„НАТО нема да се откаже од својата способност да се заштити и брани меѓусебно, вклучително и присуството на војници во источниот дел на Алијансата“, рече портпаролката на НАТО, Оана Лунгеску.
Москва побарала обврзувачки гаранции од НАТО дека блокот ќе престане да се шири кон исток и ќе се врати на границите од 1997 година, пишува Ројтерс. Претходно Русија повика на повлекување на трупите на НАТО од двете членки на Алијансата, Бугарија и Романија, за да се смират тензиите околу Украина, а двете земји ги отфрлија, како што рекоа, неприфатливите барања.
На прашањето што ќе значат гаранциите за Бугарија и Романија, кои се приклучија на НАТО во 1997 година, Министерството рече дека Русија сака сите војници, оружје и друга воена опрема да се повлечат од двете земји. НАТО ги отфрли тие барања, велејќи дека така ќе се создадат земји од прв и втор ред во НАТО, што Алијансата не може да ги прифати.
„Ние отфрламе секаква идеја за сфери на интерес во Европа. Секогаш ќе одговориме на секое влошување на нашата безбедносна средина, вклучително и преку зајакнување на нашата колективна одбрана. НАТО е буден и продолжува да ја оценува потребата од зајакнување на источниот дел на нашата Алијанса ," рече портпаролката.
Околу 1.000 американски и 140 италијански војници во ротација се стационирани во Романија, заедно со десетици полски војници. Во вторникот, Букурешт рече дека е подготвен да прими повеќе американски војници на своја територија. Букурешт ги оцени како неприфатливи барањата на Русија за повлекување на војниците на НАТО во рамките на договорот за деескалација на тензиите во Украина.
„Таквото барање е неприфатливо и не може да биде дел од преговорите“, соопштило романското МНР, додавајќи дека таквите изјави се несоодветни и неосновани.
Зајакнувањето на военото присуство на Алијансата е одбранбено против сè поагресивното однесување на Русија во регионот, пишува Букурешт, а и покрај обидите на НАТО да воспостави конструктивен дијалог, Бугарија има договор со САД за распоредување до 5.000 војници во ротација.
Бугарскиот премиер Кирил Петков инсистира на суверенитет на неговата земја, која што избра да влезе во НАТО.
„Ние сами одлучуваме како ќе ја организираме нашата одбрана во соработка со партнерите“, рече тој во парламентот, нагласувајќи дека Софија нема да биде членка од втората зона. Во Полска и балтичките земји се распоредени уште околу 5.000 војници на НАТО.