Андерсон изгледа неверојатно добро во новиот бренд долна облека за кој сними рекламна кампања.
Жената која за 3 месеци ќе наполни 50 години не изгубила ни малку од својата привлечност. Како и пред 3 децении, нејзините фотографии измамуваат воздишки.
- Долната облека не мора да ја види некој за жената да се чувствува женствено и привлечно. Јас носам убава долна облека поради себе, а ако некој ја види - тоа е бонус - изјави Памела за Вог.
Таа неодамна изрази восхитеност од Џулијан Асанж и одговори на шпекулациите за нивната специјална поврзаност.
- Тој е романтичен и џентлмен. Мојата врска со Џулијан не е тајна. Тој е еден од моите омилени луѓе и можеби најславниот и најполитизиран бегалец на сите времиња. Да се биде славен бидејќи си гонет не е позиција на моќ туку позиција на ранливост. Загрижена сум - напиша Памела на својот блог.
- Џулијан е емпатична личност кому му значи што се случува во светот. Поради својата работа тој направи моќни непријатели во неколку земји, особено во Америка, разоткривајќи ги. Тој сака да го ослободи светот преку едуцирање. Тоа е романтична борба и го сакам поради тоа!