Македонија

Лимани од Женева: Само родовата еднаквост го прави едно општество повитално и просперитетно

 Министерот за социјална политика, демографија и млади, Фатмир  Лимани денеска имаше обраќање на Регионалниот состанок за следење на напредокот на Пекингшката декларација и Платформа за акција за родова еднаквост (Пекинг +30) што се одржува во Женева.

Лимани во своето обраќање зборуваше за досегашното спроведување на Пекингшката декларација за родова еднаквост и заложбите на земјата за наредниот пет годишен период, соопшти Министерство за социјална политика, демографија и млади.

Тој истакна дека Владата на Република Северна Македонија ќе продолжи да се залага за зајакнувањето на позицијата на жената, како потребна основа за просперитет и одржливост, затоа што силни жени значат силно општество, а во тој контекст за остварување на Пекиншката декларација за родова еднаквост.

- Ќе продолжи процесот на донесување на нови законски решенија усогласени со ЕУ директивите, стратешки документи, програми и мерки за унапредување на родовата еднаквост и зајакнување на жените особено во областите на заштита од дискриминација, насилство врз жените и родово базирано насилство, економското зајакнување и родово одговорното буџетирање, здравствената заштита и пристапот до сексуално и репродуктивно здравје, со посебно внимание кон маргинализираните и ранливи групи жени. Ќе се подобри инклузивниот/партиципативен процес во подготовката на политиките, со консултација на целните групи/засегнатите страни (на пример, жени од руралните области, Ромки, жени со попреченост и други маргинализирани групи). Ќе се продолжи со подобрување на производството и дисеминацијата на родовата статистика преку градење на капацитетите на ДЗС и другите актери во статистичкиот систем, посочи Лимани.

Најави и дека ќе се направат напори за зголемување на финансиската поддршка и партнерството со граѓанските организации кои работат на родова еднаквост и зајакнување на жени за да се овозможи спроведување на активности на ниво на локалните заедници, а ќе продолжат и напорите за намалување на родовиот јаз во економијата и подобрување на положбата на жените на пазарот на трудот.

- Ќе се засилат реформите во образовниот процес за спроведување на родово-сензитивни програми кои работат на искоренување на родовите стереотипи, спречување на насилство и сексуално образование во насока на унапредување на репродуктивното здравје. Ќе се работи континуирано на едукација и информативни кампањи за подигање на свеста за справување со родовите стереотипи и дискриминаторски практики, кажа Лимани.

Истакна и дека демографската динамика во државата и регионот е силно препознаена од Владата и е дел од клучни стратешки документи.

- Земајќи предвид дека половина од населението кај нас и во светот се жени, нивното зајакнување и учество во развојот на државата е едно од клучните решенија за градење на демографски отпорно општество. Само родовата еднаквост го прави едно општество повитално и просперитетно но потребно е да работиме заедно за зајакнување на позицијата на жената насекаде во светот. Жената во центар на нашето внимание за да обезбедиме посветла иднина за идните генерации, рече министерот за социјална политика, демографија и млади, Фатмир Лимани во обраќањето на Регионалниот состанок за следење на напредокот на Пекингшката декларација и Платформа за акција за родова еднаквост (Пекинг +30) во Женева.

Регион

Вучиќ: Разговарав со претседателот Путин, тоа беше добар и содржаен разговор

Српскиот претседател Александар Вучиќ вечерва на РТС зборува за актуелни теми: од БРИКС до реконструкција на владата.

„Зборував со Путин и тоа е единствената причина зошто не сакав да објавам додека не му кажам на лицето од кое ја добив поканата - претседателот Путин. Тоа е израз на одговорност. Имавме добар и значаен разговор. Зборуваше за прославата на ослободувањето на Белград, како и за аранжманот со гас, и очекувам дека ќе почнеме да зборуваме за долгорочен аранжман во истата секунда кога ја добив поканата од претседателот Путин (за самитот на БРИКС). Му кажав на рускиот амбасадор дека имам договор со Туск“.

„Србија е единствената земја во Европа која не пристапила на ниту една декларација, а ги имаше 44. Путин многу го цени тоа.“

„Србија одамна ги донесе своите одлуки за европскиот пат, за да ги промени, ќе мора многу да се сменат во самата земја. На луѓето им е доста од сѐ, им е доста од приказните за територијалниот интегритет на Украина и непочитување на територијалниот интегритет на Србија Луѓето не знаат ни што значи БРИКС. Нивото на популарност во Србија е 42-42. Тоа ќе биде пониско ниво на единство од она што постои во ЕУ. Дозволете ми да ги информирам граѓаните на Србија, веќе разговарав со 71 претседател и премиер од целиот свет, ќе има постојани посети, за да се подготви Србија за што претстои.“

„Наше е да се подготвиме за Експо, тоа не е само унапредување на угледот на Србија, во следните две и пол години тоа треба дополнително да го направиме и многу повеќе отколку што направивме досега. Јас сум еден од неколкумина лидери во светот на кои им е дозволено да разговараат лидерот на Руската Федерација. Емануел Макрон, исто така ме праша за разговорот со Путин. Тој рече дека е огромна грешка на Украинците што влегле во регионот Курск за да ја прекинат специјална воена операција како што ја нарекуваат.“

„Дали патувањето во Казан на самитот на БРИКС би претставувало крај на европската интеграција на Србија и каква е општата состојба во процесот на пристапување на Србија во ЕУ? Дали дискусијата за литиумот ќе помогне да се донесе правилна одлука за рударството и кога српската економија ќе види конкретни придобивки од добивањето инвестициски рејтинг?“

Претседателот на Србија, Александар Вучиќ разговарал и за Косово, разговорите со Приштина, пописот во Црна Гора и изборите во САД, но и за политичката ситуација во Србија, за реконструкција на владата и за барањата на опозиција за предвремени избори, објави Телеграф.

Свет

На предвременото гласање во Џорџија за претседател на САД веќе гласале 1,2 милиони луѓе

Во Џорџија почна предвременото гласање на претседателските избори, а за помалку од една недела гласале повеќе од милион гласачи.

До вторник гласале 328.000 гласачи, соборувајќи го претходниот рекорд на државата за предвремено гласање, а државните власти во петокот објавија дека границата од 1 милион гласови е помината.

Од саботата, 1,26 милиони гласачи гласале предвреме, според веб-страницата на државниот секретар на Џорџија, објави Вашингтон тајмс.

Таа сојузна држава има околу седум милиони регистрирани гласачи, што значи дека 17 отсто од нив веќе гласале.

Џорџија, која има 16 електорски гласови, е една од седумте клучни држави кои би можеле да одлучат дали, по изборите на 5 ноември, следен американски претседател ќе биде републиканскиот кандидат Доналд Трамп или демократската кандидатка Камала Харис.

Актуелниот Џо Бајден тесно победи на изборите во Џорџија во 2020 година со 11.000 гласови.

Победата на Бајден во Џорџија ги подгреа тврдењата на Трамп за наводна изборна измама во тоа време.

Поранешниот претседател сега има два отсто предност пред Камала Харис во Џорџиа, според веб-страницата RealClearPolling.

Македонија

Попов: Младите добија партнер во Владата предводена од ВМРО-ДПМНЕ

На вечерашното отворање на политичката академија организирана од УМС Битола, претседателот на УМС и пратеник во собранието, Сергеј Попов, соопшти дека младите ги чувствуваат мерките од владејачката ВМРО-ДПМНЕ .

На вечерашното отворање на политичката академија организирана од УМС Битола, претседателот на УМС и пратеник во собранието, Сергеј Попов, соопшти дека младите ги чувствуваат мерките од владејачката ВМРО-ДПМНЕ и дека во првите 100 дена се докажа дека се различни и промените веќе се видливи.

„Во првите 100 дена од новата Влада предводена од премиерот Христијан Мицкоски се решија повеќе проблеми и прашања за младите луѓе, за разлика од претходните 7 години власт на СДСМ. Вработување на 600 млади специјализанти, 250 евра субвенција од државата за сите студенти за купување на електронски уред, отворање на фонд од 10 милиони евра за поддршка на бизниси за млади лица до 29 години до 30 илјади евра, 18.5 милиони евра за реконструкција на студентски домови’’, посочи Попов.

Попов истакна дека се работи на подобрување на животниот стандард на младите за да останат да работат и живеат во Македонија.

„Ако денот по утрото се познава, младите добија партнер во Владата предводена од ВМРО-ДПМНЕ. Јас како предводник на младината на ВМРО-ДПМНЕ и како пратеник ќе се борам за подобрување на стандардот на младите’’, истакна Попов, се наведува во партиското соопштение.

притисни ентер