Свет

Откриен мотивот за масакрот во Чешка, кога инженер во болница уби шест лица (ВИДЕО)

Шест лица загинаа утрово во пукање во универзитетска болница во чешкиот град Острава.

Три лица се повредени, оперирани и се под медицински надзор. По неколку часови претрес, полицијата го нашла напаѓачот во автомобил што го користел за да избега, но пред интервенцијата човекот се застрелал во главата и се самоубил, потврди чешката полиција.

- Го фативме сторителот. Еден 42-годишен маж си пукал во главата пред да биде уапсен од полицијата и починал на лице место. И благодариме на јавноста за трпеливоста и помошта - напишаа на Твитер.

Станува збор за градежен инженер, Цтирада В. (42), чиј идентитет го пренесуваат чешките медиуми.

- Си замисли дека е сериозно болен и никој не сакаше да го лекува. Тој бил во сите болници, кај сите лекари. Минатиот месец, заради ова, тој воопшто не дојде на работа. Дојде пред 14 дена и рече дека е на боледување. Не сакам повеќе да зборувам за тоа “, изјави неговиот соработник , Зигула.

Директорот на болницата Јиржи Хавралант изјави дека напаѓачот бил во чекалната околу седум часот наутро, како и сите други пациенти, но потоа одеднаш почнал да пука без причина. Застрелал девет лица, од кои шест починале. Од тројцата повредени, двајца се стабилни по операцијата, а лекарите сè уште се борат за еден живот.

Пукањето било пријавено нешто по 7 часот, а пет минути подоцна првите полициски возила биле на местото на настанот. Човекот отворил оган со кратко огнено оружје за кое наводно немал дозвола, а директорот на болницата потврдил дека сите убиени биле пациенти. Премиерот Андреј Бабиш изјави дека пукал одблизу и ги погодил жртвите во главата и вратот.

Напаѓачот потоа избегал во сиво Рено Лагуна и болницата била евакуирана. Полицијата ја објави наводната фотографија на Твитер, но брзо ја повлекоа бидејќи станува збор за сведок, а не за напаѓачот.

По едночасовна потера, полицијата го лоцирала автомобилот и го опколила околу 10:30 часот. Пред да одговори, 42-годишникот се застрелал во главата и останал мртов на самото место, соопшти полицијата на Твитер.

- Полицијата го пронајде автомобилот, се слушна истрел. Го утврдуваме идентитетот на човекот кој си пукаше во главата пред полицијата да може да преземе акција, напишаа тие.

Осврнувајќи се на нападот како голема трагедија, чешкиот премиер Андреј Бабиш рече дека напаѓачот е веројатно ментално болен човек кој немал помошници.

Пукањето во болницата Острава е второто најтешко пукање во историјата на земјата. Во февруари 2015 година, еден маж влегол во ресторан во градот Ухерски Брод, убивајќи осум лица, а потоа се самоубил.

Фудбал

Ибрахимовиќ: Тешко ми беше да се откажам од фудбалот поради моето его

Поранешниот напаѓач Златан Ибрахимовиќ зборуваше за подкастот на „АБТалкс“ каде што разговараше за неговото пензионирање од фудбалот, неговото враќање во Милан како главен советник на сопственикот на клубот и за смртта на неговиот агент Мино Раиола.

-Добро сум, така ме третира животот. Секако, се повлеков од фудбалот пред повеќе од осум месеци, така што мојот живот сега е поинаков. Прифатив да се откажам од фудбалот, што беше тешка работа поради моето его и начинот на кој се доживував себеси. Мислам дека сум најдобар и сè уште сум таков. Можев да продолжам, но решив да престанам. Зошто? Сакам само добар живот за моето семејство. Сакав да правам работи со моите синови, а пред тоа не беше можно бидејќи имав проблеми со едното колено. Така го прифатив тоа и дојде момент кога си реков: „Во ред е, откажи се и отвори ново поглавје од твојот живот, вели популарниот Ибра.

Потоа, неколку месеци подоцна, го запознава Гери Кардинале, кој го надгледува фондот „РедБрд“ што го купи Милан.

-Ми даде понуда што не можев да ја одбијам. Така почнав да работам со Милан, откако бев во клубот три-четири месеци. Добро се однесуваат со мене таму, морам да признаам. Кога почина мојот агент Мино Раиола, тоа беше голем удар за мене. Многу плачев. Сè уште не е исчезнато чувството, бидејќи спомените постојано ми се враќаат. Скршен сум затоа што многу ми недостига. Секој што го познава знае колку бевме блиски. Да можам би му напишал: „Ми недостигаш“, сподели Ибрахимовиќ. /МИА

Шоу биз

Почесна Златна палма за Мерил Стрип на Канскиот филмски фестивал

 Познатата американска актерка Мерил Стрип (74) ќе добие почесна Златна палма за време на церемонијата на отворањето на овогодишниот Меѓународен филмски фестивал во Кан на 14 мај, соопштија денеска организаторите.

Холивудската актерка со рекордни 21 номинација за престижниот Оскар само еднаш била на Канскиот фестивал. Тоа беше пред 35 години кога филмот „Плач во темнината“ во кој играше, доби една од наградите на Канскиот фестивал.

Мерил Стрип освои три Оскари за улогите во филмовите „Крамер против Крамер“ (1980), „Изборот на Софија“ (1983) и „Челичната дама“ во 2012 година.

Актерката се прослави во филмовите „Лов на елени“, „Жената на францускиот поручник“, „Мојата Африка“, „Мостовите на округот Медисон“, „Сомнеж“ и „Заљубување“.

Почесна Златна палма годинава ќе добијат креаторот на серијата „Војна на ѕвездите“, Џорџ Лукас и колективно Студио Гибли на јапонскиот режисер за анимација Хајао Мијазаки.

Канскиот фестивал ќе се одржи од 14 до 25 мај, а за Златната палма се натпреваруваат повеќе од 20 филмови, меѓу кои и новиот филм на Френсис Форд Копола „Мегалополис“. /МИА

Фудбал

ФА го суспендираше Тонали на два месеци

Сандро Тонали беше суспендиран од фудбалот на два месеци. Нему му пресуди Независната регулаторна комисија откако призна дека учествувал во забрането обложување.

Покрај тоа, тој е казнет со 20.000 фунти и предупреден за понатамошно однесување.

Суспензијата е таква што Тонали нема да може да се врати на терените до крајот на сезоната, до кога ќе истече десетмесечната казна што му ја изрече Италијанската фудбалска федерација на 27 октомври 2023 година.

Доколку не го повтори истиот прекршок до крајот на сезоната, нема да мора да ја одлежи оваа двомесечна суспензија.

Фудбалскиот сојуз и Регулаторната комисија оценија дека Тонали соработувал и признал се за што е обвинет „на исклучителен и досега неевидентиран начин“.

Тонали целосно ги признал сите свои прекршоци, а тоа го направил во ситуација кога доказите практично не постоеле.

Тој продолжува да оди на терапија и едукативни програми на кои е должен да присуствува со целосна поддршка од клубот и продолжува да тренира со екипата./МИА

притисни ентер