Обвинителството за гонење на организиран криминал и корупција со истражители на МВР синоќа влегле во Академијата за судии и јавни обвинители откако во телефотнот на притворениот врховен судија Наке Георгиев нашле индиции за сторено и друго кривично дело. За што станува збор, во соопштенито на ЈО информација нема, но велат дека се проверуваат двајца кандидати.
-Како резултат на тоа, предметниот обвинител со цел да ги испита ваквите индиции оформи предмет со кој достави барање до судијата на претходна постапка за одземање на два мобилни телефони од лице вработено во Академијата за судии и јавни обвинители, како и видео запис и две досиеја за еден поранешен и еден актуелен кандидат на Академијата. – соопштија од ЈО.
Заменик директорот на Академијата за Канал 5 потврди дека е одземена документацијата за слушател од седмата генерација и кандидат за слушател за следната деветта генерација.
-За потребите на предистражната постапка која се води, беа предадени на овластените лица од МВР бараната документација која се стои во документи, резултати од испити за слушател во седмата генерација. Потоа видео надзорот од квалификацискиот испит со кој располагаше академијата а тоа е материјал кој е запленет за друго кривично дело, и за документација која се однесува за кандидат за слушател во деветата генерација за која се уште не е завршен испитот. - изјава – Илир Исени – Заменик директор на АСЈО.
Токму од седмата генерација лани во јули беа избрани повеќе судии, меѓу нив беа и имињата на блиски роднини на функционери, обвинители и судии, како Кирил Георгиев, кој е син на Наке Георгиев, кој беше избран за судија во скопскиот Кривичен суд.
Прашан околу целиот случај премиерот Христијан Мицкоски рече дека се работи за индиции за наместени огласи и избори на судии и обвинители кој доколу се докаже вели дека ќе потврди за партизираност во судството и обвинителството.
Инаку врховниот судија Наке Герогиев беше уапсен на 20 мај годинава откако, како што информираа од Обвинителството и МВР, бил фатен на дело при примање 10 000 евра поткуп. Тој кратко беше член на Судскиот совет, но и си поднесе оставка од оваа функција пред официјално да даде заклетва за да може неговиот син да биде избран за судија во Основниот кривичен суд Скопје.