Тенис

Новак Ѓоковиќ се трансформира во волк- „ги смрзна“ Надал, Синер и Алкараз (ВИДЕО)

Најдобриот српски тенисер Новак Ѓоковиќ ќе учествува на Купот на шест кралеви што ќе се одржи во Саудиска Арабија заедно со Рафаел Надал, Карлос Алкараз, Јаник Синер, Данило Медведев и Холгер Руне.

Турнирот ќе се одржи од 16 до 19 октомври во Ријад, а го очекуваме, без сомнение, врвен тенис заедно со најголемите светски ѕвезди на белиот спорт, објави Телеграф.

Организаторите на турнирот на многу оригинален начин го најавија овој турнир и може да се каже дека за малку ќе снимеа вистински мал филм во кој улоги имаат сите споменати тенисери, вклучително и Новак.

Многумина ќе речат дека „трејлерот“ на овој турнир всушност изгледа како клип од еден од деловите на трилогијата Господар на прстените или Хобитот, а Новак во него доби помоќна улога.

Во моментот кога Ѓоковиќ се појавува на видеото, тој е опкружен со волци, а момент подоцна се слушна неговиот громогласен крик од кој се создаде лик на волк во вид на капки вода.

Свое место имаа и останатите тенисери, па Синер беше во музејот на античка уметност, Алкараз беше сместен среде пустина, а на крајот сите се до огненото тениско игралиште каде е тронот за кој ќе се борат во октомври во Ријад.

Нема сомнеж дека ова е многу иновативен начин на претставување на тениски турнир.

Македонија

„Грин машинс“ на Брако на клучен европски саем за зелена и циркуларна економија во Италија

Електричните и водородните возила на Грин Машинс на БРАКО учествуваа на еден од најзначајните европски настани, ECOMONDO во Римини, Италија,  кој претставува еден од најзначајните саеми и конференции во Европа. 

Електричните и водородните возила на Грин Машинс на БРАКО учествуваа на еден од најзначајните европски настани, ECOMONDO во Римини, Италија, кој претставува еден од најзначајните саеми и конференции во Европа, и кој ги обединува и системизира клучните елементи кои ги дефинираат развојните стратегии на политиката за животна средина на Европската унија.

На овогодинешниот настан, Грин Машис го претстави 500H2, најсовремен чистач на улици со погон на водород, заедно со целосно електричните 500ze и 400ze.

Дилерот на Грин Машинс во Италија, Грин Форсес, известува за голема заинтересираност за македонските возила не само на саемот, туку и на италијанскиот пазар воопшто, во конкуренција со производители на возила за чистење од Европа, САД и други делови на светот.

Македонските возила имаат предност на светскиот пазар поради нивниот квалитет, ефикасност и современ дизајн, како и различите модели, кои се достапни на електричен, хидрогенски и класичен погон, соопштуваат од компанијата.

Свет

Во израелски напад на Сирија е убиен високиот командант на Хезболах, Али Муса Дакдук

Во неодамнешниот израелски воздушен напад во Сирија загина висок командант на Хезболах, Али Муса Дакдук.

Во неодамнешниот израелски воздушен напад во Сирија загина висок командант на Хезболах, Али Муса Дакдук, кој помогна во планирањето на еден од најхрабрите и најсофистицираните напади врз американските војници за време на војната во Ирак, објави NBC News, цитирајќи висок претставник на Пентагон.

Дакдук бил заробен од американските сили по нападот во 2007 година во кој милитантите претставувајќи се како американски безбедносен тим убија пет американски војници, но подоцна беше ослободен од ирачката влада, според NBC News.

Има малку детали за израелскиот воздушен напад во кој беше убиен Дакдук, не се знае кога се случил нападот и каде во Сирија, како и дали цел бил конкретно командантот на Хезболах, изјави овој висок претставник на Пентагон.

Македонија

Сиљановска Давкова прими претставници на Националната установа Филхармонија

Претседателката Гордана Сиљановска Давкова прими претставници на Националната установа Филхармонија по повод 80-годишнината од нејзиното основање.

На средбата на која присуствуваа Александар Котевски, в.д. директор, поранешните директорки Мелпомени Корнети и Маја Чаначевиќ, концерт-мајсторот Анна Кондратенко, концерт-мајсторот во пензија Румен Димитриев, како и Ангелина Димоска од Националната установа Филхармонија, претседателката Сиљановска Давкова честитајќи го големиот јубилеј, истакна дека оваа значајна културна институција како единствен постојан претставник на симфониското творештво на македонската музичка сцена, со својот богат и разновиден репертоар ја привлекува домашната и светската публика.

Претседателката оцени дека во изминативе години преку своите незаборавни концерти во земјава и ширум светот кои содржеле дела од светски класици, но и од македонски музички великани, Филхармонија градела свој специфичен имиџ по кој денес е препознатлива институција.

На средбата, претставниците на Филхармонија ја запознаа Претседателката со роденденската сезона насловена „Одисеја“ исполнета со настапи и изведби на врвни странски и македонски солисти, ремек-дела на симфонизмот, концертно музицирање и премиерни изведби на дела од домашни музички творци. Тие информираа и за програмската политика на оваа институција која содржи нова форма на изразување збогатена жанровски и естетски за различни профили на публика, а која вклучува и едукативни симфониски концерти за најмладите, соопштуваат од Кабинетот.

притисни ентер