ЛОИ Париз 2024

Македонски физиотерапевти беа вклучени во подготовките на кинеските олимписки борачи

Драгана Тодорова и Никола Трајковски, македонски физиотерапевти со големо искуство во работата со врвни спортисти или клубови во нашата земја, од почетокот на годината и се професионално ангажирани од страна на боречката федерација на Кина.

Тодорова е ангажирана во сегментот на женски олимписки тим – слободен стил, додека Трајковски работи со двата машки олимписки тима во борење слободен стил и грчко-римски (класично) борење.

- Во комуникација со мој пријател кој е кондиционен тренер во Шангај имав и претходно понуди за работа во Шангај, но не беа доволно добри за да ја напуштам работата и тимот во Скопје. Кога пристигна понудата да работам во Кина за нивниот Олимписки комитет, без размислување прифатив бидејќи, да работиш како терапевт во Олимписки тим за друга држава е нешто што не го добиваш секој ден. При комуникација со тамошната федерација се отвори уште една позиција за терапевт во Женскиот тим па ја исконтактиравме Драгана со која имав соработка и во Скопје, изјави Трајковски.

Двајцата Македонци се презадоволни од условите за работа што ги имаат во кинекста репрезентација.

- Условите се беспрекорни. Самата федерација се стреми кон совршенство. Опременоста на спортските сали и фитнес центри е на високо ниво. Стационирани сме во Олимписката база во Пекинг, меѓутоа тимот често менува локации на тренирање поради временските услови. На пример, во најладната зима во Пекинг, кога надвор е -20 С, нас не преселија два месеци на остров на Хаинан на тропска клима од +25 С. Летово кога во Пекинг температури стигнаа до +40 С степени , тимот го преселија 2 месеци во Чинквандао, покрај море каде што температурата беше не повисока од 30 степени. Се обрнува внимание на квалитетот на храната и користење суплементи, особено имајќи предвид дека се работи за спортисти кои се подложни константно на допинг контроли, потенцира Тодорова.

Олимпијадата во Париз ќе биде отворена в петок и ќе трае до 11 август.

Забава

Фото: Бугарската пејачка Камелија за забавата со Ѓоковиќ и Димитров: Епско искуство!!!

Најдобриот светски тенисер во историјата, Новак Ѓоковиќ уживаше во Софија, на егзибициски меч против најдобриот бугарски тенисер неговиот голем пријател Григор Димитров.

Уживаше во Ноле на теренот, но уживаше и надвор од него на забава која беше организирана во една од дискотеките во Софија.

Мегапопуларниот Ноле полн со впечатоци се врати од Софија во Белград. Тој одигра егзибиција со Григор Димитров во Бугарија и одлично се забавуваше не само на теренот, туку и надвор од него.

По одигрувањето на егзибицијата, Ѓоковиќ и Димитров заминаа во ноќен клуб во Софија, а таа вечер сè им беше подредено на двајцата тенисери.

Вирално стана видеото на кое Ѓоковиќ бара од диџејот на да ја пушти песната „Луда за тобом“, која тој ја вежбал, но желбата не му се исполнила, па мораше сам да ја отпее со помош на публиката.

На егзибицијата Ноле ја воодушеви публиката и со стриптиз на теренот, кој потоа мораше да го направи и Димитров.

Во дискотеката истата нумера му ја исполни пејачката која беше задолжена за забава, атрактивната Камелија, која само за Новак го отпеа добро познат хит.

Бугарската музичка ѕвезда имала подготвено и подарок за двајцата тенисери. На новак и Григор убавата Камелија подарила рачно ткаена табла од училиштето Чипровак.

Таа сподели и фотографија со тенисерите со опис:

- Тоа беше епско искуство. Ви благодарам момци. Овие панели нека бидат потсетник за Бугарија, каде и да сте во светот. Бидете здрави и грижете се за себе.

Формула

Норис ја освои пол-позицијата во Сингапур

Возачот на Мекларен, Ландо Норис, ја освои пол-позицијата на Големата награда на Сингапур.

Во квалификациите попладнево тој го извозе најбрзиот круг за 1 минута 29,525 секунди.

Возачот на Ред Бул и актуелен светски шампион Макс Верстапен имаше второто време (+0,203 секунди), додека трет беше Луис Хамилтон од Мерцедес (+0,316).

Пилотот на Ферари, Карлос Сајнц доживеа несреќа во третиот сегмент, па квалификациите беа во прекин со црвени знамиња. Шпанецот не доби време и заврши на 10. место. Шарл Леклер го ресетираше времето на кругот поради прекршување на границите на патеката во вториот свиок, заврши 9-ти.

Главната трка од Формула 1 шампионатот за Големата награда на Сингапур ќе се вози утре со почеток во 14 часот.

Шоу биз

Фото: Холивудска убавица во необичен фустан за црвениот тепих

Холивудската заводничка, актерката Скарлет Јохансон присуствуваше на промоцијата на нејзиниот нов филм „Transformers One“ во Лондон.

На лондонската промоција на нејзиниот нов филм „Transformers One“, во кој игра со Крис Хемсворт, убавата Скарлет Јохансон се појави во прекрасен фустан без прерамки и покажа зошто е една од најбараните холивудски актерки.

Една од омилените холивудски ѕвезди за оваа промоција носеше фустан во најпопуларната боја - бордо, а нејзината шминка се совпадна со овој аутфит, а имаше „зачадени“ очи и нагласени усни.

притисни ентер