Свет

Кипар ги повлекува пасошите, дадени по принципот „пасош за пари“

Кипар најави дека ќе им ги одземе пасошите на 45 лица кои стекнале државјанство во таа земја како дел од дискредитираната инвестициска шема, која е во сила повеќе од една деценија.

Речиси 7.000 луѓе добиле државјанство според шемата „пасош за пари“, застапувана од десничарската кипарска влада, која беше укината во 2020 година, откако Ал Џезира откри потенцијална корупција во случајот.

Одлуката на кипарската влада е да ги повлече пасошите издадени на 39 инвеститори и шест лица по препорака на комисијата формирана од владата во јуни.

„Кабинетот одлучи да испита уште шест дополнителни случаи и да разгледа уште 47 случаи врз основа на утврдените процедури“, рече владиниот портпарол Мариос Пелеканос.

Тој не навел ниту едно лице на кое му бил одземен пасошот.

Кипарскиот пасош гарантира безвизен режим за патување, работа и престој во 27-те земји-членки на Европската унија. Шемата е популарна меѓу Русите и инвеститорите од Азија.

Според шемата, властите ќе им дадат пасош на апликантите кои го исполнуваат минималниот услов за инвестиција од најмалку два милиони евра.

Комисијата назначена од Владата, предводена од поранешниот претседател на Врховниот суд, рече дека шемата се спроведува повеќе од една деценија без соодветен надзор, контрола и рамнотежа.

Било заклучено дека повеќе од 53 проценти од луѓето илегално добиле државјанство според шемата.

Свет

Украинската служба за безбедност спречи обид за атентат врз Зеленски

Украинската служба за безбедност (СБУ) приведе двајца полковници на Управата за државна безбедност (УДО), кои се осомничени дека заедно со уште тројца обвинети дека подготвувале атентат врз претседателот Володимир Зеленски и други функционери.

Според дел од украинските медиуми приведени се полковниците на УДО, Андреј Гук и по инструкции на руските специјални служби.

Тие планирале атентат и врз началникот на СБУ Василиј Маљук, шефот на Главната управа за разузнавање Кирил Буданов. Кај нив е извршен претрес при што е пронајдено и одземено оружје и други предмети.

Осомничените барале воен персонал близок до обезбедувањето на претседателот, „кој би можел да го земе шефот на државата како заложник, а потоа да го убие“.

Од СБУ наведуваат дека сакале да го убијат Буданов пред Велигден со ракетен напад врз куќата во која престојува, за што набавил беспилотни летала и муниција за нападот.

Директорот на СБУ, Васил Маљук, изјави дека нападот требало да биде „подарок на Путин пред инаугурацијата“ што се одржа денеска. /МИА

Регион

Слета првиот авион со кинеска делегација во Белград, со Си ќе пристигнат 400 претставници

Членови на кинеската делегација, министри и претставници на институции пристигнаа во Белград во рамки на дводневната посета на Србија, која денеска ќе ја започне кинескиот претседател Си Џинпинг.

Вицепремиерот и министер за финансии на Србија, Синиша Мали заедно со министерот за трговија Томислав Момировиќ ги чекаа првите гости од Кина и ги пречекаа на аеродромот.

Претседателот Си вечерва ќе го посети Белград, а ќе ја предводи 400-члената кинеска делегација во Србија, објави Курир.

Свет

Кирби: Русија треба само да ги повлече своите трупи

Со цел да ги заштити своите војници од влијанието на оружјето произведено од Запад, Русија треба едноставно да ги повлече од територијата на Украина, изјави Џон Кирби, координатор за стратешки комуникации на Советот за национална безбедност на САД.

-Ако (Владимир) Путин и руските официјални лица се загрижени дека нивните трупи во Украина би можеле да бидат погодени од оружје произведено во други земји, најлесниот начин да се избегне тоа е едноставно да ги повлечат своите трупи, вели Кирби.

Тој додава дека во моментов администрацијата не гледа вистински чекори од страна на Руската Федерација во однос на можна употреба на нуклеарно оружје и „покрај агресивната реторика“. /МИА

притисни ентер