Свет

На турска авио компанија ѝ се забранети летови кон ЕУ поради врските со Русија (ВИДЕО)

Европската унија ги забрани летовите на турската авиокомпанија Саутвинд ерлајнс.

Сопственичката структура на оваа компанија е проблематична за властите на ЕУ кои сметаат дека голем удел имаат руски компании или поединци.

Одлуката за забрана на летови и прелети над територијата на ЕУ беше донесена откако на Southwind Airlines не ѝ беше одобрена дозвола да започне со воздушни операции кон Финска, пишува Scramble.nl.

Агенцијата за транспорт и врски на Финска, наводно, утврдила дека мнозинската сопственост и контрола на авиокомпанијата не ја имаат турски компании, туку субјекти од Русија.

Бидејќи руската економија во моментов е под санкции на ЕУ, агенцијата на 25 март објави дека Southwind Airlines нема да може да врши летови до Финска.

Врз основа на проценката на Финска, Брисел одлучи да ѝ забрани на турската авиокомпанија да лета и да врши летови кон ЕУ, пишува Киев Индипендент, повикувајќи се на Џумхуриет.

Саутвинд ерлајнс е основан веднаш по избувнувањето на војната во Украина во 2022 година, со цел да превезува руски туристи кои летаат на турскиот брег.

Во меѓувреме, авиокомпанијата започна со летови не само од Турција до Русија, туку и до Бахреин, Белорусија, Германија, Грција, Италија, Израел, Казахстан, Либан, Молдавија, Македонија и Швајцарија, според Scramble.nl.

Превозникот моментално лета со три авиони Боинг 777-300/300ЕР, три Б737 МАКС 8, два Ербас А321 и еден А321нео, според податоците на службата Планспотерс.

Македонија

Пожар во паркирано моторно возило во Дебар

Пожар во паркирано моторно возило е регистриран во Дебар, по што интервенирала противпожарната единица.

- Вчера наутро, во 6:24 часот во Одделението за внатрешни работи-Дебар е пријавено дека на улицата „Есат Мезелџиу“ во Дебар настанал пожар во паркирано патничко возило „фиат браво“ сопственост на С.С.(48) од Дебар, информираше Стефан Димоски, портпарол на Секторот за внатрешни работи-Охрид.

Toj додава дека повредени лица нема, а интервенирала Територијалната противпожарна единица од Дебар. Истрагата околу причините е во тек.

Тенис

Ѓорческа запрена во полуфиналето на турнирот во Португалија

Лина Ѓорческа во неизвесен меч го загуби денешното полуфиналето на ИТФ фјучрс турнирот во Фигеира да Фоз, Португалија што се игра за награден фонд од 100.000 долари.

Поуспешна од македонската тенисерка беше поранешната тенисерка број 10 Кристина Младеновиќ од Франција, која мечот го доби со 2:0, по сетови 6:4 и 7:5 за еден час и 44 минути игра.

Првиот сервис беше проблем за двете тенисери во мечот во кој Французинката имаше нешто подобар процент (58% наспроти 44% за Ѓорческа) што на крајот се покажа решавачко. Во таков меч Ѓорческа имаше 7 брејка од 12 можности, а Младеновиќ 9/16. Во текот на целиот меч дуваше силен ветар што им создаваше големи проблеми на двете тенисерки во играта.

Во првиот сет по осум одиграни гема ниту една тенисерка не освои гем на свој сервис, а во таков резултатски тек Ѓорческа водеше со еден гем предност. По 4:4 во гемот број 9 Младеновиќ го освои гемот на сервис поведе со 5:4, а потоа со нов брејк го доби првиот сет со 6:4 во гемови.

Почетокот на вториот сет беше сосема поинаков и по три гема водство за Младеновиќ, но сега тенисерките освојуваа гем на свој сервис. Французинката прва напррави брејк за водство од 3:1, но кога беше најпотребно во 10.гем на свој сервис Ѓорческа успеа да изедначи на 5:5. Но, сепак следните два гема и припаднаа на Младеновиќ за 7:5 во вториот сет и конечни 2-0 во сетови.

За пласманот во полуфиналето на турнир од рангот W100, Ѓорческа ќе освои 39 поени и најверојатно на новото рангирање ќе успее да влезе меѓу првите 200 тенисерки на ВТА листата.

ЛОИ Париз 2024

Ѓоковиќ експресно во 2 коло на Олимпискиот турнир во Париз

Најтрофејниот свтески тенисер Србинот Новак Ѓоковиќ експресно со само еден загубен гем го започна настапот на 33 Олиписки игри во Париз.

Првиот носител на олимпискиот турнир во Париз на стадионот „Филип Шатрие“ го победи Австралиецот Метју Ебден со 2-0 по сетови 6:0, 6:1.

Ѓоковиќ од почетокот до крајо тна мечот домоинираше на терените на Ролан Гарос во Париз и најави дека е подготвен за големи дострели на Игрите во Франција.

На својот противник Ноле му препушти само еден гем во двата сета. Во еден момент од вториот сет индиспонираниот Ебден побара дури побара некој гледач од публиката да се симне долу на теренот и да го замени.

Легендарниот Ноле во второто коло го очекува подобриот од мечот Рафаел Надал - Мартон Фучовиќ.

притисни ентер