог.

Американскиот претседател Бајден пак, ја поздрави операцијата на израелската војска и повика да се стави крај на војната, а заложниците да се вратат дома.

-Сега е време да продолжиме напред, да се прдивижиме кон прекин на огнот во Газа. Да се осигураме дека ќе се придивижиме во насока во која ќе можеме да ги направиме работите подобри за цел свет. Време е оваа војна да заврши и заложниците да се вратат дома. - Џо Бајден – Претседател на САД.

Јахја Синвар кој важеше за мозокот зад нападот на Хамас врз Израел беше именуван за лидер на терористичката организација по убиството на Исмаил Ханија пред неколку месеци. Синвар помина 22 години во израелски затвор поради убиство на четири палестинци и двајца израелски војници во 80-години, а бил пуштен на слобода со размена на заробеници меѓу Хамас и Израел. На негово место како вршител на должноста назначен е Калед Мешал. Во меѓувреме, како реакција на убиството на Синвар, Хезболах објави дека преминува во нова фаза во војната против Израел.