Имено, манекенката со месеци наназад доживува навредливи коментари дека изгледа непрепознатливо од последната бременост. Обожавателите не „ѝ ги простија“ ни отворените тоалети со длабок шлиц, бидејќи, според коментарите на социјалните мрежи, „премногу си дозволила“ со таквиот изглед.
Иако се чинеше дека поранешната манекенка тоа не ја засега многу, таа на својот профил покажуваше дека напорно вежба за да се врати во форма. А, според последните фотографии од Канскиот филмски фестивал, каде таа се појави во гламурозен црн фустан украсен до долга жолта сатенска лента, таа не е далеку од целта.
Сепак, во фокус беше и нејзиното лице, за кое многумина велеа дека е отечено и надуено, но не поради хормоните во бременоста, туку поради користењето „филери“ за да изгледа помладо. Но, преку една снимка, на која шминкерите ја подготуваат да излезе на црвениот тепих, Андриана покажа дека ѝ се враќа стариот сјај на лицето.
На снимката се гледа дека лицето ѝ е чисто и убаво, и дека нема многу работа за да се сокријат нејзините недостатоци, па со шминката нејзиното лице ја доби некогашната симетрија, а Лима излгедаше како некогашните гламурозни холивудски диви.
-Таа секогаш ќе биде ТАА девојка-
-Изгледа поразлично, не би ја препознала –
-Да ми кажевте дека има 25 години, би поверувала-
-Не залудно е „ангел на Викторија“ –коментираа корисниците на мрежата.
Нејзиниот атрактивен изглед, шминкерите го комплетираа со шминка, па некогашниот ангел на Викторија со голема самодоверба позираше пред насобраните фотографи.