Раководството на МЕПСО од СДС и ДУИ при набавката на уредот за корекција на високонапонски профил од скоро 10 милиони евра инфлагранти исцртале шема како ги испумпувале парите.

На вчерашната прескоференција кажавме дека претпријатието Далековод АД од Загреб само можело да се јави на тендер и да го добие, истото немало потреба од Албанската фирма параван за испумпување на парите.

Дали МЕПСО под раководство на СДС и ДУИ ја поставиле Шанси инвест од Албанија како фирма од која тие требало да ги поделат провизиите?

МЕПСО кое доставило модел договор до добавувачите и барало тој да биде претходно прифатен, откако Далековод АД Загреб го добива тендерот дозволува измена и дополнување на договорот.

Во чл.9 од договорот е дополнето дека доставувач на фактурите ќе биде Шанси инвест од Албанија, а не Далековод АД Загреб, кој всушност е и производител на опремата. Дополнително наведено е дека Шанси инвест ќе биде доставувач на авансната и сите други фактури до МЕПСО.

И студент од прва година правен или економски факултет ќе сфати дека Шанси инвест до МЕПСО доставува фактура, си ја наплаќа провизијата, а потоа му исплаќа на производителот Далековод АД Загреб за опремата.

Го повикуваме ЈО да отвори случај. Далековод АД Загреб можел сам да се јави на тендерот, зошто не го сторил тоа и дали за тоа бил уценет и од кого?

ЈО мора да го истражи овој случај. Утре продолжуваме со нови детали за оваа скандалозна набавка.

Бране Петрушевски, пратеник на ВМРО-ДПМНЕ

Со почит,

Центар за комуникации на ВМРО-ДПМНЕ

Директорот на Агенцијата за национална безбедност Бојан Христовски има сертификат за државна тајна, потврди денеска премиерот Христијан Мицкоски одговарајќи на новинарски прашања по поставувањето камен-темелник за изградба на нова градинка во Општина Ѓорче Петров.

Прашан за тоа што ќе направи Владата во однос на отворениот предмет на Државната комисија за спречување корупција за именувањето на Христовски за директор на АНБ, премиерот рече дека ќе го чекаат мислењето на Комисијата.

Антикорупциска отвори предмет за именувањето на Христовски за директор на АНБ по пристигнување анонимна претставка до Комисијата во која пишувало дека тој наводно не ги исполнува условите за да биде директор.

Наводите, според претседателката Татјана Димитровска, се однесуваат на неисполнување услови за именување на директор. Конкретно во делот на образование, стекнување со безбедносен сертификат и припадност на политичка партија.

Во организација на СОС Детско Село, со поддршка на Министерството за социјална политика, демографија и млади и Општина Гази Баба, настанот, имаше за цел да ја подигне свеста за значењето на згрижувачките семејства и нивната непроценлива улога во општеството.

Голема благодарност и до Силви Бенд кои внесоа позитивна енергија и радост, но и ги инспирираа присутните да размислат за својата улога во заедницата и можноста да станат згрижувачи.

“Денес го славиме згрижувањето како акт на љубов и поддршка за децата кои најмногу имаат потреба од сигурност и внимание. Како Министерство за социјална политика, демографија и млади, преку различни програми и проекти, продолжуваме да работиме на унапредување на системот на згрижување, да ја подигаме свеста за важноста на семејното згрижување и да охрабриме што повеќе семејства да се вклучат. “ – изјави г-дин Ѓоко Велковски, Заменик министерот за социјална политика, демографија и млади.

Овој настан имаше за цел да ја подигне свеста за важноста на згрижувачите и да ги мотивира новите кандидати да се приклучат на оваа благородна мисија. Преку оваа иницијатива, се нагласи значењето на згрижувачите, кои играат клучна улога во заедницата, обезбедувајќи дом и семејство за децата кои имаат потреба од топлина и сигурност.

“Како општина, продолжуваме со заложбите за поддршка на семејното згрижување, бидејќи веруваме дека секое дете заслужува шанса да расте во безбедна и стабилна средина, опкружено со грижа и љубов. Затоа, и оваа година ја организираме оваа промотивна активност, каде што ја подигаме свеста за значењето на згрижувањето и ја изразуваме нашата длабока почит кон сите згрижувачи.“ – додаде во своето обраќање г-дин Бобан Стефковски – Градоначалник на Општина Гази Баба.

На настанот беше потенцирано дека згрижувањето не е само професија, туку мисија која носи позитивни промени во животите на децата. Секоја личност која станува згрижувач е дел од трансформацијата на едно детско срце, создавајќи можности за емоционален и психолошки развој.

„ Згрижувањето е во голема мера синоним за работата на СОС Детско Село, но за нас исто така претставува и наша морална одговорност. Сведоци сме на неверојатните приказни на посветеност и љубов што ги покажуваат згрижувачките семејства да создадат топол дом и грижа за секое дете, бидејќи згрижувачите се оние кои го гарантираат и овозможуваат вроденото право на секое дете на животен стандард кој ќе дозволи физички, ментален, духовен, морален и социјален развој.“- изјави директорката на СОС Детско село Скопје, Наде Качакова.

Пораката беше јасна – секое дете заслужува шанса за сигурен дом и љубов.

СОС Детско Село повикува сите кои сакаат да направат разлика во животот на едно дете да размислат за оваа важна улога и да се приклучат како згрижувачи.

Повеќе информации за тоа како да станете згрижувач можете да најдете на www.zgrizuvanje.mk или на 075 277 447.