Технологија

Научниците докажале : Растенијата испуштаат звуци кога се под стрес

Иако научниците открија последниве години дека растенијата можат на некој начин да гледат, слушаат и мирисаат, сепак се сметаше дека се тивки и не можат да емитуваат звуци.

Но, сега за првпат се снимени како произведуваат одреден вид на звук кога се во стресна ситуација, објави New Scientist..

Биологот Ицак Каит и неговите колеги од универзитетот Тел Авив во Израел откриле дека доматите и тутунот, кога се под стрес поради недостаток на вода или кога им се сечат стеблата, испуштаат звуци на фреквенции што луѓето не можат да ги слушнат.

Користејќи микрофони лоцирани 10 см од растенијата, тие снимиле ултразвуци кои се движат од 20 до 100 килохерци, за кои тимот сметал дека може да ги слушнат некои видови на инсекти и цицачи.

Научниците веруваат дека молец може да го препознае овој звук дека на растението му недостига вода и се откажува од лежење јајца врз него. Додаваат дека другите растенија може да го слушнат овој звук и соодветно да одговорат.

„Овие податоци можат да го променат начинот на кој размислуваме за растенијата“, велат научниците.

Дури и порано, вибрирањата се регистрирале од растенијата со користење уреди што го регистрирале создавањето и пукањето на воздушни меури, процес познат како кавитација, но ова ново истражување за прв пат ги снимило звуците кои доаѓаат од растенија на одредено растојание.

Растенијата од домати под стрес поради недостаток на вода во просек испуштаат по 35 звуци на час, а растенија за тутун 11. Кога се бере, доматите произведувале во просек 25 звуци во еден час, а тутунските растенија 15.

Обемот, т.е. интензитетот на звукот, одговарал на видот на стресот, а тутунот кој немал вода правеше погласни звуци од оној додека се берел.

Кога не биле во стресна состојба, растенијата произведувале во просек помалку од еден звук на час.

Експертите веруваат дека ова истражување би можело да им помогне на земјоделците, бидејќи може да утврдат дали растенијата се под стрес или се жедни.

„Овој предлог да се слушаат растенија за време на сушите се чини изводлив и може да се користи во земјоделството доколку поставувањето на потребната опрема не е скапо“, рече Ен Вичер од Кралската ботаничка градина на Велика Британија.

„Ако растенијата произведуваат звуци кога се под стрес, најверојатно причината е кавитација“, изјави биологот Едвард Фармер од универзитетот Лозана во Швајцарија, но додаде дека тој е малку скептичен за овие откритија и би сакал да види подетални истражувања што би елиминирале некои посуптилни звуци, како оној што го создава почвата додека се суши.

„Мислам дека идејата дека молци ги слушаат растенијата и затоа ги избегнат е премногу шпекулативна. Веќе имаме многу други објаснувања зошто инсектите избегнуваат одредени растенија “, изјави Фармер.

Регион

Бербок повика на брзо прифаќање во ЕУ на земјите кандидати за членство од Западен Балкан

Шефицата на германската дипломатија, Аналена Бербок повика на брзо прифаќање во Европската унија на земјите кандидати од Западен Балкан по повод прославата на 20-годишнината од проширувањето на Европската унија со десет земји во 2004 година.

-Политичките и географските „сиви зони“ на Балканот или во источниот дел на ЕУ се крајно опасни. Не можеме да си дозволиме такви „сиви зони“, бидејќи за (рускиот претседател Владимир) Путин тие се покана за интервенција, за дестабилизација, напиша Бербок во авторскиот текст објавен по повод годишнината.

Свет

ЕУ го заостри визниот режим со Етиопија поради „несоработка“ во реадмисијата на азиланти

Советот на ЕУ денеска реши времено да суспендира одредени одредби од одлуката со кој се регулира издавањето визи за државјаните на Етиопија.  

Со денешната одлука се укинува ослободувањето од обврската за поднесување на доказите што треба да ги достават апликантите за виза, се забранува издавањето на повеќекратни визи и се укинува ослободувањето од обврската за плаќање визната такса за имателите на дипломатски и службени пасоши.

Дополнително, како што јави дописникот на МИА од Брисел, рокот за одговор на поднесената апликација за виза се продолжува од досегашните 15 на 45 календарски дена.

Ваквата одлука на Советот на ЕУ е донесена врз основа на оценката на Еврокомисијата дека „соработката на Етиопија на полето на реадмисија на нејзините државјани кои илегално престојуваат во ЕУ е недоволна“.

Според ЕК, има недостиг на одговори од страна на етиопските власти во однос на барањата за реадмисија и постојат потешкотии со издавањето на итни патни документи и со организација на враќањето на одбиените баратели на азил.

Одлуката за суспензија е привремена, но нема конкретен краен рок на нејзината важност, туку тој ќе зависи од понатамошната оценка на Комисијата за постигнатиот напредок во соработката за реадмисија од страна на Етиопија.

Европската комисија редовно ја оценува соработката на трети земји во процесот на реадмисија на илегалните мигранти и одбиените баратели на азил. Врз основа на овие оценки, ЕК може да заклучи дека соработката на одредена трета земја при реадмисијата е „недоволна“ и може да ја суспендира одлуката за визна либерализација или да го заостри постојниот режим за издавање визи.

Во случајот на Етиопија, Еврокомисијата процени дека има „особено ниска стапка на реадмисија“ и се издадени мал бројот на патни документи врз основа на барањата за враќање на етиопските државјани во нивната матична земји, што во целост е оценето како „ниско ниво на соработка“. /МИА

Свет

Иран ги отфрли шпекулациите дека соработува со Северна Кореја во врска со нуклеарни прашања

Иранското Министерство за надворешни работи денеска по пристигнувањето на севернокорејската деловна делегација во Техеран, ги отфрли шпекулациите за соработка со Пјонгјанг во врска со нуклеарни прашања.

„Делегацијата, предводена од министерот за надворешни економски односи Јун Јонг Хо, отпатува во иранската престолнина минатата недела на економска конференција. Секоја поврзаност со соработка за нуклеарни прашања е „неоснована“, рече портпаролот на Министерството за надворешни работи, Насер Канаани.

Во Јужна Кореја имаше шпекулации дека за време на посетата може да се разговара за воена соработка меѓу Северна Кореја и Иран.

Двете земји - и двете се соочија со строги меѓународни санкции и изолација на дипломатската сцена поради нивните нуклеарни активности - постојано беа обвинувани за активна соработка, особено во областа на ракетната технологија.

Контроверзната иранска нуклеарна програма е предмет на обновен интерес во последните месеци по избувнувањето на војната во Газа. /МИА

притисни ентер