Здравје

Секое трето дете на светот е кратковидо, покажаа најновите истражувања

Според најновото глобално истражување, во кое учествуваа повеќе од пет милиони деца и тинејџери од 50 земји, сè поголем број млади луѓе се соочуваат со проблемот на миопија.

Резултатите од истражувањето покажуваат дека денес секое трето дете боледува од миопија, односно нејасен вид на далечина.

Научниците истакнуваат дека пандемиските мерки, вклучително и затворањето на училиштата и останувањето дома, значително придонеле за влошување на видот кај децата и тинејџерите. Времето поминато пред екраните, заедно со недостатокот на време на отворено, сериозно го оптоварувал видот на младите, објави Би-Би-Си.

„Пандемиските ограничувања имаа големо влијание врз развојот на видот на децата“, велат истражувачите. Миопијата, која стана глобален јавно здравствен проблем, може да погоди милиони деца ширум светот до 2050 година.

Највисоки стапки на миопија се забележани во азиските земји. Во Јапонија дури 85% од децата страдаат од миопија, додека во Јужна Кореја тој број е 73%. И Кина и Русија бележат висок процент на деца со овој проблем - повеќе од 40%.

Од друга страна, Парагвај и Уганда имаат најниски стапки на миопија, со помалку од 1% од децата кои страдаат од овој проблем. Во земји како што се Велика Британија, Ирска и САД, околу 15% од младите се соочуваат со кратковидост.

Истражувањето покажува дека миопијата кај младите се тројно зголемена помеѓу 1990 и 2023 година, а значително зголемување се случило особено по пандемијата. Миопијата обично се развива во детството, во текот на основното училиште, и се влошува додека окото не престане да расте, околу дваесеттата година од животот.

Раната интервенција е од клучно значење бидејќи со навремени мерки миопијата може да се забави или дури и да се запре. Иако генетските фактори играат важна улога, влијанието на околината е исто така значајно. На пример, децата во градовите како Сингапур и Хонг Конг почнуваат на училиште рано, често на возраст од две години, зголемувајќи го ризикот од миопија поради времето поминато фокусирање на екраните и читање.

Додека во Азија миопијата е исклучително честа, во африканските земји како Уганда, каде децата почнуваат на училиште на возраст од шест до осум години, миопијата е седум пати поретко. Ова укажува на важноста од балансиран пристап кон образованието и да се биде на отворено во рана возраст.

Пандемскиот карантин и подолготрајниот престој дома имаа огромно влијание врз влошувањето на видот на децата. „Доказите укажуваат на поврзаност помеѓу пандемијата и забрзаното влошување на видот кај младите“, велат научниците, предупредувајќи дека до 2050 година, повеќе од половина од тинејџерите ширум светот би можеле да имаат проблеми со миопија.

Истражувањето исто така покажа дека девојчињата и младите жени имаат поголема веројатност да развијат миопија во споредба со момчињата. Тие обично поминуваат помалку време на отворено, поради училишните или домашните активности, а пубертетот, кој започнува порано кај девојчињата, дополнително го зголемува ризикот од развој на миопија.

До 2050 година, се предвидува дека речиси 69% од младите во Азија ќе страдаат од миопија, додека во земјите во развој оваа бројка може да достигне 40%. Иако повеќето случаи се очекуваат во Азија, овој проблем станува глобален предизвик за јавното здравје.

Научниците предупредуваат дека е неопходно да се вложат дополнителни напори во превенцијата на миопија кај децата, особено преку поттикнување активности на отворено и намалување на времето поминато пред екраните. Резултатите од ова истражување се објавени во списанието British Journal of Ophthalmology.

Живот

Наместо манекенка, 23- годишна девојка работи „машка работа“ и заработува 1.300 евра неделно

Елизабета (23) е припадничка на генерацијата Z која реши да се испроба во „машкиот свет“.

Корпоративната кариера и канцелариската работа од девет до пет ги заменила со индустриска опрема и седумдневни ангажмани без одмор.

Кога имала 18 години, завршила четиримесечен курс за млади жени кои се занимаваат со занаети (механика, столарија, електрична енергија...) и никогаш не погледнала назад.

Елизабета била особено заинтересирана за работата на заварувач, пренесува The Sun.

„Ме привлече жештината и тешкотијата на работата. Тука треба да бидете прецизни, а интензитетот е висок, и тоа го барав“, објасни таа.

Заедно со партнерот живее во Канада и открива дека нејзината професија е добро платена (заработува 1.300 евра неделно). Покрај тоа, како што вели, добро е и за одржување на кондицијата.

„Секој ден го предизвикувам своето тело. Имам неколку модринки и гребнатини. Често работам на отворено, но работата ме прави силна“.

Елизабета не се жали на 10-часовните смени, но свесна е дека нема да може вечно да работи со исто темпо.

„Мојот сон е да започнам сопствен бизнис и да вклучам повеќе жени. Неопходно е да се преобликува индустријата за да се овозможи тоа“, заклучила таа.

Македонија

Јанчев: Нова зелена површина, рушење на бесправно изграден објект

Општина Кавадарци заедно со волонтери и служби одговорни за зеленило од Ј.П. Комуналец Кавадарци подготвија нова зелена површина која е веќе посеана околу зградите на ул.,,Дисанска’’, на влезот на Градскиот парк.

Истата е озеленета и со нов систем за наводнување, соопшти градоначалникот на Општина Кавадарци, Митко Јанчев.

Службите од Општина Кавадарци пристапија кон рушење на бесправно изграден помошен објект, истакна првиот човек на градот, Митко Јанчев.

Денес служби од општина Кавадарци пристапија кон рушење на бесправно изграден помошен објект во централното градско подрачје, стои во објавата на градоначалникот Јанчев на социјалните мрежи.

Свет

Хезболах ќе ја користи тактиката на Путин за да се справат со „Железната купола“ на Израел

Конфликтот меѓу Израел и проиранската либанска група Хезболах се интензивира во последните денови и се заканува да ескалира во поширок конфликт на Блискиот Исток.

Како што пренесува „The Wall Street Journal“, Хезболах би можел да ја искористи тактиката што Русија ја користеше во Украина, за да го порази израелскиот систем за противвоздушна одбрана.

Воените аналитичари веруваат дека Хезболах ќе најде инспирација во силите на рускиот претседател Владимир Путин да лансираат роеви беспилотни летала и масовни ракетни напади врз израелската противвоздушна одбрана.

Милитантните групи од Либан би можеле да ги таргетираат воените бази, пристаништата и израелската електрична мрежа. Извештајот доаѓа само 48 часа откако Израел во понеделникот го започна најсмртоносниот напад врз Либан од крајот на војната во 2006 година, при што загинаа речиси 600 луѓе и беа ранети неколку илјади, соопшти Министерството за одбрана во Бејрут.

Хезболах најави одмазда, а доколку се одлучи за руската тактика, може да биде успешно.

„Конфликтот со Хезболах нема да биде прошетка во парк“, вели Асаф Орион, пензиониран бригаден генерал на израелската армија и продолжува:

„Нема шанси да ни го скршат носот“.

Во март, Центарот за стратешки и меѓународни студии објави извештај во кој се наведува дека Хезболах поседува меѓу 120.000 и 200.000 проектили.

„Хезболах има капацитет да погоди цели длабоко во Израел. Може да погоди патишта, воени бази и аеродроми“, рече Месроб Касемјан, предавач на Катедрата за политика и меѓународни студии на Универзитетот во Лондон.

„Овие типови напади би дошле како дел од одржлив ракетен бараж и потенцијално роеви беспилотни летала, кои би можеле да го совладаат израелскиот систем Железна купола и да го остават Израел отворен за некои критични напади на неговата територија. Така, конфликтот ќе има висока цена не само за Либан, но и за Израел“, додаде тој.

Американските и израелските официјални лица изјавија за Си-Ен-Ен во јуни дека Хезболах веројатно би можел да ја пробие Железната купола, северната израелска воздушна одбрана, со особено голем напад користејќи ракети со прецизно наведување.

Слично на тоа, Русија ги нападна украинските градови и инфраструктура со масивни ракетни и беспилотни напади, во некои случаи со поразување на украинската воздушна одбрана. Аналитичарите велат дека Хезболах најверојатно научил вредни лекции од работата со руската војска во Сирија.

„Хезболах очигледно научи многу од руската војска, вклучително и способноста да води офанзивна маневарска војна“, се вели во августовскиот извештај на Вашингтонскиот институт за блискоисточна политика.

Во извештајот се вели дека поддршката за групи како Хезболах е дел од стратегијата на Кремљ да се спротивстави на американската моќ на Блискиот исток преку зајакнување на американските противници.

Американската влада во ноември соопшти дека руската платеничка група „Вагнер“, исто така, можеби се подготвува да го снабдува Хезболах со руски системи за воздушна одбрана „Панцир-1“, што е дополнителен показател за зајакнување на врските меѓу милитантната група и Русија.

Последната рунда конфликт меѓу Израел и милициите поврзани со неговиот главен непријател, Иран, започна на 7 октомври минатата година, кога Хамас започна терористички напади во Израел. Израелските сили потоа ја нападнаа Газа.

Хезболах започна ракетни напади врз северен Израел во знак на солидарност со Хамас, додека САД ветија поддршка за Израел, а Кремљ ја засили поддршката за своите регионални сојузници. Вашингтонскиот институт објави дека по терористичките напади од 7 октомври, Русија „уште поблиску се усогласила со дестабилизирачките антиамерикански сили на Блискиот Исток“.

притисни ентер