Македонија

Нов состанок на Мешовита македонско-бугарска експертска комисија

Нов состанок денеска во Охрид ќе одржи Мешовитата македонско-бугарска експертска комисија

Нов состанок денеска во Охрид ќе одржи Мешовитата македонско-бугарска експертска комисија. Членовите на Комисијата ќе продолжат онаму каде што застанаа минатиот месец на средбата во Софија – ќе расправаат за различни аспекти од прашањето за значењето на личноста и делото на Гоце Делчев во контекст на неговото значење за историското сеќавање на двата народа.

Македонските и бугарските експерти, како што потврдија за МИА од Комисијата, освен за изнаоѓањето начини за евентуалното заедничко чествување на Гоце Делчев, на осмата средба која се одржува денеска и утре ќе разговараат и за тоа како да се изнајдат заеднички препораки за подобрување на учебниците по историја кои го обработуваат средновековниот период и раноосманлискиот период.

Дискусијата за Делчев, минатиот состанок, како што тогаш кажаа за МИА од Комисијата, била исцрпувачка, но плодна и е направен мал напредок поради што членовите ги продолжуваат разговорите на темата.

Ова е петта средба на Комисијата оваа година, а до крајот на годината е предвидена уште една.

Од претходните средби до владите на двете земји се препорачани заеднички чествувања на св. Кирил и Методиј, св. Климент, св. Наум и цар Самуил, како и препораки за подобрување на учебниците по историја за шесто одделение во Република Северна Македонија и петти клас во Република Бугарија, кои се однесуваат на античкиот период од минатото.

Целта на состаноците, како што велат од Комисијата, е да се изврши денационализација и деполитизација на минатото. Комисијата е формирана на паритетна основа за решавање на историските и образовни отворени прашања, во согласност со член 8 став 2 од Договорот за добрососедство и соработка меѓу Северна Македонија и Бугарија, потпишан на 2 август 2017 година. Има по седум члена од двете држави, претседател од македонска страна е Драги Ѓоргиев, а од бугарска Ангел Димитров – првиот амбасадор на Бугарија во земјава.

Премиерот Зоран Заев вчера имаше средба со македонските историчари, членови на Комисијата. Разговорите беа во рамки на тековните консултации во однос на работата на Комисијата пред денешната средба со нивните бугарски колеги во Охрид. На средбата беше истакнато дека Владата останува посветена на Договорот за пријателство, добрососедство и соработка, како и на негувањето на дијалогот и градење на заеднички консензус за сите прашања од делокругот на работа на Комисијата. /МИА

Здравје

Симптоми на најсмртоносниот гинеколошки канцер

Тешко се забележуваат, а ова се факторите на ризик...

На 8-ми мај се одбележа светскиот ден за борба против ракот на јајници.

Ракот на јајниците е клеточен раст кој се формира во јајниците. Клетките брзо се размножуваат и можат да го нападнат и уништат здравото ткиво на телото. Женскиот репродуктивен систем содржи два јајника, по еден на секоја страна од матката. Јајниците - секој со големина на бадем - произведуваат јајце-клетки, како и хормони естроген и прогестерон. Третманот на ракот на јајници обично вклучува операција и хемотерапија.

Кога ракот на јајниците ќе се развие првпат, тој може да не предизвика никакви забележливи симптоми. Кога ќе се појават симптоми на ракот на јајници, тие обично се припишуваат на други, почести состојби.

Знаците и симптомите на ракот на јајниците може да вклучуваат: надуеност или оток на абдоменот, брзо чувство на ситост кога јадете, губење на тежината, непријатност во карличната област, замор, болка во грбот, промени во навиките на цревата, како што е запек, честа потреба за мокрење.

Причини за ракот на јајници

Не е јасно што го предизвикува ракот на јајниците, иако лекарите идентификувале работи кои можат да го зголемат ризикот од болеста. Според лекарите од клиниката Мајо, ракот на јајници започнува кога клетките во јајниците или во нивна близина развиваат промени (мутации) во нивната ДНК.

ДНК на клетката содржи инструкции по кои клетката функционира. Промените вклучуваат брз раст на клетките, брзо размножување создавајќи маса (тумор) од канцерогени клетки. Клетките на ракот продолжуваат да живеат кога здравите клетки би умреле. Тие можат да ги нападнат блиските ткива и да се отцепат од почетниот тумор, т.е да се рашират (метастазираат) на други делови од телото.

Фактори на ризик

Факторите кои можат да го зголемат ризикот од ракот на јајниците вклучуваат:

- Постара возраст - Ризикот од оваа болест се зголемува како што стареете. Најчесто се дијагностицира кај постари лица. Наследни промени на гените. Во мал процент оваа болест е предизвикана поради промени во гените што сте ги наследиле од вашите родители. Гените кои го зголемуваат ризикот од ракот на јајници ги вклучуваат BRCA1 и BRCA2. Овие гени исто така го зголемуваат ризикот од рак на дојка.

- Семејна историја на рак на јајници. Ако имате крвни сродници на кои им бил дијагностициран рак на јајниците, може да имате зголемен ризик од болеста.

- Прекумерна тежина или дебелина. Прекумерната тежина или дебелината го зголемува ризикот од рак на јајници.

- Хормонска терапија во период на постменопауза. Земањето хормонска терапија за контрола на знаците и симптомите на менопаузата може да го зголеми ризикот од рак на јајниците.

- Ендометриоза е често болно нарушување во кое ткиво слично на ткивото што ја обложува внатрешноста на матката расте надвор од матката.

Македонија

Никовски: Ако ние очекуваме камшикари од надвор, верејатно не заслужуваме држава

„Проширување, ви тврдам со најголема одговорност, нема да има наредни 15 години“

Проширување, ви тврдам со најголема одговорност нема да има наредни 15 години може ќе ја примат само Црна Гора колку да покажат дека не се затворени. И веројатно ќе нема втора лига која веќе се подготвув преку европската политичка заедница која веќе функционира и она што рече Фон Дер Лајен преку 4 -те столба заедничкиот пазар преку кој ќе не уништат економски, регионална економска соработка, реформи и четврто се овие пари што ги ветуваат. Ќе даваат повеќе пари за да не' држат како приврзок. Ако ние очекуваме камшикари од надвор, верејатно не заслужуваме држава, рече Ристо Никовски во Само Вистина.

Живот

Несреќно селфи- се качил на воз, го удрила струја и завршил со изгорени гениталии (ВИДЕО)

Неименуваниот тинејџер бил хоспитализиран во тешка состојба откако се качил на воз и дошол во контакт со жици.

Инцидентот се случил во Електроугли, на околу 50 километри од Москва. Сакал да направи видео за социјалните мрежи, но работите тргнале наопаку.

Додека се качувал на локомотивата, случајно допрел пантограф, што предизвикало силен струен удар, пишува Дејли мејл.

„Наместо видео и лајкови, тој се здоби со повреди кои ќе ги памети цел живот, доколку лекарите го спасат“, се вели во еден од извештаите.

Струјата го удрила 15-годишникот во препоните, а тој завршил со тешки изгореници на гениталиите.

На социјалните мрежи се објавени видеа од момчето како се грче во агонија, додека предниот дел од панталоните му е изгорен. Може да се види како добива помош пред да биде однесен во болница.