Најмалку 70 загинати во бомбардирање на затвор во Јемен

Соединетите држави синоќа повикаа на „смирување на ситуацијата“ во Јемен, наведувајќи „повеќе од сто жртви во последните денови“, вклучително и најмалку 70 убиени во воздушен напад врз затворот во Саада, кој е под контрола на бунтовниците.

„САД се многу загрижени поради ескалацијата во Јемен“, рече американскиот државен секретар Антони Блинкен, повикувајќи ги сите страни во конфликтот да се смират, да го почитуваат хуманитарното право и целосно да се вклучат во сеопфатниот мировен процес под покровителство на ОН“.

Затворот во Саади, упориште на хутистите во северен Јемен, бил бомбардиран во петокот среде ноќ. Најмалку 70 луѓе загинале, а 138 се ранети, соопштија од Лекари без граници, осудувајќи го „страшниот“ напад. Бунтовниците ја обвинија за нападот коалицијата предводена од Саудиска Арабија која им помага на јеменските владини сили во конфликтот со бунтовниците Хути поддржани од Иран од 2015 година.

Генералниот секретар на ОН, Антонио Гутереш, се чини дека ја потврди одговорноста на коалицијата со осуда во изјавата за „воздушни напади на коалицијата предводена од Саудиска Арабија врз затворот Саади“.

„Воздушниот напад доаѓа само два дена по планираниот напад на хутистите врз цивилите во Абу Даби“, рече тој, мислејќи на бунтовничкиот камион за бомбашки напад во кој загинаа три лица во Обединетите Арапски Емирати во понеделникот.

Воената коалиција предводена од Саудиска Арабија во денешното соопштение вели дека цел на напад бил бунтовнички затвор во Јемен, каде загинаа најмалку 70 луѓе.

Информациите за нападот на затворот во Саада, на север, се „неосновани“, посочува портпаролот на на коалицијата, пренесува официјалната саудиска новинска агенција. Коалицијата ја презеде одговорноста за нападот врз Ходеида, на запад.

Коалицијата, која воено интервенира во земјата разорена од војна од 2015 година, вели дека „исклучително сериозно“ ги проверила информациите пред да заклучи дека се „неосновани“, рече портпаролот, генерал Турки Ал-Малки, кој ги обвини хутистите за „дезинформации“.

Саудиска Арабија ја предводи коалицијата на муслиманските земји, вклучително и Обединетите Арапски Емирати, кои им помагаат на јеменските владини сили да се борат против бунтовничките хутисти поддржани од Иран. Демантирајќи ја веста за бомбашкиот напад во затворот, коалицијата во соопштението рече дека не е „на списокот на забранети цели според механизмот одобрен од Канцеларијата на ОН за координација на хуманитарни прашања во Јемен“ (OCHA).

Затворот во Саади, упориште на бунтовничките хутисти на северот, беше бомбардиран среде ноќ, при што загинаа 70, а беа повредени 138 луѓе, соопшти невладината организација Лекари без граници (MSF), осудувајќи го „страшниот“ напад. Бројот на загинати најверојатно ќе биде уште поголем бидејќи „потрагата низ урнатините сè уште трае“, додаваат од Лекари без граници.

Засега не се знае кои се затворениците и колку ги има. Но, осум невладини организации, меѓу кои Action contre la Faim, Oxfam и Save the Childred, во заедничка изјава рекоа дека биле мигранти.

Фото: Британска манекенка ужива на одмор во Дубровник

Британската манекенка Ферне МекКан веќе одлучила да замине на одмор. Деновиве таа ги покажа своите фотографии од Хрватска. Како што откри таа е на одмор во Дубровник и околината.

„Верувајте си дека ќе го изберете она што е соодветно за вас. Најубавиот ресторан на островот. Каков прекрасен, посебен ден во Хрватска“, напиша таа во описот на фотографијата на која позира во црн костим за капење.

Дејли мејл известуваше за нејзиниот летен одмор во Хрватска. „Ферне МекКан ја истакнува својата неверојатна фигура во црно бикини додека се сонча во Хрватска“, гласи насловот на нивната статија.

Ферне неодамна изјави дека ослабела многу откако ја родила ќерката Финти, а многумина ја фалат затоа што покажала реален поглед на нејзиното тело. „Сакам да гледам реални фотографии, сите имаме целулит и маани кои попрво би ги немале, но добро е да ги славиме. Благодарам Ферне за искрената објава“, гласи пофалбата на еден следбеник.

Од 2022 година, Ферне е во врска со бизнисменот Лори Хејнс, со кој ја има ќерката Финти. Тој има уште една ќерка, од претходната врска.

Бајден настапи пред дипломците на Морхаус колеџот во Џорџија

За време на церемонијата со врачувањето на дипломи некои студенти носеа црно-бели палестински шалови во знак на солидарност со Палестинците.

Претседателот на САД, Џо Бајден во денешното обраќање пред дипломците во Морхаус, високообразовна установа од Џорџија каде мнозинството студенти се афроамериканци, прати пораки од неговата предизборна кампања за зацврстување на врските со младите од етничките малцинства.

За време на церемонијата со врачувањето на дипломи некои студенти носеа црно-бели палестински шалови во знак на солидарност со Палестинците.

- Сакам сите да запаметите, кога не избраа први ни велеа дека нема да направиме ништо значајно. Но ние направивме се. Благодарејќи вам … Мошне многу ценам што ми дадовте можност за повторен настап тука, изјави претседателот во обраќањето до дипломците на Морхаус.

Тој говореше и за својот соперник на претстојните избор – поранешниот претседател Доналд Трамп.

- На овие избори многу е ставено на коцка, мошне многу. Станува збор не за мене, туку за алтернативата … Работата е во тоа што тој (Трамп) изложи што имено планира да прави (ако биде избран). И републиканците во Претставничкиот дом ќе кажат и моите колеги ќе кажат, што тие имено ќе прават ако победат, рече Бајден.

Колеџот Морхаус е основан во 1867 година како машки колеџ за школување на црномурести кои скоро биле ослободени од ропство. Еден од они кои дипломирале тука е и Мартин Лутер Кинг помладиот.

Морхаоус е голем град во Џорџија со има значајна улога во претседателската трка во 2024 година. Бајден овде во 2020 година стана првиот кандидат за претседател од Демократската партија кој доби поддршка од оваа држава по Бил Клинтон во 1992 година.

Бајден денеска попладне патува во посета на Мичиген, каде ќе учествува на настан организиран од Детроитски фонд за борба за слобода. /МИА

Алкалоид го освои трофејот во ракометниот Куп на Македонија

Ракометарите на Алкалоид се победници во Купот на Македонија, откако вечерва во финалето одиграно во СРЦ „Борис Трајковски“ во Скопје го совладаа фаворитот Еурофарм Пелистер со 25:23 по изведувањето пенали.

Ова е прв трофеј во својата куса историја за младиот тим на Алкалоид кој на завршниот турнир ги совлада најголемите две имиња во македонскиот ракомет, Вардар и Еурофарм Пелистер.

Во финалето двете екипи во повеќе наврати се менуваа во водство, највисокото беше четири голови разлика, за на крај победникот да биде решен по пенал-рулетот во кој се истакна голманот на скопскиот тим Иван Галевски.

Токму Галевски беше прогласен за најдобар голман на завршниот турнир, наградата за најдобар стрелец отиде кај Богдан Радивојевиќ, а за МВП Филип Кузмановски (двајцата од Еурофарм Пелистер).

Претходно во текот на денот, во женското финале, Ѓорче Петров го победи Чаир со 36:24. /МИА

притисни ентер