Свет

Осумнаесет загинати во напад на милитантите од Ал Шаабаб врз воена база во Сомалија

Има потврда дека најмалку 18 лица се убиени во нападот утринава од тешко вооружени бунтовници врз армиска база во областа Амара, во провинцијата Мудуг, изјави за ДПА високиот сомалиски командант Масуд Варшаме.

Стотици локални жители беа принудени да ги напуштат своите домови откако вооружените исламисти од Ал Шаабаб денеска за кратко време освоија една област и зазедоа воена база во централната сомалиска држава Галмудуг, за ДПА изјави старешини на местото и армиски извори.

-Има потврда дека најмалку 18 лица се убиени во нападот утринава од тешко вооружени бунтовници врз армиска база во областа Амара, во провинцијата Мудуг, изјави за ДПА високиот сомалиски командант Масуд Варшаме.

Терористите упаднале во базата по самоубиствениот напад со автомобил-бомба, што бил проследен со жестока битка, при што загинале најмалку седум војници.

Бомбашот-самоубиец се разнел со автомобилот на влезот на базата, за потоа во неа да влезат вооружените борци.

Армијата не сакаше да потврди дека областа Амара е целосно падната во рацете на исламистите.

-Убивме девет милитанти и загубивме седум војници. Борбите се уште траат во и околу областа Амара, особено во пошумените области, изјави воениот претставник за ДПА.

Локалниот старешина Мохамуд Џама изјави дека ги видел телата на двајца цивили откако минофрлач го погодил нивниот дом, со што бројот на жртвите се зголеми на 18. Џама додаде дека силните експлозии и истрели од огнено оружје ја направиле ситуацијата несигурна за многу жители, принудувајќи ги да избегаат со своите деца.

– Фирмите и училиштето се затворени, а стотици жители се преселија во предградијата на областа, рече тој.

Ал-Шабаб на својата радио станица „Андалус" соопшти дека сомалиската армија „претрпела големи загуби" и дека нејзините борци заплениле оружје, муниција и уништиле воени возила додека ги запалиле армиските бараки.

ДПА, меѓутоа, не можеше да го потврди нивото тврдење од независен извор.

Македонија

Тешка сообраќајка на „Водњанска“, повредени седум лица

Седум лица се повредени во тешката сообраќајна несреќа која синоќа се случи на улица „Водњанска“, пред влезот на Клиничкиот центар.

-Сообраќајната несреќа се случила помеѓу автомобил „БМВ“, автомобил „Ауди“, и две паркирани патнички возила „Голф“ и „Мерцедес“, сите со скопски регистарски ознаки, соопштија од МВР..

Во незгодата со телесни повреди се здобиле седум лица констатирани во ГОБ „Св. Наум Охридски“ и Комплекс клиники Мајка Тереза во Скопје. Извршен бил увид од увидна екипа на СВР Скопје, но причините се уште не се познати.

Регион

Каселакис до Мицотакис: Ако сметате дека договорот од Преспа е предавнички, поништите го

Во Грција и понатаму една од главните политичките теми во пресрет на евроизборите е Преспанскиот договор, што се отвори по неупотребата на „Северна“ од страна на Сиљановска за време на заклетвата.

По многу жестоки реакции од Мицотакис, лидерот на СИРИЗА, Стефанос Каселакис му фрли ракавица од синоќешниот митинг во Солун. Ако навистина договорот од Преспа го смета за предавнички, да го раскине. Во спротивно да се извини на грчкиот народ, како и на Ципрас и Коѕијас.

-Испраќам јасна и едноставна порака до премиерот. Договорот од Преспа е билатерален. Ако продолжувате да сметате дека е предавнички, постои само еден начин. Да го сторите она што го кажуваа вашите претставници, а многумина од нив сè уште го кажуваат: „Ако ВМРО ни даде шанса, ќе го поништиме договорот“. Ова го кажуваа. Истото го посакуваат и т.н. „борци за Македонија“ што ги вадевте на улица и се ваши гласачи: Да го поништите. Па, еве го Скопје, отидете. Да видиме. Но, нема да го сторите тоа. И знаете зошто нема да го сторите тоа? Бидејќи Договорот од Преспа е тоа што го сакавте како партија, но тогаш Груевски во никој случај не прифаќаше да направи толку отстапки, како што направија пред Владата на СИРИЗА, пред Алексис Ципрас и Никос Коѕијас, рече Каселакис.

Регион

Вучиќ утре ќе отпатува во Њујорк за да се спротивстави на резолуцијата за Сребреница

Вучиќ најави дека утре ќе отпатува во Њујорк за да се спротивстави на усвојувањето на резолуцијата за Сребреница.

Претседателот на Србија, Александар Вучиќ рече дека утре ќе отпатува за Њујорк, каде со делегацијата ќе се спротивстави на усвојувањето на резолуцијата за Сребреница, која наредната недела е на дневен ред на Генералното собрание на ОН, а амандманите кои Црна Гора ги поднесе на резолуцијата ги нарече „валкана игра“.

„Утре одиме во Њујорк, четири до пет дена ќе поминеме во Њујорк, ќе имам голем број средби, а во четврток сите заедно ќе се бориме“, истакна денеска Вучиќ во телевизиско интервју.

Тој рече дека со него во делегацијата треба да одат само оние кои се „подготвени за борба на секој можен начин“.

Предлагачите на нацрт-резолуцијата за Сребреница ја утврдија конечната верзија на тој документ, за кој ќе расправа Генералното собрание на Обединетите нации (ОН) на 23 мај, а во преамбулата на текстот стои дека „кривична одговорност според меѓународното право за злосторството геноцид е индивидуализирана“.

Иницијатори на предложениот текст беа Германија и Руанда, а амандманите на нацртот беа поднесени од Владата на Црна Гора.

Осврнувајќи се на амандманите што Црна Гора ги достави на резолуцијата за Сребреница, а кои главно беа прифатени, Вучиќ тоа го нарече „валкана игра“.

„Тоа е валкана игра и перфиден трик. Тие намерно оставаат простор за јасен заклучок за морална и политичка одговорност“, рече Вучиќ и додаде дека по враќањето од Њујорк ќе каже со кого за тоа преговарата Црна Гора. /МИА