Македонија

Меѓународен турнир во Битола во чест на шаховската легенда Борче Илиевски

Над 100 шахисти од земјава и од Грција викендов учествуваат на меѓународниот шаховски турнир во Битола посветен на шаховската легенда Борче Илиевски.

Првиот дел од турнирот почна синоќа со шаховска симултанка на интернационалниот мајстор Димитар Илиевски против млади шахисти од Скопје и Битола, а денес учесниците се натпреваруваат играјќи забрзан шах.

-Вториот ден од турнирот стартуваше со емитување на краток документарен филм „Јас и Фишер“ посветен на неодамна починатиот битолчанец, големата македонска шаховска легенда Борче Илиевски кој во 1967 година приреди вистинска сеназација играјќи реми со светски познатиот американски шахист Боби Фишер. Шахистот Илиевски бил мотив и инспирација за многу шахисти, а така е и овој викенд на кој учествуваат над 100 шахисти меѓу нив шаховскиот велемајстор Звонко Станојоски, олимпискиот шампион Тони Лазов, светската младинска првенка од Грција Евангелија Сиску, како и младиот шахист од Скопје Александар Стојковски кому семејството Илиевски му подарија комплет шаховски книги, вели во изјава за МИА претседателот на шаховскиот клуб „Шах-шех“ Зоран Попчевски.

Меѓународниот шаховски турнир во забрзан шах е традиционален и со натпреварувачки карактер, а наградите ги обезбеди домаќинот и организатор на турнирот, шаховскиот клуб „ШАХ-ШЕХ“ од Битола.

Свет

Нетанјаху: Прецизниот и моќен напад врз Иран ги постигна сите свои цели

Израелскиот премиер Бенјамин Нетанјаху соопшти дека вчерашниот воздушен напад врз воените објекти во Иран ги постигнал сите цели.

„Нападот беше прецизен и моќен и ги постигна сите негови цели“, рече Нетанјаху денеска на церемонијата по повод првата годишнина според еврејскиот календар од нападот на палестинското исламистичко движење Хамас во јужен Израел на 7 октомври 2023 година.

„Иран го нападна Израел со стотици балистички ракети и нападот не успеа“, рече тој, мислејќи на иранскиот ракетен напад на 1 октомври, кога повеќето од истреланите проектили беа пресретнати од израелската противвоздушна одбрана.

„Потоа ветивме моќен одговор и вчера во зори го одржавме ветувањето. Воздухопловните сили го нападнаа Иран и ги погодија иранските одбранбени капацитети и капацитети за производство на ракети насочени кон нас“, додаде Нетанјаху. /МИА

Фудбал

Ла Лига го осуди расизмот против Јамал и ќе се жали во полиција

Раководството на Шпанското фудбалско првенство го осуди расизмот против Ламин Јамал.

- Поради настаните за време на натпреварот Реал Мадрид - Барселона, кои вклучија неприфатливо расистичко однесување, Ла Лига ќе пријави навреди и расистички гестови во полиција и ќе го извести обвинителот за криминал од омраза и дискриминација. Ла Лига силно ги осудува овие настани на „Сантијаго Бернабеу“ и останува цврста во својата посветеност да ги искорени сите манифестации на расизам и омраза на стадионите и пошироко. Нема место за ова зло во спортот, се вели во соопштението на Ла Лига.

Фудбалер на Барса бил подложен на навреди на расна основа по третиот гол на неговиот тим одигран синоќа на гостински терен со Реал Мадрид. /МИА

Македонија

Драган Ковачки „На кавга со Иван“

Утре, 28 октомври, ден кога ќе имам „кавга“ со екс специјалец, воен разузнавач, полковник и денеска пратеник од редовите на ВМРО-ДПМНЕ.

Мислите лесно ќе му би...пардон, лесно ќе ми биде со човек кој ја бранел Македонија?

Ќе може ли да ги одбрани актуелните политики на Владата? Зошто не и се извинил на Славјанка Петровска?

Кој му застанал на патот до генералската позиција во армијата?

Има ли сторено кривично дело -фалсификат како што обвинуваше СДСМ?

Имаше ли проблем да добие безбедносен сертификат?

Спие ли се’ уште мирно после помилувањата на Претседателката?

Војнички и мирно....

НА РАПОРТ, пардон „На кавга со Иван“

Гостин: Драган Ковачки

Утре ќе гостува Драган Ковачки, Канал 5 ТВ „На кавга со Иван“, во 21.30ч на Youtube на каналот и 23 часот на Канал 5.

притисни ентер