Забава

Младенци од Франција ги шокирале гостите со храната, и самите не сакале да ја јадат (ВИДЕО)

Новопечениот брачен пар Томас Билаудо (27) и Офели (25) од Париз се откажале од традиционалната услуга на свадбата и ги изненадиле гостите.

Наместо со препознатливи специјалитети, гостите на свадбата ги почестиле со „брза храна“, поточно избор од менито на Мекдоналдс!

Видеото од венчавката стана вирално на социјалните мрежи, а го гледаме моментот кога невестата го зема микрофонот и го најавува доаѓањето на доставувачот на храна.

Еден човек влегува во свечената сала носејќи еден куп кеси, а гостите воодушевено аплаудираат.

Како што е познато, среќната двојка нарачала 300 хамбургери, нагетси и други деликатеси од популарниот синџир за брза храна, пренесува LadBible.

Видеото е прегледано повеќе од 2,3 милиони пати. Многумина ја поддржаа одлуката на младенците, но има и многу критичари.

@thomasbillaudeau @McDonald's Beauvais Tille ♬ son original - Thomas Billaudeau

„Дали ова е шега или што?“, „Подобар избор би биле тестенини со лосос“, „Си заминувам“, се само дел од коментарите.

Од друга страна, луѓето им аплаудирале на младенците за начинот на кој заштедиле пари.

„Попрво ќе јадам во Мекдоналдс отколку да се задолжувам 25 години за свадбата“, напишал еден корисник, додека друг додал: „Сендвич Мекчикен и помфрит ве молам. Каква кул свадба! Обрнете внимание на среќните луѓе“.

Невестата подоцна објаснила дека обично е пребирлива за храната што ја јаде и не јаде брза храна, но дека опцијата Мекдоналдс била поевтина.

„Се плашев дека ќе платиме за нешто што не ни се допаѓа. Ако веќе дадеме пари, можеме да го добиеме она што го сакаме“, рече таа.

Свет

Во еден ден му извадиле 20 заби и му вградиле 12 импланти- се вратил дома и починал

Жителка на кинескиот град Јонгканг, неодамна поднела жалба до Општинското здравствено биро, а по смртта на нејзиниот татко.

Г-ѓа Шу наведува дека на несреќниот човек во еден ден во локалната стоматолошка клиника му биле извадени 20 заби и вградени 12 импланти. Таа тврди дека тоа ја предизвикало неговата прерана смрт 13 дена подоцна.

Ќерката тврди дека таткото во последните денови од животот претрпел „страшни болки“, пред да доживее срцев удар на 28 август, пренесува Oddity Central.

Таа бара одговорните да бидат изведени пред лицето на правдата.

Според писмената согласност на пациентот, на мажот му биле извадени природните заби, по што на вилицата му биле дупнати 12 дупки за импланти.

Претставникот на клиниката, каде што била извршена процедурата, објаснува дека бројот на заби кои може да се вадат одеднаш го одредува лекарот, врз основа на општата состојба на пациентот.

Не постои специфична регулатива, а клиниката и лекарот мора да ја имаат предвид толеранцијата на болката на пациентот и ризикот од инфекција.

„Колку повеќе заби отстранувате, толку повеќе пациентот реагира на болка и поголема е веројатноста за постоперативна инфекција“, рече Ксијанг Гуолин, директор на Центарот за орална медицина во Вухан.

Истрагата е во тек, но претставник на Општинското биро за здравство изјави дека „докажувањето на вината може да биде тешко“, со оглед на тоа што смртта настапила 13 дена по постапката.

Свет

Ужас во Франција: Маж си ја убил сопругата и двете мали деца, на една и 5- годишна возраст

Во Морман, во Сена-ет-Марн, во областа Ил-д-Франс, е уапсен човек кој рекол дека штотуку го убил „своето семејство“.

Околу 06:00 часот во Мормант, полицаец кој не бил на должност, кој одел на работа, видел маж вооружен со нож како напаѓа друг минувач на улицата, објави ТВ БФМ.

Пешакот е повреден во раката, а другиот во вратот, „и двајцата без значителни последици“, изјави обвинителот Жан Мишел Бурле.

Полицаецот успеал да го стави под контрола и да го уапси.

Потоа рече дека штотуку го убил „своето семејство“, сопругата и двете деца на една и петгодишна возраст.

Осомничениот нема криминално досие, туку „психијатриска историја“, додаде обвинителот.

Тој во моментов е хоспитализиран за да се утврди дали е способен да биде во притвор.Отворена е истрага за убиство со умисла, соопшти обвинителот.

Во Франција во просек се случува фемицид на секои три дена.

Во 2023 година, родителите убиле повеќе од 60 деца, според Voa d-lanfan, здружение кое брои убиства врз основа на случаи објавени во медиумите.

Живот

„Операција саксија“ е во тек во Амстердам, жителите во тешка меѓусебна кавга

Властите во холандската престолнина Амстердам ја почнаа „операција саксии“, бидејќи, како што истакнаа, прекумерното поставување саксии околу зградите го загрозува пристапот до објектите.

Жителите со вознемиреност реагираа на плановите на властите во Амстердам да ги отстранат, според нив, непромислено поставените саксии, објави Гардијан.

Во пристапот што локалните медиуми го нарекоа „операција саксии“, централниот кварт на холандската престолнина ги ограничува жителите да постават два саксии со дијаметар од 50 сантиметри, направени од „одржлив“ материјал и поставени на предниот ѕид на зградата.

Ќе се отстранат цели „градини“ со саксии на паркинзи и под дрвја, се вели во меморандумот на градските власти.

На состанокот на градскиот совет во вторникот, претседателката на Централниот извршен комитет на Амстердам, Амели Стренс, рече дека напуштените саксии со цвеќиња се непривлечни, лоши за биолошката разновидност и ги прават објектите помалку достапни за оние кои користат помагала за мобилност и инвалидски колички.

Некои жители на Амстердам се задоволни што градот реагира на загриженоста на луѓето за преполните тротоари, додека други посочуваат дека напуштените или паркирани велосипеди и тераси во баровите зафаќаат голем дел од јавните површини, како и отпадот, наведувајќи дека преголем број туристи го посетуваат градот.

притисни ентер