Македонија

Митовски: Граѓаните ги чувствуваат придобивките од политиките на СДСМ

Денеска со голема гордност и радост ја споделуваме веста за завршувањето на експресниот пат Страцин - Крива Паланка. 

Овој проект беше започнат од СДСМ во 2018 година и над 90% од градежните работи веќе беа реализирани и завршени во средината на 2024 година.

Токму овој проект е круна на соработката помеѓу локалната и централната власт во изминатите години и сето она што беше третман и поддршка за граѓаните на Крива Паланка.

Станува збор за стратешки проект и инвестиција којашто е важна за развојот на североисточниот регион и значително ќе придонесе во развојот и поврзаноста на економското поле и квалитетот на животот на Крива Паланка.

Да не беа блокадите од страна на пратениците на ВМРО-ДПМНЕ, овој проект ќе беше завршен уште во 2024 година. За жал само заради личните политички цели пратениците од ВМРО-ДПМНЕ, тогаш го блокираа проектот преку Комисијата за финансирање и буџет којшто со месеци го кочеше новиот предлогот за законот за гранд вреден 14 милиони евра.

Сепак, денес зборуваме за нешто што е од голема важност за Крива Паланка, еве денес е целосно завршен патниот правец и граѓаните од утре ќе ги чувствуваат придобивките од политиките што во изминатиот период ги реализираше СДСМ. Со овој патен правец граѓаните од целиот регион ќе можат безбедно и побрзо да патуваат помеѓу Куманово и Крива Паланка, но и добиваме ново патно поврзување на едно од најкомплексните делници во североистокот. Добиваме поврзаност помеѓу Скопје и Софија, нешто што ќе влијае на развојот на трговијата и економијата, како и на развојот за локалната економија.

Конечно, овој патен правец е граден по највисоки стандарди преку кои се избегнуваат многу црни точки, а добиваме и безбедност на патувањето на нашите граѓани и сите учесници во сообраќајот.

Во мое име и во името на граѓаните на Крива Паланка се заблагодарувам до сите оние коишто беа дел од овој крупен проект, на претходната Влада и премиерите и директори на значајните државни претпријатија коишто беа носители на оваа активност и сите градежни работници, на надзорните органи и проектантите и на сите оние што беа вклучени во целосната изградба на овој експресен пат.

Честитки до граѓаните на Крива Паланка, рече Сашко Митовски, градоначалник на Општина Крива Паланка.

.

Фудбал

Трент Александар-Арнолд не е расеан од гласините за трансфер во Реал Мадрид, вели Слот

Трент Александер-Арнолд не е расеан од гласините за преселба во Реал Мадрид, изјави менаџерот на Ливерпул, Арне Слот откако англискиот репрезентативец одигра далеку под неговите стандарди во ремито 2-2 со Манчестер Јунајтед во Премиер лигата.

Александар-Арнолд привлече критики за несигурниот настап, а најгласен беше стручњакот на „Скај спортс“, Рој Кин.

-Постојано зборуваме за тоа колку добар играч е Трент и колку може да биде подобар. Сепак, начинот на кој тој играше во одбраната беше на ниво на ученик. Се шпекулира дека претстои преселба во Реал Мадрид, но со својот настап попрво треба да оди во Транмере Роверс, тој треба да игра далеку подобро од тоа, рече Кин.

Запрашан дали Александар-Арнолд бил деконцентриран од извештаите за трансфери или новиот договор со Ливерпул, Слот рече: „Мислам дека не. Веројатно 9 од 10 луѓе би рекле дека е, но јас сум десетти. На него влијаеше играњето против Бруно Фернандеш и Диого Далот, кои се португалски интернационалци и одлични фудбалери“.

Коди Гакпо и Мохамед Салах ги постигнаа головите за „црвените“, кои остануваат на врвот на табелата во Премиер лигата со 46 бодови, шест повеќе од второпласираниот Арсенал. „Црвените“ имаат и натпревар помалку, откако средбата со Евертон во декември беше одложена поради лошите временски услови. Единствениот пораз на тимот дојде против Нотингем Форест во средината на септември.

-Се чувствуваме како да сме испуштиле два поени. Сепак, тоа беше тежок натпревар. Беше слично на Нотингем Форест бидејќи стилот на двата тима е сличен. Тие се бранат длабоко и со многу луѓе. Тие не ризикуваат кога ја имаат топката во свои нозе. Не е лесно да се игра против такви тимови, додаде Слот. /МИА

Свет

УНРВА: Седум бебиња починаа во Газа од студ бидејќи немале засолниште

Најмалку седум бебиња починаа од студеното време бидејќи немале засолниште во Газа, соопшти Агенцијата за помош на палестинските бегалци при ОН (УНРВА).

Според објавата на УНРВА на платформата Икс, до 7.700 новороденчиња во конфликтната зона живеат во несоодветни услови, резултат на судирите меѓу Израел и милитантната група Хамас, пренесува денеска ДПА.

Палестинската новинска агенција WAFA во декември објави дека четири бебиња починале од хипотермија.

Повеќе од 15 месеци борби оставија стотици илјади Палестинци без домови. Раселените живеат во шатори кои не нудат соодветна заштита од студот и дождот, со температури што паѓаат под 10 степени Целзиусови.

Израелската управа за палестински прашања (COGAT) објави на Икс дека соработува со меѓународни хуманитарни организации како Rahma Worldwide за обезбедување шатори, ќебиња, топла облека и хигиенски производи за жителите. /МИА

Свет

Конгресот на САД ќе го потврди изборниот резултат и ќе го отвори патот за Трамп

Конгресот на САД денеска во Вашингтон ќе се состане за официјално да го потврди резултатот од претседателските избори, што е последниот чекор во процедурата пред Доналд Трамп да ја преземе функцијата подоцна овој месец.

Пред четири години, поддржувачите на Трамп насилно упаднаа во Капитол, обидувајќи се да спречат потврда на победата на демократот Џо Бајден на изборите во 2020 година. Оваа година, по неспорната победа на Трамп на ноемвриските избори, се очекува седницата да помине мирно, пишува ДПА.

Демократката Камала Харис, која изгуби на изборите од Трамп, ќе го објави конечниот резултат на крајот од нејзиниот мандат како потпретседателка. Како претседавач на Сенатот, Харис ќе ја води заедничката седница на двата дома на Конгресот.

Трамп освои 312 изборни гласови, додека Харис обезбеди 226. На состанокот, ќе бидат прочитани и преброени резултатите од поединечните сојузни држави.

Иако членовите на Конгресот теоретски можат да вложат приговори на резултатите, тоа не се очекува оваа година. Инаугурацијата на Трамп е закажана за 20 јануари.

притисни ентер