Вакви смирувачки тонови упати еден од лидерите на Вреди, Арбен Таравари во изјава за МИА, откако пратеникот од нивните редови Халил Снопче најави дека ќе ја напуштат Владата доколку Законот помине во Собранието, на што премиерот Мицкоски му посака среќа.

-Реакцијата на Снопче беше како што треба и се надевам дека ќе имаме координација меѓу нас и ќе го поминеме и овој да речам ситен проблем што ДУИ се обидува заедно со СДСМ да го наметне. Мислам дека се координирани да ставаат и да подметнуваат искри во функционирањето на коалицијата во владејачкото мнозинство, вели Таравари, кој пак во пресрет на одлуката на Уставен за Законот за јазиците и веќе замрзнатиот балансер смета дека судот не тербало да ги актуелизира ваквите теми уште во првите сто дена од функционирањето на Владата.

Дека односите во владината колаиција се стабилни, уверуваат и од ВМРО-ДПМНЕ.

Дел од аналитиачрите се на став дека засега несогалсувања меѓу владините не ја доведуват во прашање стабилнлноста на Владата. Според Владимир Божиновски најголем тест сепак биде Законот за бранителите, додека Мерсел Биљали смета дека евентулани текстонски промени во Владата може да предизвика одлуката на Уставен околу Законот за употреба на јазиците.

Уставниот суд минатата недела одлучи балансерот да биде времено замрзнат до носењето на кончената одлука околу тоа дали е уставен или не. На почетокот на октомври судот ќе одлучува и за уставноста на Законот за употреба на јазиците, оспорена преку 13 иницијативи поднесени до Уставен.

Доколку Гаши не го направи тоа, собранискиот потпретседател и пратеник Јован Митрески изјави дека би чекале до крајот на неделата, пред да преземат понатамошни чекори.

-Координаторот на пратеничката група на СДСМ, Оливер Спасовски поднесе барање до претседателот на Собранието дали и кога ќе ја свика седницата на Комисијата за разгледува на овој закон, по ист терк како што беше свикана Комисијата за финансирање и буџет. До овој момент нема одговор и најверојатно нема ни да има. Ако се сигурни и ако спикерот Гаши е сигурен во неговото образложение, барам да се свика надлежната Комисија и таму да ги судриме аргументите. Ова е шанса и за пратениците од ВМРО-ДПМНЕ да докажат дека реално се залагаат за решавање на проблемот, а нивната заложба не е само декларативна, истакна Митрески на прес-конференција во Собранието.

Собранискиот спикер Гаши, пак, за Канал 5 изјави дека тој уште претходно имал план за свикување на седницата која сега ја бара СДСМ за автентично толкување на неговата надлежност во вакви случаи. Најави дека истата ќе се одржи најдоцна до 4 октомври. Дали веќе им одговорил на пратениците од СДСМ не откри.

Во меѓувреме, пратеникот Халил Снопче од Вреди денеска ја дообјаснува изјавата дека ќе ја напуштат владината колиција доколку во Собранието поминат законот за бранители или оној за јазици. Откако премиерот Мицкоски вчера им одговори „ да им е со среќа“ ако сакаат да излезат од Владата, Снопче вели дека не се заканувал туку само пренесувал политички став, а владиното партнерство според него е функционално.

-Во мојата изјава немаше никаква закана. Беше само пренесување на политички став на новинарско прашање, ништо друго. И одговорот на премиерот според мене беше во таа насока, ништо неочекувано. Ние сме автономни политички субјекти и како такви имаме иста цел за да придонесеме за нормализација во функционирањето на целокупниот државен систем. Ние сме партнери и нашето партнерство се заснова врз основа на односот на силите, а не односот на моќта. Така функционираме и се надевам така ќе продолжиме. Се разбира, секому кој ни пожелува среќа и ние им пожелуваме среќа и успех. - вели Снопче.

Законот за бранители предложен од СДСМ останува заглавен на комисијата за социјална политики бидејќи Илире Даути од Европскиот фронт одбива воопшто да почне дебатата за него со личен став дека истите права треба да важат и за борците на ОНА.

Со предложениот закон за права на припадниците на безбедносните сили се предвидува еднократен надоместок за нематеријална штета од 80.000 евра во кој се опфатени семејстватата на загинатите војници и полицајци од 2000та до денес.

Владата функционира само кога треба да се договорат како да ја партизираат државата и делат привилегии, за се друго е целосно нефункционална.

Наместо да владеат во интерес на народот, тие го блокираат напредокот, ги одложуваат реформите и создаваат атмосфера на неизвесност и поделеност.

Граѓаните очекуваат мерки за справување со скапиот живот, очекуваат повисоки плати, проекти, а тие се расправаат преку медиуми. Ова ја потврдува реално нивната неспособност.

Воопшто не е важно дали конфликтот е реален или не, тој на крај резултира со слаба Влада која ги злоупотребува чуствата на граѓаните.

Овие конфликти внатре во Владата и постојани јавни препукување не се непознати, тоа го правеа ВМРО-ДПМНЕ и ДУИ во цел мандат.

Во јавност се караа на маса ги делеа бизнисите. Но ВМРО-ДПМНЕ поинаку и не знае да владее освен да одржува некоја тензија постојана што е огромна штета за граѓаните, изјави Богданка Кузеска, портпаролка на СДСМ.