Македонија

Меџити за случајот Груби: Владата го направи своето, никој не е над законот

Никој не е над законот и секој кој се огрешил ќе одговара порача вицепремеирот Изет Меџити кометирајќи го случајот со Артан Груби, кој според него е затворено прашање.

Вели Владата го завршила своето и останува на МВР и надлежните институции да го разрешат случајот до крај. Не сакаше да ги коментира сознанијата кои пред неколку дена ги изнесе во јавноста дека Груби не е повеќе во Косово, туку дека сега се наоѓа во Албанија.

Од владеачката ВМРО-ДПМНЕ вината ја лоцираат во опозициската СДСМ. И денеска ги обвинуваат дека знаеле за криминалните дејствија на поранешниот прв вицепремиер, но не презеле ништо додека биле на власт во коалиција со довчерашните сопартијци на Груби.

„СДС го одмолчеа и дозволија криминалот на Груби, за истиот да не се налути и ДУИ да им излезе од коалиција. Жално е да се гледа, како сега повторно мора од себе да се прават недоветни, па смислуваат разни приказни. СДС и Филипче треба да излезат пред граѓаните и да се извинат за Груби“.- Бране Петрушевски, пратеник на ВМРО-ДПМНЕ

Од СДСМ пат прстот повторно го вперуваат во ВМРО-ДПМНЕ и власта. Обвинуваат дека во договор со ДУИ му овозможиле на Груби да ја напушти државата. Екс министерот за внатрешни Спасовски во гостувањето на поткастот „На кавга со Иван“ вели дека имало низа пропусти при постапувањето на граничниот премин Блаце.

„Факт е дека излегува на граничниот премин пропуштен од полициски службеник дали е намерно или не не знам, тоа треба да се утврди. Батриите не нижат да бидат виновни бидејќи системот не работи на батерии. Системот е директно поврзан на електрчино напојување и на граничните премини сегаде постојат агрегати кои се активират веднаш штом ќе снема струја. Јас ви тврдам дека од настанот има и снимка, а тоа го потврди и министерот Тошковски, со што самиот отфрли дека батериите се криви, посочи Спасовски во потакстот на „На кавга со Иван“.

Каде е Груби во моментот деновиве нe сакаа да шпекулираат ниту премиерот Мицкоски, ниту министерот за внатрешни. Според Тошковски најважно е што по Груби е распишна меѓународна потерница и вели МВР постапува по наредби на Јавното обвинитеслество и се работи на целосно расчистување на случајот.

Македонија

СДСМ: Власта на ВМРО-ДПМНЕ е неспособна и во лето и во зима

Секој ден се повеќе станува јасно дека неспособноста на оваа власт не само што е алармантна, туку и опасна за безбедноста и секојдневниот живот на граѓаните.

Патиштата ширум државата се целосно неисчистени, граѓаните остануваат заглавени во снегот, а државните служби повторно се „изненадени“ од временските услови, како да е јули а не декември.

Превојот Стража е блокиран и не може да се помине. Автопатот Скопје-Тетово-Гостивар, кој е од клучно значење, не е исчистен, а движењето по превојот Плетвар е отежнато, со сериозни ризици за возачите. Патот до Галичник е непрооден веќе еден месец, оставајќи го локалното население во целосна изолација. Граѓаните се оставени сами на себе, додека Македонија пат и Министерството за внатрешни работи не покажуваат никаква координација или способност за решавање на проблемите.

Летото зад нас го обележаа катастрофални пожари, при што изгореа десет проценти од територијата на државата, поради несоодветно управување и задоцнета реакција. Наместо да научи од своите грешки, власта продолжува со истата епска неспособност и денес, во зимски услови, го доведува населението во сериозен ризик.

СДСМ уште еднаш укажува дека ВМРО-ДПМНЕ мора веднаш да престане да ги игнорира своите обврски кон граѓаните и да почне да работи, да управува со државата со сериозност и одговорност. Ако не се способни да го направат тоа, нивното место е надвор од власта, бидејќи државата и нејзините граѓани заслужуваат подобро!, се наведува во партиското соопштение.

Автомобилизам

Британските возачи ги избегнуваат автомобилите со ознака „Б“– знак дека зад воланот е лош возач

Кога возачите ќе го положат возачкиот испит, се претпоставува дека ги совладале сите вештини потребни за безбедно возење.

Сепак, секојдневно на улиците наидуваме на оние на кои одредени основни маневри, како што е паркирањето, сè уште се предизвик, објави Ауто Клуб.

Инспирирани од постоечките налепници како белата „L“ која се користи за означување на возилата на кандидатите кои се на обука и зелената „P“ наменета за новите возачи, во Велика Британија е воведена нова налепница - „Б“ за лошо паркирање.

Овој знак е наменет да го привлече вниманието на другите возачи за да обезбедат дополнително трпение и простор за возачите кои имаат проблеми со маневрирањето при паркирање.

Според Scrap Car Comparison, која ја потекна идејата, налепницата „B“ е достапна бесплатно во ограничен број преку нивната веб-страница. Широка примена се очекува следната година.

Од компанијата велат дека целта на оваа иницијатива е да се поддржат возачите кои имаат вознемиреност или несигурност при паркирање, со надеж дека дополнителниот знак ќе им помогне да стекнат доверба.

Сепак, мислењата се поделени. Додека некои сметаат дека идејата е корисна, сообраќајните експерти ја критикуваат нејзината имплементација. Според нивното мислење, наместо да користат налепница, возачите треба да бараат дополнителна обука за да ги подобрат своите возачки способности.

Лансирањето на оваа налепница следи по истражувањето на Scrap Car Comparison, спроведено на 1.390 возачи кои признале потешкотии при паркирање. Резултатите покажуваат дека сопствениците на германските премиум брендови најчесто го нагласуваат овој проблем.

Најголем процент од испитаниците кои имаат проблеми со паркирањето се сопственици на BMW - дури 68% од нив веруваат дека би можеле да ги подобрат своите вештини. Следат возачите на Audi (64%) и Mercedes (63%). Проблемот не им избега на сопствениците на јапонски автомобили, како Honda (63%) и Toyota (51%), додека Kia (48%) и Citroen (47%) се нешто подолу на листата.

Ова се марките со најголем процент на возачи кои признаваат дека имаат потешкотии при паркирање:

• BMW: 68%

• Audi: 64%

• Mercedes-Benz: 63%

• Хонда: 63%

• Тојота: 51%

• Kia: 48%

• Citroen: 47%

• Форд: 47%

• Hyundai: 46%

• Fiat: 45%

Дали налепницата „Б“ е решение или уште еден проблем? Останува да се види дали оваа идеја навистина ќе им помогне на возачите или ќе предизвика дополнителни контроверзии меѓу експертите и јавноста.

Свет

„Насмеаниот убиец“ е изведен на суд во Менхетн , каде што ги изненади сите

Луиџи Манџионе, осомничениот за убиството на Брајан Томпсон, извршен директор на „UnitedHealthcare“, на улица среде Менхетен, е изведен пред судот во Њујорк каде што се изјасни за невин по обвиненијата за државен тероризам и убиство.

Денешното рочиште беше првата можност за Манџионе, позната и како „Насмеаниот убиец“, формално да одговори на обвиненијата покренати од Окружното обвинителство на Менхетен.

Луиџи Манџионе (26) се соочува со 11 точки од обвинението во Њујорк, вклучувајќи едно убиство од прв степен и две точки за убиство од втор степен, заедно со други обвиненија за поседување пиштол и фалсификување.

Минатата недела, Манџионе формално се откажа од своето противење за екстрадиција и беше пренесен од Пенсилванија во Њујорк, каде што пристигна опкружен со десетици тешко вооружени службеници за спроведување на законот и градоначалникот.

Федералното обвинение беше обелоденето во четвртокот со кое се товари Манџионе за убиство со огнено оружје, две точки за следење и едно кривично дело поседување огнено оружје.

Доколку биде осуден за федералното обвинение за убиство, Манџионе може да се соочи со смртна казна, додека државните обвиненија предвидуваат максимална казна доживотен затвор без можност за условно ослободување.

Обвинителите сè уште не посочија дали ќе бараат смртна казна, а одлуката на крајот треба да биде одобрена од американскиот јавен обвинител.

Манџионе, исто така, се соочува со обвиненија во Пенсилванија поврзани со 3D-печатено огнено оружје и лажна идентификација што наводно му била пронајдена при неговото апсење.

притисни ентер