92- годишната актерка , сепак не може да се радува на наградите. Таа е среде скандал , откако во вторникот нејзините адвокати објавија дека покренуваат сусдска постапка , поради тоа што таа е жртва на милионски грабеж.
Нејзиниот поранешен возач и сегашен менаџер , Андреа Пијацола (32) ја ограбил за над 3 милиони евра.
,,Му веруваше на тоа момче , а тој ја измами и ја искористи . “ , изјави адвокатот Микеле Гентилони.
Момчето е обвинето дека ја ограбувал филмската дива, дека од нејзините пари си купил Ферари Ф12 , вредно 300 000 евра . Исто така и ги одзел станот во центарот на Рим и два хотела покрај самите Шпански скалила .
Италијанскиот суд го обвини дека ја изолирал Џина Лолобриџида од семејството и пријателите , па користејќи ја нејзината немоќ и слабото здравје , со години крадел пари од нејзините сметки и ги префрлал на сметка што ја водел на име на својот татко.
Пијацола почнал да работи кај актерката кога имал 24 години , прво како возач , а потоа како секретар и на крај менаџер. Долго време се зборува за тоа каков е нивниот однос , а Лолобриџида во последното интервју рече дека Пјацола само ја следи на настаните , зашто знае англиски , на местото на нејзиниот син.
Милко Сковиц , синот на Лолобриџида и неговиот син Димитри се единствените нејзини наследници, а кон нивната тужба се приклучи и 58 годишниот Хавиер Ригау Рафолс , Шпанец и поранешен нејзин љубовник. тие биле речиси 20 години во врска , кога актерката во 2007 , точно пред свадбата, решила да ја прекине врската.
По шест години актерката дозна дека Шпанецот во 2010 година извел лажна церемонија на венчавка со неа во Барселона , користејќи друга личност , која се претставувала дека е Џина Лолобриџида.
Таа потоа покрена судски спор против Шпанецот , обвинувајќи го за фалсификат , поради желба да дојде до нејзиното богатство.
Иако актерката не снима повеќе од 20 години , во богатата кариера иам снимено над 60 филмски класици од 5- тите и 60 – тите години на минатиот век.