Македонија

Мицкоски и Николоски во ЈП за државни патишта: Македонија се ослободува од криминалот

За овие два месеци десеткратно е подобрена сотојбата во ЈП за државни патишта. 

Тоа го покажуваат финансиските резултати. Исто така ако во ЈП за државни патишта за 1 милион и 100 илјади евра е подобрена состојбата, ако во УЈП за 40 % е зголемена наплатата или во Царина за 20 %, можеме да замислиме какви пљачки се правеле досега, истакна претседателот на Владата, Христијан Мицковски при денешната посета на ЈП за државни патишта заедно со потпретседателот на Владата и министер за транспорт, Александар Николоски.

Премиерот Мицковски потенцираше дека за овиe два месеци со напoрнa работa на ЈПДП и Министерството за транспорт, состојбата во Државни патишта полека се стабилизира и уште еднаш јавно го повика Јавното обвинителство да ја истражи секоја соомнителна постапка и пријава за незаконско работење на државните институции.

“Ова Јавно претпријатие полека се стабилизра и се ослободува од криминалот. Сегашната состојба во ЈПДП ме радува бидејќи работата се стабилизира. Со посветена работа на тимот од ЈПДП и на потпретседателот на Владата и министер за транспорт Николоски, од состојба 10 спрема 1 во долгови, сега состојбата е десеткратно подобрена и е тука некаде. Македонија беше обремена од криминал од епски размери, бевме сведоци на криминално однесување на Владата предводена од СДСМ и ДУИ и затоа го повикувам Јавното обвинителство да си ја заврши својата работа и да ја испита секоја пријава за незаконско работење”- изјави Христијан Мицковски, претседател на Владата.

Министерот за транспорт Николоски потенцираше дека затекнатите состојби биле катастрофално лоши со заглавени проекти од неколку години, но дека најголем дел од проблемите се надминати и следи период во кој засилено ќе се работи на реализација на капиталните проекти.

“Да го земеме проектот за експресен пат Градско-Прилеп, заглавен повеќе од една и половина година заради административни работи. За кратко ја решивме состојбата, проектот го одглавивме и набрзо граѓаните ќе можат да возат по нов пат. Имаме одлична соработка со ЈП за држави патишта, на дневна и неделна основа ги решаваме најголемите проблеми со автопатот Кичево-Охрид и автопатиштата на Коридор 8 и 10. Следи период на стабилизација што не радува, во истовреме го повикувам Јавното обвинителство да си ја работи работата и да почне да ги истражува сите сомнителни работи”- изјави заменик претседателот на Владата и министер за транспорт Александар Николоски.

Директорот на ЈП за државни патишта Коце Трајановски истакна дека состојбата со сметката во претпријатието била во многу лоша состојба со преку 1 милијарда денари долгови, но дека за две месеци состојбата значително е подобрена.

“ Не се плаќало факутри од февруари кон Македонија пат за извршени работи и кон Министерството за финансии за ануитети за доспевани долгови. На сметката имавме 90 милиони денари и долг од преку 1 милијарда денари. Со домаќинско работење за кратко време на сметка имаме 1,1 милијарда денари и долг од 1,3 милијатрда денари што десетпати е поодбрено прибирањето на приходите. Исто така од наплата на патарина за споредба само во месец јули имаме зголемување од наплатата за 66 милиони денари или 1,1 милион евра плус отколку минатата година, што не радува”- изјави Коце Трајановски, директор на ЈП за државни патишта.

Свет

Ужас во Швајцарија: Ја задавил сопругата и телото ѝ го сомлел во блендер, вели дека се бранел

Судот во Швајцарија оваа недела одби да го ослободи од притвор Томас (41), кој ја убил сопругата Кристина Јоксимовиќ (38), а потоа со миксер ѝ ги исецкал деловите од телото.

Федералниот суд во Лозана вчера ја отфрли неговата жалба, наведувајќи дека има „конкретни индиции за ментална болест“.

Во март, обвинетиот му признал на државниот обвинител дека ја убил сопругата и мајка на неговите две деца - наводно затоа што пред тоа го нападнала со нож. Тој претходно тврдеше дека Кристина ја нашол мртва и во паника ја распарчил. Но судско-медицинскиот извештај укажува дека не се работело за самоодбрана, пишува швајцарски Блик.

Експертите утврдиле дека Кристина, која своевремено влегла во финалето на изборот за Мис на Швајцарија, била задавена на 13 февруари. Според Sky News, остатоците од нејзиното тело биле пронајдени во куќа во Бининген, во близина на Базел.

Обдукцијата покажала дека по убиството жртвата била распарчена во пералната со пила, нож и ножици. Убиецот потоа исецкал некои делови од телото со блендер и потоа ги растворил во хемикалии.

Во наодите на истрагата се наведува дека Томас по убиството на сопругата покажал недостаток на емпатија и социопатско однесување и се обидел да го прикрие злосторството. Забележано е и дека пред убиството ја задавил сопругата, како што стои во пресудата. Инаку, Кристина ја освоила титулата Мис на северозападна Швајцарија и била финалистка на Мис на Швајцарија во 2008 година.

Во февруари, пријателите на двојката рекоа дека немало индикации за лош брак: „Тие изгледаа како совршено семејство“. Но, други рекле дека парот бил во криза со месеци. Наводно, пред убиството, полицијата интервенирала при расправија поради насилство.

Свет

Страшна несреќа во Мичиген среде бел ден- возачот заврши на покрив, возилото смачкано (ВИДЕО)

Несреќата се случила во градот Сагинау, во американската сојузна држава Мичиген, откако 28-годишен возач изгубил контрола и со камионетот удрил во куќа на раскрсница.

Возилото се запалило, но тоа не е најбизарниот детал. Неименуваниот возач, очигледно замаен, завршил на покрив од семејна куќа.

На социјалните мрежи кружи видео од инцидентот, а јасно е дека возачот лежи неподвижен на покривот. Недолго потоа се освестил, пренесува ABC 12 News.

На местото на настанот пристигнала и противпожарната единица која го изгаснала пожарот, а донесена е и скала за безбедно да го симне човекот од покривот.

Тој е пренесен во болница во критична, но стабилна состојба. Трите лица кои биле во куќата не се повредени.

Полицијата не соопштува детали, вклучително и како се случила несреќата, бидејќи истрагата е во тек.

Свет

На Шведска ќе ѝ требаат најмалку 25 години за го реши проблемот на малолетните криминални банди

Шведска, која до пред десетина години важеше за идилична скандинавска земја, сега е на врвот на листата на членки на ЕУ според стапката на криминал извршен со огнено оружје.

Меѓународните банди сега регрутираат деца, пишува Politico.

На Шведска ќе ѝ требаат најмалку десет години за да го реши проблемот со криминалот на малолетничките банди, изјави министерот за правда.

„Проблемите се секако многу сериозни и ќе биде потребно време за успешно да се смени тој тренд, не само што се однесува до децата“, рече Гунар Стромер, министер за правда.

Шведска е потресена од бран на насилство од банди во последниве години, со стапки на криминал со оружје меѓу највисоките во Европската унија. Според официјалните податоци, во 2022 година во Шведска биле убиени 62 лица, а во 2023 година бројот на жртви бил 54.

„За да се осигураме дека децата што растат во Шведска не запаѓаат во криминал, потребна е најмалку една деценија. Тоа е многу реален поглед на временската перспектива“, рече Стромер.

Криминалот на бандите и миграцијата станаа жешки прашања во Шведска, што ја доведе крајната десница до изборен успех. Најголем дел од злосторствата се извршени од меѓународно поврзани банди кои регрутираат деца во своите редови.

Минатиот септември, откако една 25-годишна жена беше убиена во напад на банди, премиерот Улф Кристерсон во ретко телевизиско обраќање вети дека ќе ги „лови бандите“. Претходно оваа година, шведскиот парламент ја овласти полицијата да воспостави таканаречени безбедносни зони, дозволувајќи им да пребарува одредени области без налог или само со причина.

Стромер рече дека владата исто така ги заострува казните за младите престапници.

„Постои постојан ризик од спирала на ново насилство што клокоти под површината“, предупреди тој.

притисни ентер