Забава

Најмногу психопати се занимаваат со овие професии – Знаете ли кој седи покрај вас?

Психопатите се насекаде околу нас, којзнае, можеби колегата што седи покрај вас е еден од нив.

Се разбира, не секој психопат е сериски убиец. Напротив, повеќето се однесуваат како другите нормални луѓе. Сепак, одредени професии се едноставно неодоливи за психопатите, а психологот Кевин Датон ги наведува 10-те најкритични работни места.

Извршен директор

За психопатите често се вели дека се отпорни на хаос. Тоа не значи дека тие се секогаш прибрани кога се под стрес – но тие исто така понекогаш намерно создаваат метеж, бидејќи на тој начин создаваат слика дека се смирени кога сите останати полудуваат. Поединци можат да го користат овој пристап за да напредуваат до врвот.

Адвокати

Адвокатот Рут Ли Џонсон вели дека, иако самодовербата, ладнокрвноста и манипулативниот шарм како особини кои психопатите ги поседуваат, можат да бидат корисни за адвокатите, тие сами по себе не се доволни. Меѓутоа, во поинаков контекст, овие особини можат да направат некој да делува застрашувачки.

Личности од медиумите

Некои психопати се и изразени нарциси, а тоа често е позитивна особина на јавните личности. Исто така, оваа професија е привлечна за психопатите бидејќи бара смиреност под притисок.

Продавачи

Работното место продавач е како создадено за психопатите - тие можат да се промовираат себеси без ограничување, да собираат туѓи контакти и постојано да трчаат пари.

Хирурзи

Истражувањата покажуваат дека хирурзите имаат многу повеќе психопатски особини од другите лекари. Можните причини лежат во фактот дека се поотпорни на стрес од останатите лекари. Исто така, важно е да се нагласи дека хирурзите секојдневно носат тешки и брзи одлуки.

Новинари

Датон наведува дека одредени карактеристики на психопатите како што се шармот, фокусираноста, непромисленоста и спремноста за акција се сметаат за предности во новинарството, особено ако имате строго определени рокови.

Полицајци

Работното место полицаец е опасно и интензивно, а голема предност е ако успеете да останете смирени кога сте под стрес. Таа комбинација е многу привлечна за психопатите.

Свештеници

Поранешниот агент на ФБИ Џои Наваро вели дека религиозните институции се создадени за психопатите, затоа што им дозволуваат да ги искористуваат другите и истовремено да си обезбедат легитимитет. Исто така, пристапот до осетливи податоци им овозможува успех на манипулаторите.

Главни готвачи

Психопатите одлично се снаоѓаат во хаос, а каде ќе најдете поголем хаос од кујната на познат ресторан? Затоа професијата готвач е привлечна за психопатите, пишува „Businessinsider.com“.

Државните службеници

Како што наведува Датон, местото државен службеник е одлично за психопатите. Тие одлично се снаоѓаат во кризни ситуации, немаат морален кодекс, не се заинтересирани за чувствата на другите, а од друга страна се логични и многу интелигентни.

Свет

Во еден ден му извадиле 20 заби и му вградиле 12 импланти- се вратил дома и починал

Жителка на кинескиот град Јонгканг, неодамна поднела жалба до Општинското здравствено биро, а по смртта на нејзиниот татко.

Г-ѓа Шу наведува дека на несреќниот човек во еден ден во локалната стоматолошка клиника му биле извадени 20 заби и вградени 12 импланти. Таа тврди дека тоа ја предизвикало неговата прерана смрт 13 дена подоцна.

Ќерката тврди дека таткото во последните денови од животот претрпел „страшни болки“, пред да доживее срцев удар на 28 август, пренесува Oddity Central.

Таа бара одговорните да бидат изведени пред лицето на правдата.

Според писмената согласност на пациентот, на мажот му биле извадени природните заби, по што на вилицата му биле дупнати 12 дупки за импланти.

Претставникот на клиниката, каде што била извршена процедурата, објаснува дека бројот на заби кои може да се вадат одеднаш го одредува лекарот, врз основа на општата состојба на пациентот.

Не постои специфична регулатива, а клиниката и лекарот мора да ја имаат предвид толеранцијата на болката на пациентот и ризикот од инфекција.

„Колку повеќе заби отстранувате, толку повеќе пациентот реагира на болка и поголема е веројатноста за постоперативна инфекција“, рече Ксијанг Гуолин, директор на Центарот за орална медицина во Вухан.

Истрагата е во тек, но претставник на Општинското биро за здравство изјави дека „докажувањето на вината може да биде тешко“, со оглед на тоа што смртта настапила 13 дена по постапката.

Свет

Ужас во Франција: Маж си ја убил сопругата и двете мали деца, на една и 5- годишна возраст

Во Морман, во Сена-ет-Марн, во областа Ил-д-Франс, е уапсен човек кој рекол дека штотуку го убил „своето семејство“.

Околу 06:00 часот во Мормант, полицаец кој не бил на должност, кој одел на работа, видел маж вооружен со нож како напаѓа друг минувач на улицата, објави ТВ БФМ.

Пешакот е повреден во раката, а другиот во вратот, „и двајцата без значителни последици“, изјави обвинителот Жан Мишел Бурле.

Полицаецот успеал да го стави под контрола и да го уапси.

Потоа рече дека штотуку го убил „своето семејство“, сопругата и двете деца на една и петгодишна возраст.

Осомничениот нема криминално досие, туку „психијатриска историја“, додаде обвинителот.

Тој во моментов е хоспитализиран за да се утврди дали е способен да биде во притвор.Отворена е истрага за убиство со умисла, соопшти обвинителот.

Во Франција во просек се случува фемицид на секои три дена.

Во 2023 година, родителите убиле повеќе од 60 деца, според Voa d-lanfan, здружение кое брои убиства врз основа на случаи објавени во медиумите.

Живот

„Операција саксија“ е во тек во Амстердам, жителите во тешка меѓусебна кавга

Властите во холандската престолнина Амстердам ја почнаа „операција саксии“, бидејќи, како што истакнаа, прекумерното поставување саксии околу зградите го загрозува пристапот до објектите.

Жителите со вознемиреност реагираа на плановите на властите во Амстердам да ги отстранат, според нив, непромислено поставените саксии, објави Гардијан.

Во пристапот што локалните медиуми го нарекоа „операција саксии“, централниот кварт на холандската престолнина ги ограничува жителите да постават два саксии со дијаметар од 50 сантиметри, направени од „одржлив“ материјал и поставени на предниот ѕид на зградата.

Ќе се отстранат цели „градини“ со саксии на паркинзи и под дрвја, се вели во меморандумот на градските власти.

На состанокот на градскиот совет во вторникот, претседателката на Централниот извршен комитет на Амстердам, Амели Стренс, рече дека напуштените саксии со цвеќиња се непривлечни, лоши за биолошката разновидност и ги прават објектите помалку достапни за оние кои користат помагала за мобилност и инвалидски колички.

Некои жители на Амстердам се задоволни што градот реагира на загриженоста на луѓето за преполните тротоари, додека други посочуваат дека напуштените или паркирани велосипеди и тераси во баровите зафаќаат голем дел од јавните површини, како и отпадот, наведувајќи дека преголем број туристи го посетуваат градот.

притисни ентер