Македонија

Николоски: Ќе вложиме 50 милиони евра во спортот, спортски објекти, поддршка за клубовите...

Ќе вложиме 50 милиони евра во спортот, спортски објекти, поддршка за клубовите и федерациите, како и пониски даноци за домашните стопанства и привлекување на нови инвестиции.

Денеска сум во посета на општините Гевгелија, Валандово и Неготино. Во Гевгелија имав задоволство да проследам дел од државното првенство во карате за категорија од 10 до 14 години. Навистина импресивно како бројни млади деца се натпреваруваат и го градат спортскиот дух, и тоа е нешто што сакаме да го видиме во Македонија после изборите. Затоа силно ќе го поддржиме спортот. И затоа планираме секоја година дополнителни 50 милиони евра поддршка за спортот во Македонија со цел спортот да се развива, и тоа да е основата за развој на нацијата.

Ќе инвестираме во изградба исто така и на спортски објекти, на спортски сали и на сето она кое што е потребно како спортска инфраструктура, но и поддршка на клубовите, федерациите со цел што повеќе луѓе да се занимаваат со спорт.

Денеска исто така ќе посетиме неколку стопански објекти тука во Гевгелија каде што ќе ги презентираме нашите проекти, пред се поврзани со економскиот развој на Македонија, за стимулирање на домашните инвеститори, секако и привлекување на странски инвеститори. Тука е делот на намалување на даноци кои што треба да овозможи по поволна бизнис клима, стимулирање на извозот преку реструктуирање на министерствата, тука секако доаѓа формирањето на таканаречено Министерство за надворешни работи и трговија, кое што треба да се занима покрај се она што се основни обврски на Министерството за надворешни работи и со промоција на извозот од Македонија, како и привлекување на странски инвестиции во Македонија.

Ќе поразговараме и за состојбите во земјоделието каде што планираме бројни проекти во следниот период и за сето она кое што е важно за граѓаните.

Би сакал да искоментирам уште една работа. Ја гледаме паниката во власта, особено во политичката партија ДУИ, слушаме дека веќе интензивно размислуваат за поткуп на гласачи, да им кажам дека тоа е недозволиво, дека е законски казниво дело и дека одговорност ќе има. Да не помислуваат на таква работа, нашата цел е јасна што поголема поддршка за СДС и ДУИ да одат во опозицијата. И ние сме убедени дека граѓаните ќе ни дадат огромна поддршка за да го реализираме ова, се со цел после тоа да воведеме функционален систем на правото, економски да ја развиваме Македонија, да ги подобруваме условите во образованието, во здравството, пензиите да растат, а младите да имаат подобра иднина во Македонија.

Александар Николоски, потпретседател на ВМРО-ДПМНЕ и носител на изборна единица 4

Центар за комуникации на ВМРО-ДПМНЕ

Шоу биз

Крис Џенер соопшти дека има рак

Крис Џенер, познатата менаџерка и мајка на сестрите Кардашијан-Џенер има тумор.

Таа тоа го објави во новата сезона на нивното семејно реално шоу, наведувајќи дека се работи за „мал тумор“.

„Тие пронајдоа циста и мал тумор“, рече Крис, а Кајли веднаш почна да плаче.

Во моментов не е познато во каква состојба е познатата менаџерка, но се очекува таа наскоро да контактира со своите фанови преку некоја од социјалните мрежи и да објасни сѐ.

Инаку, сето ова се случува неполн месец по смртта на нејзината помлада сестра Карен Хатон.

Крис има 68 години, а на познатиот адвокат Роберт Кардашијан му роди 4 деца: Кортни, Ким, Клои и Роберт и на Брус Џенер кој во меѓувреме го промени полот и стана Кејтлин, ќерката Кајли.

Тенис

Ѓорческа ја елиминира првата носителка на фјучерсот во Трнава

Најдобрата македонска тенисерка Лина Ѓорческа ја мина денеска втората пречка на фјучерсот во словачкиот град Трнава.

Ѓорческа во второто коло беше поуспешна од првата носителка Маи Хонтама од Јапонија, совладувајќи ја во два сетови со 6-3, 6-1).

Дуелот траеше два часа и девет минути игра.

Утре во четвртфиналето Ѓорческа ќе игра против осмата носителка, Вероника Ерјавец од Словенија.

Свет

Најмладиот син на Трамп, Барон (18), влегува во политиката: Ќе биде делегат на конвенција

Иако сè уште нема завршено средно образование, Барон Трамп, најмладиот син на Доналд Трамп, поранешниот претседател на САД, влегува во политичката арена.

Имено, како што пренесува „Politico.eu“, на националната конвенција за делегат на Републиканската партија е избран Барон Трамп (18).

Барон и уште двајца синови на Трамп, Доналд Трамп Џуниор и Ерик Трамп, ќе бидат партиски делегати од Флорида, каде што Трамп се пресели откако ја напушти Белата куќа. Интересно е што за делегат е избрана помалата ќерка на Трамп, Тифани Трамп Боулс, како и нејзиниот сопруг Мајкл.

„Барон е многу заинтересиран за политичкиот процес на нашата нација“, рече неименуван претставник на кампањата на Трамп.

Барон, кој многу порасна во последниве години, а кој успешно го држеше настрана неговата мајка Меланија, неодамна се најде во центарот на вниманието на јавноста кога Доналд Трамп се пожали дека судијата Хуан Мечан нема да му дозволи да присуствува на свеченоста по повод неговото матурирање.

Сепак, судијата Мечан дозволил Трамп да отсуствува од судењето и да присуствува на церемонијата, која ќе се одржи следната недела во академијата Оксбриџ во предградието на Палм Бич. Барон сè уште не објавил какви се неговите планови по дипломирањето.

Делегатите на Републиканската партија ќе учествуваат на националната конвенција што ќе се одржи во јули во Милвоки.

Иванка Трамп е единствената од петте деца на Трамп која останала надвор од политиката откако беше негов постар советник за време на неговиот четиригодишен мандат во Белата куќа. Како и нејзините други браќа и сестри, таа се преселила на Флорида.

Последните анкети покажуваат дека Трамп води пред Џо Бајден на Флорида за повеќе од десет процентни поени. Тој победи на изборите во оваа држава во 2016 и 2020 година.

притисни ентер