Прашањата за ограничувањето на абортусот, мигрантите и економијата доминираа во 90-те минути во кои Трамп и Харис се обидуваа да ги придобијат неодлучните граѓани на првото и веројатно последно соочување.

-Во Минесота таа излезе... Јас зборувам сега, ако не ви пречи, ве молам. Дали звучи познато? , рече Трамп, откако Харис се обиде да му „влета“ во збори.

Генералниот впечаток е дека демократската кандидатка беше поенергична и го примора Трамп да се брани. Неретко со потсмев ги следеше изјавите на републиканецот, приморувајќи го да се впушти и во бизарни тврдења, како она, за однесувањето на имигрантите од Хаити.

-Во Спрингфилд, тие ги јадат кучињата. Луѓето што доаѓаат, ги јадат мачките. Тие ги јадат милениците на луѓето што живеат таму. Ова се случува во нашата земја. Тоа е срамота. , рече Доналд Трамп, кандидат за претседател кај републиканците.

-Зборувате за екстремни работи.. Кога слушаме ваков вид реторика, кога не се решаваат прашањата што го засегаат американскиот народ, мислам дека изборот е јасен на овие избори. , рече Камала Харис, кандидатка за претседател на демократите.

Во однос на надворешната политика, Харис го бранеше правото на Израел да се брани во конфликтот во Газа, Трамп пак, потенцираше дека војната во Украина немало да се случи ако тој бил претседател. Не одговори дали сака Украина да победи во војната со Русија.

-Сакам војната да заврши. Сакам да спасам животи. Го знам Зеленски многу добро, го знам Путин многу добро. Имаме добри односи. Го почитуваат вашиот претседател, ме почитуваат мене, не гопочитуваат Бајден. Како можат да го почитуваат? Тој за две години не оствари ниту еден телефонски разговор со Путин. , рече Трамп.

-Ако Трамп беше претседател, Путин ќе седеше во Киев сега. Агендата на Путин не е само Украина. Разберете зошто европските сојузници и нашите сојузници во НАТО се толку благодарни што повеќе не сте претседател. Зошто мислите дека е пријателство со некој што е познат како диктатор, кој ќе ве изеде за ручек? , оцени Харис.

Проверката на фактите од страна на „BBC“ покажа дека и Трамп и Харис неколку пати изнеле неточни или непотврдени информации по прашањата за миграцијата, абортусот, невработеноста, инфлацијата. Од тимот на Трамп ги обвинија модараторите за пристрасност зашто за разлика од неговите, не ги оспориле ставовите презентирани од Харис, која денеска ја доби можеби најважната поддршка во пресрет на изборите за два месеца. Музичката мега ѕвезда Тејлор Свифт која има 280 милиони следбеници на Инстаграм соопшти дека ќе гласа за демократката, што според многумина, ќе значи регрутирање на милиони гласови на млади Американци на нејзино конто.

Истражувањето на „CNN“ покажа дека 63 наспрема 37 проценти од анкетираните се изјасниле дека Харис имала подобар настап од Трамп.

Масовното иселување на населението доведува до вишок на наставници- стручен кадар кој преку едносменско работење, подолг престој во училиштата и нивно пренасочување во други образовни институции, ќе остане во образовниот процес- смета министерката за образование Весна Јаневска. Преку оваа стратегија таа вели дека освен што ќе биде искористен целокупниот фонд на наставници за учениците да се стекнуваат со повеќе општествено корисни знаења, ќе се потполни и недостатокот на човечки капацитети во останати образовни институции.

-Кога ќе направиме нормални паралелки, не паралелки од по 10 или 15 ученици, туку кога ќе ги сведеме на 20 ученици, наставникот што е вишок ќе продолжи да работи во втората половина на денот според програмата на училиштата, која опфаќа многу додатни предмети, изборни предмети, воннаставни активности, работа со деца кои имаат потешкотии во учење, работа со талентирани деца, дополнителна настава, додатна настава, општествено корисни работи,- - Весна Јаневска – министерка за образование и наука.

Дека демографските промени во земјата влијаат негативно врз образованието согласна е и претставничката на УНИЦЕФ во земјава Лесли Милер. Потенцирајки ги последните анализи на ПИСА кои покажуваат дека над 2/3 од учениците имаат лоши резултати во читање, математика и науки, како и дека македонските ученици имаат 900 часови поминати во учење помалку од просекот, таа смета дека е клучно да се направи реорганизација на ресурсите во образованието согласно моменталната демографска состојба во државата.

-Има многу можности за подобрување на ситуацијата со подобро користење на постоечките ресурси во земјата и во рамките на општините и со заедничко работење можеме да обезбедиме секое дете каде живее без разлика дали во урбана средина и оди во големо училиште или во училиште со неколку ученици да имаат сите деца можности за квалитетно образование,- - Лесли Милер – претставничка на УНИЦЕФ во Македонија.

Од МОН најавија дека преку проектот „Оптимизација на училиштата“ ќе се заложат во училиштата каде има десетина ученици да се припојат во централните училишта. Целта како што нагласија од министерството е учениците да се социјализираат и да се сместат во подобри услови, но и да се намалат трошоците за одржување на училишта кои немаат ефект врз образованието.

Во фокус на средбата беа темите за надлежностите на Уставниот суд на Република Македонија, актуелностите поврзани со работењето на Судот, како и новите одредби од Актот со кои се интервенира во начинот на работењето и обраќањето до Уставниот суд . Претставниците од СР Германија покажаа интерес за начинот на којшто се избираат уставни судии, за водењето на постапките и процедурата на решавање на предметите.

Беа разменети искуства од богатата уставно-судска пракса на Судот во СР Германија за заштитата на човековите права и правните механизми, како што е уставната тужба.

Претседателот Костадиновски ги информираше за приоритетите во неговиот мандат, со акцент на потребата од донесување на двотретински закон за Уставен суд, со што ќе се овозможи поголема самостојност и независност на Судот, воведување на уставна тужба и поголема транспарентност. Костадиновски ја истакна досегашната успешна соработка со реализираните проекти преку германската амбасада во земјава и меѓународните организации предводени од германски експерти.

Делегацијата од СР Германија е во состав од 25 судии, обвинители,проценители, советници кои се ангажирани како надворешни соработници на Федералниот Уставен суд, меѓу нив и ценетиот експерт за владеење на правото, Рајнхард Прибе.