Македонија

Мицкоски до ДУИ и Ковачевски: Европски ли е кога Ахмети викаше УЧК во Скопје?

Европски ли е кога Ахмети викаше УЧК во Скопје? И кога голобрадо момче кое случајно му е внук ја купува Соравија? Со СДС и ДУИ се подрива идејата за ЕУ.

Додека се колнат во ЕУ, ја купуваат Соравија, додека зборат за правда делат шамари во контролата на летање во Скопје. Додека народот гладува тие си слават родендени во државни институции. Додека зборат за стандарди, на онкологија ги крадат болните од рак. И треба да знаете дека ниту една лекција не ја научија. СДСМ не се огради од криминаот на ДУИ, ниту пак има намера. А од ДУИ го употребуваат истиот наратив дека биле европска партија, во исто време кога џебовите им се полни со Европски пари, кажа претседателот на ВМРО-ДПМНЕ, Христијан Мицкоски на вечерашниот митинг во Виница.

Претседателот упати и прашање до ДУИ, а и Ковачевски, кој продолжува да молчи, дали кога Али Ахмети викаше среде Скопје УЧК, УЧК е европски чин? Дали тоа доликува на европскиот фронт на ДУИ СДСМ праша тој.

Исто како што купувањето на Соравија што е европски чин, од страна на голобрадо момче, случајно кој е внук на Ахмети исто како што Мерко е европски градоначалник, море светски... како Артан што возеше ауди со полициски флешери на име на фирмата што зела тендер на Шапка? Е сето ова е многу европски, директно не носи во ЕУ, кажа претседателот.

Тој потенцира дека однесувањето на ДУИ и СДСМ ја подрива европската идеја во Македонија. Тие стануваат минери на европската идеја затоа што народот нив не ги идентификува со Европа и има европски функционери кои се срамат што ликови како Артан, Мерко и Талат овде зборуваат за ЕУ. Затоа што ЕУ не е олицетворение на корупција како што се Артан, Мерко и Талат.

И затоа резултатот е таков во првиот круг. Овде во Виница победивме со 4571 на 1764 гласови за СДСМ. Народот е определен, и јас искажувам длабока благодарност и почит до секој еден од вас. Но работата не е завршена. Ова беше само првиот круг, и жолтиот картон, мора да стане црвен на изборите на 8 мај. Народот да го зададе финалниот удар против корупцијата, криминалот и сиромаштијата. Повикувам на масовна излезност, затоа што излегувањето на овие избори меѓудругото е и патриотска должност и обврска кога Македонија е толку силно разградена со криминал и корупција. Да одиме напред, и да ги победиме сите сценарија кои ги разработува дуото СДСМ и ДУИ, заклучи претседателот.М

Со почит,

Центар за комуникации на ВМРО-ДПМНЕ

Свет

Најмалку 60 загинати во топлотниот удар, што го погоди Тајланд (ВИДЕО)

Најмалку 61 човек починаа во повеќе неделниот топлотен бран што го погоди Тајланд, соопшти денеска тајландското Министерство за здравство.

Топлото време изминатите недели предизвика повеќе од двојно поголем број жртви во споредба со жртвите од жешкото време во цела 2023 година. Најголем дел од смртните случаи се регистрирани во североисточниот дел на земјата, каде што земјоделството е важен дел од економијата, објави TRT World.

Во Бангкок и другите делови од земјата во текот на ноќите температурата не се спушта под 30 степени Целзиусови. Додека пладневните температури редовно се над 50 степени.

Според синоптичарите високите температури се должат на феноменот Ел Нињо, додека Светската метеоролошка организација предупредува дека Азија се загрева побрзо од глобалниот просек.

Невообичаено високи температури се регистрирани и во Бангладеш, Виетнам, Мјанмар и Филипините.

Живот

Американка го оставило само дома тригодишното дете и отишла да се коцка, ќе оди во затвор

28-годишна жена се соочува со сериозни обвиненија откако решила да излезе на коцкање, оставајќи го своето 3-годишно дете само дома.

Канцеларијата на шерифот на округот Џенеси ја уапсиле Меган Кортни во вторникот вечерта поради загрозување на благосостојбата на дете, пренесува ABC7.

Истрагата открила дека момчето било пронајдено како трча само надвор, во близина на неговиот дом. Тогаш дежурните полициски службеници кои пристигнале на местото на настанот утврдиле дека момчето останало само дома.

Кортни подоцна била пронајдена во казиното, се вели во соопштението од канцеларијата на шерифот.

Кортни е изведена пред судот во средата наутро. Не се дадени информации за следниот датум на судење.

Свет

ОН: Околу 30.000 луѓе секој ден ја напуштаа Рафа, таму нема ни храна ни вода

Околу 30.000 луѓе ја напуштаат Рафа секој ден за да побегнат од заканата од голема израелска офанзива, а сега има околу 110.000 кои побарале засолниште на друго место во тесната енклава, рекоа претставници на ОН.

„Последната наредба за евакуација на израелската влада поврзана со воената операција во Газа се однесува на повеќе од 110.000 или повеќе раселени на север“, рече Георгиос Петропулос, од Канцеларијата на ОН за координација на хуманитарни прашања (OCHA) во Газа.

„Секој ден, околу 30.000 луѓе ја напуштаат Рафа“, рече тој, додавајќи дека повеќето од нив веќе биле раселени пет до шест пати од почетокот на борбите меѓу Израел и Хамас.

Според ОН, околу 1,4 милиони луѓе се насобрале во градот на југот на енклавата, бегајќи од жестоките борби и бомбардирањето на северот.

ОН додаваат дека израелската армија започнала ограничена копнена операција и го затворила преминот меѓу Рафа и Египет, клучна рута за испорака на хуманитарна помош.

Премиерот Бенјамин Нетанјаху вети посеопфатна операција за уништување на Хамас, исламистичкото движење кое владее со Појасот Газа.

OCHA предупредува дека без гориво, голем број здравствени институции, вклучително и болниците под контрола на Хамас и УНРВА и клиниките, ќе имаат потешкотии да продолжат со својата работа, како и недостатокот на вода за пиење на северот на енклавата и во градот Газа, каде околу 450.000 луѓе имаат ограничен пристап до вода, што исто така е проблем. Не успеа снабдувањето со вода за пиење во Рафа.

Светската програма за храна (WFP) и UNRWA треба да дистрибуираат само дел од храната во наредните денови бидејќи главниот магацин на WFP е недостапен, прецизира OCHA, а веќе два дена нема храна во Рафа.