Македонија

Мираковска најави инвестиции во капацитетите на дојранските плажи

Во посета на општина Дојран денеска престојуваше Соња Мираковска, носител на кандидатска листа во ИЕ 4 од коалицијата „Можеме". 

На средба со градоначалникот Анго Ангов таа разговараше за подобрувањето на условите за развој на туризмот и за отворање нови плажи на дојранското крајбрежје.

Тие ја посетија дивата плажа во селото Николич, во близина на границата со Грција, за која Мираковска рече дека е еден од бисерите на Дојранското Езеро.

-Во рамки на она што коалицијата „Можеме" го нуди за развој на туризмот, Николич секако залужува повеќе инвестиции и повеќе внимание. Овде многу скоро ќе бидат развиени капацитетите кои ќе донесат туристи не само од Македонија, туку и од целиот регион затоа што местото има голем потенцијал во кој треба да вложиме средства и труд, рече Мираковска.

Градоначалникот Ангов рече дека веќе се обработува урбанистичкиот план и оти во скоро време дивата плажа во Николиќ ќе стане инвестициска зона во која ќе се постават туритички кампови./МИА

Македонија

13- годишно момче од Битола починало на роденденска забава

Момче (13) од Битола починало во неделата на роденденска забава.

Трагедијата се случила во атарот на селото Крстоар, додека момчето славело со другарите.

На момчето околу 15 часот и 30 минути му се слошило додека си играло со момчињата, а присутните веднаш повикале брза помош, која го пренела во болницата во Битола.

По пристигнувањето во болница, момчето не давало знаци на живот, а лекарите по 40 минути реанимација можеле само да констатираат смрт.

Од полицијата изјавија дека не се познати причините за смртта и дека телото ќе биде испратено на обдукција. Исто така, како што наведоа, на телото не биле забележани траги на насилство.

Живот

Црната боја - признак за привлечност, интелигенција, самодоверба, црвената за ароганција

Моќта на бојата на облеката што се носи е потврдена со истражување коешто открива дека човек е вообичаено „најпривлечен“ за другите, но им изгледа и „најпаметно“ и „најсамоуверено“ во црна облека.

Обемното истражување на британската интернет-продавница „Бајшртсонлајн“ (Вuytshirtsonline) во коешто учествувале повеќе од 1.000 испитаници, во таа смисла, посочува оти црната боја е на место бр. 1... Поточно, луѓето кои носат црна облека - и жени и мажи, другите ги гледаат како најпривлечни, најинтелигентни и со најголема самоувереност.

Во категоријата за самодоверба, црвената боја е на второ место, а на прво место во разредот ароганција. Црвената е место бр. 2 и во категоријата за привлечност, па и тука е веднаш зад црното, а трета е сината боја. Само 12 отсто од испитаниците го поврзуваат црвената облека со интелектот.

Луѓето кои носат жолта, портокалова и розова облека, испитаниците ги сметаат за најмалку интелигентни. Луѓето кои носат кафена облека се сметаат за најмалку привлечни. /МИА

Свет

Столтенберг: Кина мора да престане да ја поддржува Русија, ако сака добри односи со Западот

„Кина мора да престане да ја поддржува Русија и нејзината војна во Украина ако сака да има добри односи со Западот“, предупреди Јенс Столтенберт, генерален секретар на НАТО.

Како што пренесува порталот „Укринформ“, Столтенберг тврди дека Кина на Русија ѝ дава електроника и технологија за производство на ракети, дронови и други видови оружје.

Генералниот секретар на НАТО зборуваше во Брисел по повод дискусијата за иднината на алијансата на Самитот на младите:

„Војната во Украина покажа дека безбедноста не е регионално, туку глобално прашање. Главната земја што ѝ помага на Русија да ја продолжи својата агресија и војна против Украина во Европа е Кина. Тие се убедливо најголемиот трговски партнер на Русија. Кина ѝ дава на Русија со клучни компоненти за нејзиното оружје, микроелектрониката и напредна технологија што ѝ овозможува на Русија да произведува ракети, беспилотни летала и разни други оружја, што е клучно во војната против Украина“, рече Столтенберг.

Тој истакна дека покрај Кина, клучни партнери на Русија кои ѝ овозможуваат војна се Северна Кореја, која обезбедува муниција и оружје, и Иран, кој ја снабдува Русија со беспилотни летала:

„Затоа идејата дека можеме да ја одвоиме Азија од Европа повеќе не функционира. Ова е меѓусебно поврзано, а ние, се разбира, треба да се справиме со безбедносните предизвици што Кина ги претставува за нашата безбедност“, додаде Столтенберг.

Според него, НАТО има околу 40 партнерски земји ширум светот, додека четири од нив - Јапонија, Јужна Кореја, Австралија и Нов Зеланд - се наоѓаат во индо-пацифичкиот регион. Според генералниот секретар, ова партнерство е од особено значење за НАТО.

Столтенберг нагласи дека Алијансата била и ќе остане регионален одбранбен сојуз на Северна Америка и Европа, а членот за колективна одбрана ќе се однесува на заштитата на сојузниците во Европа и Северна Америка. Во исто време, целата оваа северноатлантска област се соочува со глобални закани - во сајбер, вселенски и други домени.

„Не се работи за преместување на НАТО во Индо-Пацификот, туку за Кина и глобалните закани што ни се отвораат. Ја гледаме Кина во сајбер просторот, ги гледаме во Африка, ги гледаме на Арктикот, ги гледаме како се обидуваат да ја контролираат критичната инфраструктура во нашите земји. Значи, сето тоа е важно за нашата безбедност на многу начини“, заклучил Столтенберг.

притисни ентер