Свет

Обид за атентат врз словачкиот премиер Роберт Фицо, состојбата му е критична

Обид за атентат врз словачкиот премиер Роберт Фицо. Бил застрелан со неколку куршуми  додека се движел меѓу топла луѓе во градот Хандлова. 

Вооружениот напаѓач испукал неколку куршуми, од кои најмалку три завршиле во телото на словачкиот премиер. 59-годишниот Роберт Фицо се бори за живот по обидот за атентат што ја крена на нозе Словачка. Нападот се случил во градот Хандлова, 150 километри од Братислава додека Фицо се поздравувал со политички приврзаници по завршување на владин состанок.

Според медиумските извештаи, со повреди во стомакот, рацете и нозете Фицо со хеликоптер итно е пренесен на операција во блискиот град Банска Бистрица и е во критична состојба. Атентаторот, чиј идентитет не се открива е уапсен на самото место.

Неофицијално, се работело за 71-годишник од југот на земјата, кој пред да отвори оган наводно му довикнал со прекарот Робо и го повикал да дојде кај него.

Мотивите за нападот и профилот на напаѓачот не се познати.

Шокирана сум и сите сме шокирани за она што се случи со премиерот Фицо. Физичкиот напад врз премиерот не е само напад врз човек, туки и врз демократијата. Полицијата го уапси напаѓачот и ќе излезе со информации што е можно поскоро., изјави Зузана Чапутова претседателка на Словачка

Веста за обидот за атентат со неверување беше примена и на собраниска седница.

-Дами и господа, ја прекинувам седницата бидејќи имам информација дека е застрелан премиерот на Словачка. , изјави Лубос Блаха, потпретседател на словачкиот парламент

Брутален и кукавички – со вакви зборови осуди стигнуваат од сите страни на светот. Првите луѓе на Европската унија, Мишел и Фон дер лајен нападот го нарекоа ужасен и шокантен напад кој со ништо не може да биде оправдан. Пораки со осуда и со поддршка за Фицо упатија и Столетненберг, Шолц, Зеленски и дузина други лидери.

Фицо се смета за контроверзен популист, кој лани направи политички камбек и по четврти пат стана премиер и ја предводеше левичарската партија Смер. Од умерен политичар во минатото преку ноќ почна да застапува проруски и антизападни ставови. Вети дека на Украина нема да и испрати ни метак воена помош и ги критикуваше западните санкции кон Москва. Останува запаметен и како жесток противник на носењето маски и ковид-вакцините за време на пандемијата, како и жесток критичар на мигрантите и ЛГБТ заедницата.

Свет

Во еден ден му извадиле 20 заби и му вградиле 12 импланти- се вратил дома и починал

Жителка на кинескиот град Јонгканг, неодамна поднела жалба до Општинското здравствено биро, а по смртта на нејзиниот татко.

Г-ѓа Шу наведува дека на несреќниот човек во еден ден во локалната стоматолошка клиника му биле извадени 20 заби и вградени 12 импланти. Таа тврди дека тоа ја предизвикало неговата прерана смрт 13 дена подоцна.

Ќерката тврди дека таткото во последните денови од животот претрпел „страшни болки“, пред да доживее срцев удар на 28 август, пренесува Oddity Central.

Таа бара одговорните да бидат изведени пред лицето на правдата.

Според писмената согласност на пациентот, на мажот му биле извадени природните заби, по што на вилицата му биле дупнати 12 дупки за импланти.

Претставникот на клиниката, каде што била извршена процедурата, објаснува дека бројот на заби кои може да се вадат одеднаш го одредува лекарот, врз основа на општата состојба на пациентот.

Не постои специфична регулатива, а клиниката и лекарот мора да ја имаат предвид толеранцијата на болката на пациентот и ризикот од инфекција.

„Колку повеќе заби отстранувате, толку повеќе пациентот реагира на болка и поголема е веројатноста за постоперативна инфекција“, рече Ксијанг Гуолин, директор на Центарот за орална медицина во Вухан.

Истрагата е во тек, но претставник на Општинското биро за здравство изјави дека „докажувањето на вината може да биде тешко“, со оглед на тоа што смртта настапила 13 дена по постапката.

Свет

Ужас во Франција: Маж си ја убил сопругата и двете мали деца, на една и 5- годишна возраст

Во Морман, во Сена-ет-Марн, во областа Ил-д-Франс, е уапсен човек кој рекол дека штотуку го убил „своето семејство“.

Околу 06:00 часот во Мормант, полицаец кој не бил на должност, кој одел на работа, видел маж вооружен со нож како напаѓа друг минувач на улицата, објави ТВ БФМ.

Пешакот е повреден во раката, а другиот во вратот, „и двајцата без значителни последици“, изјави обвинителот Жан Мишел Бурле.

Полицаецот успеал да го стави под контрола и да го уапси.

Потоа рече дека штотуку го убил „своето семејство“, сопругата и двете деца на една и петгодишна возраст.

Осомничениот нема криминално досие, туку „психијатриска историја“, додаде обвинителот.

Тој во моментов е хоспитализиран за да се утврди дали е способен да биде во притвор.Отворена е истрага за убиство со умисла, соопшти обвинителот.

Во Франција во просек се случува фемицид на секои три дена.

Во 2023 година, родителите убиле повеќе од 60 деца, според Voa d-lanfan, здружение кое брои убиства врз основа на случаи објавени во медиумите.

Живот

„Операција саксија“ е во тек во Амстердам, жителите во тешка меѓусебна кавга

Властите во холандската престолнина Амстердам ја почнаа „операција саксии“, бидејќи, како што истакнаа, прекумерното поставување саксии околу зградите го загрозува пристапот до објектите.

Жителите со вознемиреност реагираа на плановите на властите во Амстердам да ги отстранат, според нив, непромислено поставените саксии, објави Гардијан.

Во пристапот што локалните медиуми го нарекоа „операција саксии“, централниот кварт на холандската престолнина ги ограничува жителите да постават два саксии со дијаметар од 50 сантиметри, направени од „одржлив“ материјал и поставени на предниот ѕид на зградата.

Ќе се отстранат цели „градини“ со саксии на паркинзи и под дрвја, се вели во меморандумот на градските власти.

На состанокот на градскиот совет во вторникот, претседателката на Централниот извршен комитет на Амстердам, Амели Стренс, рече дека напуштените саксии со цвеќиња се непривлечни, лоши за биолошката разновидност и ги прават објектите помалку достапни за оние кои користат помагала за мобилност и инвалидски колички.

Некои жители на Амстердам се задоволни што градот реагира на загриженоста на луѓето за преполните тротоари, додека други посочуваат дека напуштените или паркирани велосипеди и тераси во баровите зафаќаат голем дел од јавните површини, како и отпадот, наведувајќи дека преголем број туристи го посетуваат градот.

притисни ентер