59 годишната актерка рече дека се чувствувала „заробена“ во бракот со третиот сопруг, Антонио Бандерас, со кого ја доби ќерката Стела.
- Лично се почувствував заглавена и тоа никогаш нема да ми се повтори. Сакам да уживам во животот, да правам се што сакам да правам - рече 59 годишната Грифит.
- Сега сум внимателна со мажите. Не сум запознала ниту еден во овие две години откако се разведов.
Во искреното интервју, Мелани признава дека на почетокот од кариерата имала врски со холивуските легенди Рајан О Нил. Џек Николсон и Ворен Бити, нарекувајќи ги тројцата „извонредни“.
Нејзин прв сопруг беше Дон Џонсон, од јануари до јули 1976 година.
Во 1981 се омажи со Стивен Бауер со кој го доби синот Александар. Се разведоа во 1989 година.
Таа го признава проблемот со алкохолот.
- Нормално функционирав како мајка. Не бев толку пијана да лежам по подот. Можеби во некои моменти не бев максимално присутна, но се трудев секогаш да бидам тука за моите деца - признава Мелани, која прв пат се пријави на одвикнување од алкохол во 1988 година.
Потоа повторно се омажи со Дон Џонсон. Ја добија ќерката Дакота и се разделија во 1995 година.
- Дон беше прекрасен. Чекаше да ја поминам програмата за одвикнување. Се смиривме, се беше прекрасно и едноставно.Но по некое време сфативме дека тоа не оди. беше потешко бидејќи бевме под окото на јавноста - вели Мелани.
Од 1996 до 2014 таа беше во брак со Антонио Бандерас.
Бракот се распадна по моја вина - вели Мелани.
Таа отворено зборува и за пластичната хирургија. Вели дека првиот зафат го направила пред 20 години во страв од стареењето, а потоа ја погодиле критиките во јавноста дека го упропастила својот изглед.
- Јас не се гледав како што ме гледаа другите. Прво почнав од забава да одам на операции а потоа ме прашуваа што сум направила од себе. Тоа ме погоди. Отидов кај друг доктор и го замолив да го спаси се она што неговата колешка го упропастила. Се надевам дека сега изгледам понормално - вели 59 годишната актерка.