Македонија

Конференција за влијанието на големите сили врз малите држави

„Влијанието на големите сили врз безбедноста на малите држави" е тема на 10-тата Меѓународна научна конференција што се одржува во Охрид во организација на Факултетот за безбедност од Скопје.

Деканот на Факултетот за безбедност Никола Дјуовски заклучи дека и малите држави можат да бидат големи само ако се во друштво со големите и оти на Северна Македонија местото и е во НАТО и Европската унија.

-Ние нашиот пат го определивме пред 30-тина години. Сега кога сме на самиот крај на тој процес не гледам никаква можност друга поголема сила да се наметнува бидејќи ние мудро и трпеливо и од власта и од опозицијата успеавме да ја доведеме државата речиси пред формалното членство во НАТО, посочи Дујовски.

Според него, на земјава и се добредојдени сите инвестиции од Кина и од Русија, но очекува многу повеќе од Германија и Франција.

-Нашиот пат е кон НАТО и јас очекувам многу повеќе инвестиции да има од Германија, Франција… Тоа се нашите стратешки партнери. Не Русија и Кина, ние сме премали за нив, тие можат преку нас да си бараат само лични геостратешки интереси, подвледче Дујовски.

Тој е убеден дека во октомври ќе се донесе конечната одлука за добивање датум за почеток на преговори за влез на Северна Македонија во ЕУ.

-Силно сум уверен дека во декември ќе биде првата меѓувладина конференција. Без почеток на преговорите не можеме да напредуваме како општество. Заглавени сме во дневните политички препукувања меѓу СДСМ и ВМРО – ДПМНЕ. Ако дојде до одлагање на датумот за преговори ќе продолжи општеството да тапка во место, другите ќе одат напред, а ние ќе пропаѓаме. Но сега не е време да размислуваме за такви сценарија, смета Дујовски.

За присуството на руското влијание говореше и професорот Жидас Даскаловски од Факултетот за безбедност. Тој смета дека во Макеоднија е минимално вакво влијание и оти е многу поизразено во Србија и други земји членки на НАТО и ЕУ, како Хрватска и Бугарија.

-Русија има свој стратешки интереси врзани со енергетските коридори. Со таа сила се обидува да влијае на културни размени со стипендии, но тоа е во помал обем од фондовите на САД и ЕУ. Треба да се размисли во рамки на односите Скопје – Брисел, бидејќи секое одложување на процесите на интегрирање на Македонија во Европската унија дава поголемо влијание на Русија, но и на други големи сили како Кина и Турција, рече Даскаловски.

Доколку дојде до повторно одлужување на датумот за преговори за Северна Македонија за влез во ЕУ, професорката по национален безбедност професор на универзитот Џорџ си Мирл во Гарден Партиш Кирхен, Сузан Лофтес смета дека руското влијание ќе предизвика голема пропаганда преку медиумите. Таа вели дека влијанието на Русија никогаш нема да запре, но е оптимист дека земјава ќе добие датум за преговори во октомври.

-Русија потфрли со Северна Македонија. Земјата го реши својот спор со Грција и на пат е кон придружување на НАТО. Секогаш ја поддржувала Србија и не го познава Косово како независна држава. Русија од секогаш го подржувала принципот раздели па владеј и сее семе на правење раздор во регионот. Западен Балкан е исполнет со разни етнички спорови поради различностите, но според мене веројатноста за сеопфатен вооружен конфликт е мала бидејќи ќе има катастрофални разорни последици, истакна Лофтес.

Професорот Датиш Парулекар од Индија пак смета дека малите држави, вклучувајќи ја и Северна Македонија треба да имаат слобода да направат свој избор во однос на надворешно-политичките прашања.

-Како нова земја на Македонија треба да и се даде можност да ја спроведува својата сувереност, бидејќи веруваме во современа самостојност, можност што се дава во правење суверен избор. И во овој комплексен свет на Македонија треба да и се даде можност да игра улога на актер во тие геополитички движења, посочи Парулекар.

На 10. Меѓународна конференција Влијанието на големите сили врз безбедноста на малите држави" учествуваат професори од 15-тина земји меѓу кои САД, Велика Британија, Германија, Индија, Мароко, Турција, Русија, Словачка, Чешка, Бугарија, Србија, Грција, Албанија, Хрватска, Словенија…

Свет

600 француски жандарми ја почнаа акцијата во Нова Каледонија

Француските сили започнаа „голема операција“ во Нова Каледонија, на далечниот исток, а немирите синоќа однесоа уште еден живот, објави британски Гардијан.

Француските сили пробуваат да ја вратат контролата врз патот долг 60 километри што го поврзува главниот град на нова Каледонија Нумеа со главниот меѓународен аеродром, за што испратени се 600 тешко вооружени жандарми. Денеска е шести ден од избувнувањето на насилните немири, предизвикани од плановите во Париз да се воведат нови правила за гласање кои би можеле да им дадат право на глас на десетици илјади жители што не се домородни. Групите за независност велат дека тоа ќе го намали гласот на домородните канаци, кои сочинуваат околу 40 отсто од населението.

Летовите до и од главниот остров на Нова Каледонија се откажани од почетокот на немирите, блокирајќи патници и прекинувајќи ги трговските патишта.

Здравје

Елегантни моторџии низ скопските улици во обид да ја подигнат свеста за машкото здравје

Стотици дотерани моторџии денеска дефилираат низ скопските улици со цел подигање на свеста за машкото здравје и превенција на рак на простатата.

Моторџиите облечени во палта и вратоврски по девети пат земаат учество во глобалниот хуманитарен мотоциклички настан, а собраните донации од учесниците одат во фондацијата за борба против рак на простатата „Мовембер“ во Лондон .

Организаторот на настанот во Скопје Игор Стефановски објаснува дека Глобалното движење започнало 2012 година во Сиднеј од група моторџии, во чест на нивниот пријател кој починал од рак на простатата, по што станува најголем глобален собир на мотоциклисти на светско ниво.

- Тие губат другар од рак на простатата, во негова чест почнуваат собирање, чисто клубски прво, меѓутоа сакаат да пренесат порака дека мотоциклистите не мора секогаш да бидат бучни, во кожни вентијаги и одлучуваат настанот да го направат дотерани, костумосани што би се рекло. Така да настанот со текот на годините настанот излегува од рамките на Австралија и се шири низ целиот свет. - Игор Стефановски – организатор

Во движењето на глобално ниво учествуваат околу 100.000 мотоциклисти од 110 држави. Во Скопје оваа година има рекорден број на официјално пријавени учесници, над 170. Тие велат дека се особено горди што се дел од ваков настан.

- Чувството да се вози на ваков настан е навистина убаво бидејки да си џентлмен и да правиш нешто што помага за да се поттикне машкото здравје е многу убава работа, веќе 8 години возам на gentlemens ride и е настан кој дефинитивно не се пропушта.- Филип Арсовски – учесник

- Чувството е одлично, се работи за еден интернационален настан кој ја потикнува важноста од борбата за машкото здравје, би препорачал на сите граѓани што повеќе да земаат учество во вакви хуманитарни настани и да ја гајат културата на старите мотори, олдтајмер возилата.- Златко Ивановски – учесник

Скопје е дел од ова движење од 2016 година. Досега учествувале 1.172 учесници, а собрани се над 18.000 евра. Од основањето на движењето досега глобално се собрани над 50 милиони долари кои се донираат во институции и болници за машко здравје.

Македонија

Сообраќаен хаос во Клиничкиот центар во Скопје

Вакво е секојдневието во клиничкиот центар „Мајка Тереза“ во Скопје.

Колони возила, свирежи и нервозни граѓани. Огромниот сообраќаен хаос за влез во клиниките е најизразен во утринските часови.

Ова е проблем со кој се соочуваат граѓаните години наназад и движењето низ клиниките е исклучително отежнато.

-И покрај тоа што во Клиничкиот центар има паркинг, се чини дека тој не е доволен да ги собере сите возила. Дел од нив се паркираат и на лентата за возилата за Брза Помош.

А токму несоодветно паркираните возила дополнително го заглавуваат сообраќајот низ клиничкиот центар.

Луѓето што ги анкетиравме се разочарани за целиот сообраќаен хаос што се случува во клиничкиот центар. Велат – ем плаќаат паркинг, ем губат време, ем не завршуваат работа.

Клиничкиот центар во Скопје располага со над 900 места за паркинг, а нови 600 предвидува новиот детален урбанистички план кој во февруари годинава го донесе Општина Центар. Сепак, и ова е мала бројка бидејќи според провен ките дневно во Клинички влегувата околу 5000 возила.

Иако низ годините помпезно од речиси сите министри беа најавувани брзи решенија за надминување на хаосот на Клинички, досега ништо од ветеното не е реализирано.