Други спортови

ММА борач се соочува со осумгодишна казна затвор, откако нападна човек на улица (ВИДЕО)

Поранешниот УФЦ борач, Нејт Дијаз, вчера ѝ се предаде на полицијата во Њу Орлеанс, објави MMA Junkie.

Дијаз предизвикал инцидент во Њу Орлеанс, каде по тепачката на неговиот пријател Крис Авил, со зафат гилотина заспал непознат маж на улица. Истите медиуми пренесуваат дека нападнатиот е Родни Петерсен Џуниор, инфлуенсер, професионален боксер и аматерски ММА борец кого го нарекуваат допингер на Јутјуберот и боксер Логан Пол, брат на многу поуспешниот Џејк.

Дијаз веќе правел проблеми во салата, а физичкиот конфликт се случил и надвор. Полицијата потоа издала налог за негово апсење. Дијаз се пријавил во полиција во 7 часот и 40 минути во присуство на адвокат, додека неколку часа подоцна бил пуштен со кауција од десет илјади долари.

Претставникот на Дијаз, Зак Розенфилд, изјави за MMA Junkie: „Нејт доброволно ѝ се предаде на полицијата околу 7:10 часот. Со нетрпение очекуваме да презентираме докази и видео што покажуваат дека тој дејствувал во самоодбрана. Тој плати кауција со судска дозвола за да продолжи со своето патување, кое вклучува враќање во Стоктон. Го цениме начинот на кој бевме третирани од полицискиот оддел на Њу Орлеанс, судот и нивниот персонал“.

Дијаз треба да се соочи со Џејк Пол во боксерски меч во август, што ќе биде негов прв настап откако му истече договорот со УФЦ. Во својата ММА кариера, тој постигнал 21 победа и 13 порази, постојано скокајќи од лесна во полусредна категорија и обратно.

Но, тој натпревар, како и многу подолгата иднина на Дијаз, се под знак прашалник поради обвинението. Во Луизијана, каде што е издаден налогот, нападот од втор степен се казнува со најмногу осум години затвор (со или без тешка работа), парична казна од две илјади долари или и двете.

Свет

Скандал во Швајцарија: Уапсени се неколку лица повезани со „комората за евтаназија“

Полицијата на северот на Швајцарија денеска соопшти дека се уапсени неколку лица и дека е отворена кривична постапка во врска со сомнителната смрт на едно лице во т.н. комора за самоубиство.

Полицијата на северот на Швајцарија денеска соопшти дека се уапсени неколку лица и дека е отворена кривична постапка во врска со сомнителната смрт на едно лице во т.н. комора за самоубиство, или како што се нарекува „charco капсула“, која се користи за евтаназија.

Таканаречената капсула Сарко, комора за самоубиство која никогаш досега не била користена, е дизајнирана да му овозможи на лицето во затворен простор да притисне копче што го активира вбризгувањето на азотниот гас, од кој лицето набрзо заспива, а потоа за само неколку минути, умира од задушување, пренесува Еуроњуз.

„Обвинителите во кантонот Шафхаузен беа известени од адвокатска канцеларија дека во понеделникот во близина на шумска кабина во Мерсхаузен се случил потпомогнат самоубиствен чин со капсула Сарко“, соопшти полицијата.

Во соопштението се наведува дека се уапсени „неколку лица“ и дека обвинителството отворило истрага поради сомнение за поттикнување и соучесништво во самоубиство.

Свет

По драматична потера, пронајдено е исчезнато девојче- мирно спие во шумата (ВИДЕО)

Исчезнато девојче од Луизијана е пронајдено како спие во шумата по еднодневна потрага.

10-годишната Пејтон Сентињан исчезнала од својот дом и последен пат била видена на 14 септември пред спиење облечена во сини пижами на тема Frozen и без чевли, објави Дејли Мејл.

Шерифот на округот, Џејсон Паркер рече дека девојчето залутало од дома и било најдено од дрон додека шетала во шумска област.

Полицијата започна голема потрага на 15 септември со голем број волонтери и полицајци, кога им биле понудени услугите на Drone Management Services LLC од Арканзас.

Користејќи беспилотни летала на компанијата опремени со камера за термичка слика, полицијата го пронашла девојчето свиткано како спие на земја во шумата.

„Таа беше во густа шума на околу 300 метри од местото каде што камерата ја фати порано во неделата наутро“, рече Паркер.

Како што рекол, девојчето спиело кога ја нашле.

„Ја проверивме и беше добро, но гладна“, додаде тој.

На видеото од дронот се гледа како спасувачите го разбудиле девојчето и ја однеле на безбедно околу 23 часот.

„Службата за контрола на дронови ја имаше честа да учествува во операцијата за пребарување и спасување. Сведочејќи го моментот кога Пејтон беше пронајдена, мирно спиеше во шумата.“, велат од компанијата.

Свет

Милионер тајно ја снимал дадилката на неговите деца- ќе ѝ плати отштета од 3 милиони долари

На дадилка ѝ е доделена отштета од огромни 3 милиони долари, откако милионер, татко на четири деца, тајно ја снимал гола со камера скриена во детектор за чад.

Кели Андраде, која е родена во Колумбија, живеела со Мајкл Еспосито (35) и неговото семејство во нивниот луксузен дом на Стејтен Ајленд, Њујорк, објави Фокс Њуз.

Според тужбата, која била поднесена пред федералниот суд во Бруклин, Еспосито се обидел да упадне во нејзината соба откако таа ја открила скриената камера.

Тој бил приведен во 2021 година под сомнение за незаконско следење, кривично дело казниво со максимална казна од четири години затвор. Но, тој бил пуштен на условен отпуст со обврска за советување.

Сега судијата на Менхетен одлучи дека мора да ѝ плати отштета од огромни 2,78 милиони долари.

Кели работела за него и неговата сопруга Даниела, а додека нивната куќа се реновирала, семејството живеело во куќата на родителите на Даниела.

Кели добила соба за спиење додека се грижела за нивните четири мали деца.

Меѓутоа, кога го видела Еспозито како почесто од очекуваното го поставува детекторот за чад во нејзината соба, се посомневала дека нешто не е во ред. Три недели откако се вселила во таа соба, ја пронашла скриената камера.

Според тужбата, скриената камера снимила стотици снимки на кои е полугола или целосно гола.

Андраде рече дека била фокусирана на опоравување од судењето бидејќи морала повторно да ги доживее моментите што се обидувала да ги заборави.

Колумбијката, која живее во Њу Џерси со својот сопруг, рече дека зборува за да ги охрабри другите дадилки и имигранти кои биле „жртви на злоупотреба“.

притисни ентер