Автомобилизам

Нов „Opel“, старо име: Пристигна „Frontera“

Германскиот производител објави фотографии и првите технички детали од новата „Frontera“, која е сосема поинаква од старата.

Првите официјални фотографии од новата „Opel Frontera“ доаѓаат по тизерот од јануари, на кој не се гледа многу од новиот модел. Сега „Opel“ целосно го откри дизајнот на новиот кросовер кој го наследува старото име на марката.

Името на новиот модел ќе го привлече вниманието на постарите ентузијасти за автомобили. „Opel“ првпат го користеше името „Frontera“ помеѓу 1991-1998 година за SUV базиран на моделот „Isuzu Wizard“.

Подоцна, беше претставен модел од втората генерација, кој опстана до 2004 година.

Надворешноста на новата „Frontera“ има многу сличности со моделот „Mokka“. Едноставните LED фарови се комбинирани со дизајнот „Vizor“ на маската на другите модели на „Opel“.

Има и голема црна предна решетка, а примерот на промо фотографиите има впечатлива портокалова/сјајна црна двобојна надворешност.

„Forntera“ повеќе не е класичен SUV со шасија од почетокот на векот. Новиот SUV припаѓа на компактниот сегмент на семејни возила.

Ќе биде достапен во електрична верзија од самото деби на пазарот, а купувачите ќе можат да избираат верзии со 48-волтен хибриден погон.

Модерниот изглед на надворешноста продолжува и во патничката кабина, која е комбинација на веќе видени решенија на „Stellantis“. Дигиталниот кокпит „Pure Panel“ на „Opel“ со два екрани од 10 инчи е стандардна опрема.

Кога задните седишта се нагоре, „Frontera“ нуди повеќе од 460 литри багажен простор, а кога седиштата се спуштени, волуменот се зголемува на 1.600 литри.

Дополнителна разновидност обезбедува задната клупа со поделена 60:40, а основната опрема вклучува подот на багажникот кој може да се прилагоди на две нивоа.

Покрај тоа, клиентите кои треба да земат уште повеќе багаж на патувањето или сакаат целосно да ја искористат носивоста на покривот од над 200 килограми, можат да нарачаат функционални багажници на покривот, кои се достапни со дополнителни трошоци.

Клиентите ќе можат да избираат помеѓу електрична верзија (најверојатно со 150 КС и батерија од 50 kWh) и високоефикасни погони со 48-волтна хибридна технологија, базирана на 1,2 трицилиндричен турбо бензински мотор.

Од „Opel“ изјавија дека повеќе информации за новата „Frontera“ ќе бидат познати подоцна.

Извор: Б92

Шоу биз

Бритни Спирс жестоко се скарала со момчето, полугола ја изнеле од хотелот

Службите за итни случаи одговориле на инцидентот меѓу Бритни Спирс и нејзиното момче Пол Ричард Солиз во хотелот Шато Мармонт во Лос Анџелес вќера рано наутро, пишува Page Six.

Изворите тврдат дека двојката се скарале додека биле во луксузниот хотел, а портпаролот на противпожарната служба во Лос Анџелес, Брајан Хемфри, потврдил за Page Six дека 911 биле повикани во Шато Мармонт кратко по полноќ. „Добивме повик на 911 со пријавување повредена возрасна жена. Повикувачот немаше многу информации за повредата. Испративме едно возило на местото на настанот“, изјави претставник на противпожарната служба во Лос Анџелес.

До 01 часот и 17 минути на местото пристигнала брза помош, а на повикот се јавиле само пожарникарите, додека полицијата не била на терен. Извор изјавил за Page Six дека Спирс, која живее во блискиот Thousand Oaks, Калифорнија, го напуштила хотелот со обезбедување и е „сега дома и безбедна “.

Пејачката е видена како го напушта хотелот боса, во долна облека, завиткана во ќебе и држејќи перница во рацете. По инцидентот, изворите рекоа дека пријателите на пејачката биле многу загрижени за нејзината врска со Солиз, а еден пријател рекол: „Тој е лоша вест од самиот почеток“.

Во август 2023 година, Спирс се шпекулираше дека се „зближува“ со Солиз, нејзиниот поранешен куќен помошник, но упатените во тоа време рекоа дека се загрижени за неговото криминално минато. Судските записи покажуваат дека тој бил обвинет за повеќе прекршоци, па дури и кривично дело затоа што поседувал огнено оружје.

За потсетување, во средата беше финализиран разводот меѓу Спирс и нејзиниот поранешен сопруг Сем Асгари. Парот се разведе во август минатата година по 14 месеци брак. „Бритни врти нова страница“, изјави извор за Page Six претходно, додавајќи дека разводот бил финализиран „пријателски“ со „строг предбрачен договор“.

Македонија

Димитриевски во Тетово: Ја бараме поддршката на граѓаните на претстојните избори

Претседателот на Движењето ЗНАМ – За наша Македонија, Максим Димитриевски  денеска беше во Тетово.

Претседателот на Движењето ЗНАМ – За наша Македонија, Максим Димитриевски денеска беше во Тетово, каде што со носителот на листата на кандидати за пратеници во ИЕ 6, Небојша Захариески и останатите кандидати, ја промовираа програмата на Движењето за претстојните парламентарни избори „Проглас за достоинствена Македонија“. Димитриевски во изјавата за медиумите рече дека Движењето ЗНАМ – За наша Македонија се етаблираше како нова политичка сила на македонскиот] политички простор токму со поддршката на граѓаните.

„Ја претставуваме програмата и ја бараме поддршката за нашите кандидати за пратеници предводени од господин Небојша Захариески во ИЕ 6.

Јас знам дека никогаш повеќе ЗНАМ нема да дозволи нештата во државата да бидат исти. Ќе бидеме коректив на идната власт, но и на идната опозиција.

Нашиот број секојдневно се зголемува, а и поддршката од граѓаните е се поголема и верувам дека заедно ќе успееме да ја вратиме државата таму каде што припаѓа, во рацете на граѓаните“.

Тој ги повика граѓаните масовно да ја дадат својата поддршка на Движењето ЗНам – За наша Македонија, на носителот на листата во ИЕ 6, Захариески, како и на сите кандидати за пратеници.

„Со тоа, рече Димитриевски, - Граѓаните го даваат својот глас од граѓанин за граѓанин. Ние сме политички субјект кој расте токму со граѓанската поддршка. Продолжуваме понатаму со позитивни промени во државата, со позитивни промени во Македонија“.

Изјава за медиумите даде и носителот на листата во ИЕ 6, Небојша Захариески, кој рече дека со она што го нудат во Програмата „Проглас за достоинствена Македонија“ сакаат да ги вратат илинденските и асномските темели на државата.

„Сакаме да ја направиме државата самоодржлива, со што ќе биде и самостојна. Сакаме да градиме стабилни меѓуетнички односи, а Тетово е симбол за добар соживот“, рече Захариески.

Тој додаде дека нивна цел е добро владеење, правна држава, како и запирање на клиентелизмот, непотизмот и корупцијата, со што, како што рече, ќе го дадат својот максимум за Македонија.

Сектор за односи со јавност

Свет

Падна цената на златото, нафтата по долго време под 79 долари за барел

Европските и американските берзански индекси денеска се во пораст, цените на златото и пченицата паднаа, додека нафтата од типот „брент“ се продава за помалку од 84 долари за барел.

Индексот DAX на Франкфуртската берза денеска во 9:15 часот порасна на 17.955,35 поени, лондонски FTSE 100 на 8.193,91 поени, француски CAC 40 на 7.945,20 поени, а московски MOEX на 3.446,04 поени.

Вредноста на американскиот берзански индекс Dow Jones се искачи на 38.225,66 поени, S&P 500 на 5.064,20 поени, а вредноста на Nasdaq индексот на 15.840,96 поени.

Според податоците од берзата, цената на суровата нафта паднала на 79.198 долари, а на нафтата од типот брент на 83.903 долари.

Европските фјучерси на гас се продаваа на отворањето на берзата ТТФ по цена од 30.900 евра за мегават-час.

Цената на златото падна на 2298,79 долари за унца, а на пченицата на 5,9581 долари за бушел (бушел е еднаков на 27,216 кг).

Вредноста на еврото во однос на доларот изнесуваше 1,07296, што е приближно исто како вчера.

притисни ентер