Македонија

Најмладите од Дебарско и Река со каланда го возвестија Лазаревото воскресение

 Света Бигорска обител денеска беше израдувана од прекрасното пеење на Лазаревата каланда „Кажи Лазаре“, којашто одекнуваше од устите на најмладите дечиња од реканскиот и дебарскиот регион.

-Овие прекрасни млади души, на чиишто лица сјаеше празничната радост, со чистина во срцата ни го најавија претстојното Пасхално торжество и преку каланда ни проговорија за Лазаревото Воскресение, кое е вовед во светлото и славно Христово Воскресение, рече сестра Ефимија.

Додаде дека дечињата, во придружба на своите родители, најпрво со воодушевување ги пееја каландите во манастирскиот двор, од каде што потоа се упатија кон работната игуменска одаја на нашиот старец епископ г. Партениј, за и нему да му ја пренесат сеопштата радост од Господовото воскреснување на четиридневниот Лазар.

-Таму тие беа срдечно и радосно пречекани од татковското срце и прегратка на дедото, а потоа и дарувани со традиционалните колачи Лазаринки, со велигденски ламбади и со други подароци, посочи сестра Ефимија.

Фудбал

Повредениот Дест останува во Барселона

Фудбалерот на Барселона, Сержињо Дест нема да го напушти клубот ова лето бидејќи продолжува да се рехабилитира од повредата на коленото.

Дест оваа сезона настапуваше како позајмен играч во ПСВ Ајндховен со кој ја освои холандската титула. Изминатиот период се шпекулираше дека 23-годишниот американски репрезентативец ќе ја напушти Барселона по завршувањето на оваа сезона и оти шпанскиот клуб со задоволство ќе го продаде на новиот холандски првак, но трансферот пропадна поради повредата.

Според експертот за трансфери Фабрицио Романо, ПСВ нема да ја активира откупната клаузула во договорот на Дест иако е задоволен од неговите настапи, бидејќи фудбалерот сè уште се закрепнува од повредата на лигаментите на коленото.

Дест во јуни ќе се врати во Барселона, каде што ќе ја продолжи рехабилитацијата по операцијата на коленото во Холандија.

Холанѓанецот се пресели од Ајакс во Барселона во 2020 година, но немаше настапи во првиот тим до 2022 година. Вкупно за Барселона одигра 72 натпревари и постигна три голови.

Кошарка

Дончиќ откри зошто се судрил со навивач: Возрасен човек не може тоа да го прави (ВИДЕО)

Веќе пишувавме за тоа дека Лука Дончиќ влезе во конфликт со навивач на домашната екипа на вториот полуфинален натпревар од Западната конференција меѓу Оклахома и Далас, а недолго потоа дојде објаснување зошто го направил тоа.

Се разбира, од самиот Дончиќ, кој ги загуби нервите на крајот од мечот, пред тајм-аут и размени неколку зборови со навивач кој седеше во првите редови.

Еден од судиите Скот Фостер застана меѓу двајцата за да не ескалира конфликтот, а Словенецот на прес-конференцијата рече:

- Еден човек покрај теренот ми го спомна моето семејство, не ми се допаѓа тој човек. Возрасен човек не може да го прави тоа. Не направив ништо, само сакав да му вратам. Лудо е што возрасен човек удира по моето семејство.

Недолго по враќањето на паркетот, цела сала навредливо скандираше кон Дончиќ и извикуваше „Лука смрди“, но тоа не го спречи да го одведе тимот до победа.

Инаку, Словенецот го заврши мечот со 29 поени, 10 скока и седум асистенции, а Далас победи со 119:110 и сега е 1:1 во серијата која се сели во Тексас.

Технологија

Се расипа првиот Неуралинк инплант во човечки мозок- компанијата на Маск сака да го отстрани

Имплантот на Neuralink, кој требаше да овозможи контрола на компјутерите користејќи мисли, доживеа технички проблеми, откри тимот на Илон Маск.

По операцијата, извршена на крајот на јануари, од мозокот на пациентот се извлечени неколку нишки одговорни за снимање на мозочната активност.

Ноланд Арбо, 29-годишен квадриплегичар, беше првиот човек кој го доби овој иновативен имплант. Откако конецот беше повлечен, бројот на ефективни електроди беше намален, што влијаеше на способноста на Арб да го контролира курсорот на екранот.

Neuralink реагираше брзо, приспособувајќи го алгоритмот за снимање и подобрувајќи ги техниките за преведување на нервните сигнали во движења на курсорот. Овие промени доведоа до значителни подобрувања во брзината и прецизноста на контролата на курсорот, надминувајќи ги првичните перформанси на Arb.

Иако проблемот не ја загрозуваше безбедноста на Арбо, се појавија извештаи дека Neuralink размислува да го отстрани имплантот. Компанијата, исто така, ја извести американската Администрација за храна и лекови (ФДА) дека верува дека има решение за овој технички предизвик.

Поминаа повеќе од 100 дена од имплантацијата, а Neuralink истакнува дека Арбо може да игра онлајн видео игри, да пребарува на Интернет, да учествува во преноси во живо и да користи други апликации, сето тоа со контролирање на курсорот само со своите мисли.

притисни ентер