Автомобилизам

Новиот Peugeot e-3008 е помеѓу финалистите

Автомобил на годината 2024: Новиот PEUGEOT E-3008 е помеѓу финалистите

На 27 ноември 2023 година, 59-те членови на жирито за Европски автомобил на годината (COTY), кои претставуваат 22 земји од целиот континент, од вкупно 28 модели, го избраа новиот PEUGEOT E-3008 да им се придружи на финалните седум кандидати за главна награда. Во последните 10 години, Е-3008 е 7-ми модел од PEUGEOT, кој е избран да биде COTY финалист.

PEUGEOT го трансформираше 3008, подигнувајќи го на сосема ново ниво во однос на дизајнот, уживање во возењето и додаде водечки електрични перформанси за да го создаде новиот E-3008:

ALLURE. Fastback SUV со обновен, современ и впечатлив дизајн.

EMOTION. Предизвикани емоции од новиот панорамскиот i-Cockpit®. Уживајте во возењето на едно сосема ново ниво...

EXCELLENCE. Комбинира перформанси и целосно електричнен опсег до 700 km, благодарение на новата STLA-Medium платформа од Stellantis.

Нема категории, поделби или класи. Може да има само еден победник на наградата „Автомобил на годината“, а победникот за 2024 година ќе биде објавен на 26-ти февруари во Женева (Швајцарија).

Со новиот E-3008, PEUGEOT се приклучи на ексклузивната листа на финалисти за наградата „Европски автомобил на годината“ по 7-ми пат од 2013 година.

Новиот 408 беше избран за COTY финалист на крајот на 2022 година, 308 на крајот на 2021 година, 208 на крајот на 2019 година (победник во 2020 година), 508 (Хечбег и SW) на крајот на 2018 година, 3008 на крајот на 2016 година (победник во 2017 година) и претходната генерација на 308 (Хечбег и SW) на крајот од 2013 година (победник во 2014 година).

Наградата „Автомобил на годината“ е најпосакувана во автомобилската индустрија. Жирито е составено од 59 членови кои потекнуваат од 22 европски земји. Секој од нив ги избра своите 7 финалисти во првичното гласање од долгата листа од 28 кандидати. Можете да ја погледнете листата на кандидати и финалисти на веб-страната за автомобил на годината: https://www.caroftheyear.org/.

Новото ниво на Fastback SUV, новиот PEUGEOT E-3008, е подобрено благодарение на сосема новата платформа STLA-Medium на Stellantis која дебитира со PEUGEOT E-3008. Оваа иновативна платформа е дизајнирана да овозможи најдобри перформанси во класата за критериуми кои се најважни на клинетите: опсег (до 700 km), време на полнење (100 km за 10 минути), задоволство при возење, перформанси, ефикасност на дизајнот (помалку од 14 kWh / 100km) и поврзани услуги (Trip Planner, паметно полнење, функции од далечина и ажурирања „Over-The-Air“).

Новиот панорамски PEUGEOT i-Cockpit® го подобрува уживањето во возењето со спектакуларниот заоблен „лебдечки“ 21“ HD екран, кој ги спојува head-up дисплејот и централниот екран на допир.

Новиот PEUGEOT E-3008 ќе се произведува исклучиво во фабриката во Sochaux во Франција. Веќе е достапен за нарачка во многу европски земји и ќе биде пуштен во продажба на почетокот на 2024 година.

Имаме амбиција до 2025 да понудиме комплетна линија на електрични возила во Европа. PEUGEOT E-3008 е олицетворение на нашата стратегија за електрификација на брендот. Целосната гамата на електрични возила се состои од девет патнички автомобили и три комерцијални возила и претставува најширока и најефикасна палета од кој било конвенцијален бренд.

Македонија

Состојба на патиштата

Интензитетот на сообраќај на патните правци надвор од градските средини е зголемен. 

СОСТОЈБА: Сообраќајот на државните патишта се одвива непречено, по суви коловози.

ФРЕКВЕНЦИЈА: Интензитетот на сообраќај на патните правци надвор од градските средини е зголемен. Се бележи поголем интензитет на сообраќај на граничните премини Богородица и Табановце.

На останатите гранични премини од македонска страна, нема подолги задржувања за влез и излез од државата.

ВНИМАТЕЛНО: АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани –Делчево.

АМСМ ИНФОРМАТИВЕН ЦЕНТАР

Тел. (02)15-555

Фудбал

Гвардиола: Не исклучувам дека ќе ми биде продолжен договорот

Тренерот на англискиот фудбалски шампион Манчестер сити, Пеп Гвардиола не ја исклучува можноста за продолжување на договорот.

- Разговараме со клубот многу години. Не исклучувам дека договорот ќе биде продолжен. Реков дека би сакал да останам затоа што навистина го мислам тоа. Девет години во еден клуб е вечност. Сакам да бидам сигурен дека ова е вистинската одлука за клубот, за играчите, изјави Гвардиола за британските медиуми.

Шпанецот го води тимот од 2016 година. За тоа време, Манчестер сити шест пати стана шампион на Англија, а ја освои и Лигата на шампионите, Суперкупот на Европа и Светското клупско првенство.

Свет

Во Франција и утринава нарушен железничкиот сообраќај

Одредени возови во Франција и денеска беа во прекин, еден ден по „масовниот и добро подготвен“ напад врз мрежата на брзите возови (ТГВ), извршен неколку часа пред церемонијата на отворање на Олимписките игри (ОИ) во Париз.

Состојбата се подобрува, но железничкиот сообраќај и денеска ќе биде нарушен, со доцнење на возовите од најмалку еден час.

Француската железница СНЦФ синоќа соопшти дека ќе биде обезбеден превоз за олимписките спортисти и нивниот персонал.

Неколку пожари избувнаа ноќта меѓу четвртокот и петокот на мрежата на ТГВ. Пресечени и запалени се некои кабли, а запалени се и сигнални кутии. Таа опрема покрај специјалната пруга за тој тип возови дава безбедносни информации за машиновозачите.

СНЦФ го означи нападот како саботажа, а париското обвинителство отвори истрага.

Нападот се случил неколку часа пред церемонијата на отворање на Олимпијадата, во време кога многу патници планирале да патуваат во Париз.

За време на викендот околу 800.000 патници ќе бидат погодени од нарушениот железнички сообраќај, кој е омилено и најпрактично превозно средство за Французите.

притисни ентер