Македонија

Кешишов во судница го смени исказот за убиството на Вања и Панче

Влатко Кешишев, еден од обвинетите за убиството на Вања Ѓорчевска и Панче Жежовски го промени исказот кој претходно го дал во полиција. 

Во писмена изјава преку затворот доставена до судот, Кешишев напишал дека Љупчо Палевски Палчо ниту на 22 ниту на 27 ноември лани, деновите на грабнувањето и убиствата на Вања и Панче, не бил со другите обвинети туку спиел во штабот на Десна. Кешишев напишал дека згрешил што го послушал Велибор Манев и кажал дека Палчо бил со. Тврди дека само тој, Боре Видевски и Велибор Манев биле на местата на настаните и во Велес и во Скопје. Кешишев пишува дека истиот ден откако Палевски заминал на пат, Велибор извршил притисок и му се заканувал, во полиција да каже дека Палчо организирал и пукал а тие само слушале.

Неговиот адвокат не знаел за изјавата и не ја коментираше. Адвокатот на Видевски пак очекува соочување во судница.

„Тој има напишано некоја изјава но, не би сакал да ја коментирам содржината, бидејќи не знам дали ракописот е негов, дали потписот е негов, дали тој своеволно ја пишувал, не сакам да помислам, дека можеби некој го присилил или му се заканил. “

„Мислам дека не е совесно во ваков предмет еднаш да се изјавува едно, вторпат да се изјавува друго. Во понатамошниот тек од постапката ќе има соочување помеѓу сите нив.“

Пред судот денеска сведочеше Стефан Димковски кој на 1 декември го возел Палевски од Белград, преку Бугарија до Турција. Иако првичната намера на Палевски му била од Белград да се врати во Скопје за што и го повикал, кај Ниш го сменил планот. Димковски го опиша Палевски како вознемирен и блед утрината на 3 декември додека појадувале во Беликесир откако до известиле дека има претреси и апсења во штабот на Десна. Во истиот момент Палевски почнал гласно да размислува да бара политички азил во Белорусија.

„За време на патувањето, Палчо често разговараше на телефон, а еднаш ми го побара телефонот да се јави кај Влатко Кешишев од Штип, бидејќи немаше батерија. Во Турција изнајми куќа на три месеци, мислам за 150 евра месечно. За време на доручекот, Палчо ме информираше за претресите во партијата. Ми кажа дека влегле во штаб, направиле претрес, уапсиле пет лица, но ги пуштиле. Ми вели, „ми го лепат мене за исчезнатото девојче“. По доручекот јас се сместив во хотел, каде што се онесвестив додека ги гледав прес-конференциите и информациите во медиумите. Му се јавив на Палчо и го прашав што е ова, ми рече дека е тешка местенка.“

Денеска сведочеше и Ерол Османи, пријател на Палевски кој со него контактирал на 27 а се сретнале на 28 ноември лани. Кај него Палевски дошол со пикапот кој имал оштетена врата. Ламбе Бучков пак раскажа дека Љупчо Палевски му должел 16 илјади евра. Телефонски зборувале на 1 декември додека Палевски е во Белград и му раскажал дека од Кешишев знае за претресите во партискиот штаб. Следно рочиште за случајот е закажано за 25 ноември.

Живот

Од оваа положба на спиење секогаш ќе ве боли грбот

 Со поставување на перницата на одреден начин, ќе се будите наспани како бебе

Ако наутро се будите со болки во грбот, променете ја положбата во која спиете.

Постојаната болка во грбот кога ќе се разбудите може да се должи на вашата положба на спиење. Обично луѓето кои седат многу додека работат и не се движат, доживуваат болки во грбот. Но, сте се запрашале ли дали и нешто друго може да биде причина за тоа? Всушност, утринската вкочанетост може да биде резултат на положбата на спиење која го напрега 'рбетот.

Без разлика дали сакате да се склопчите или да се раширите како ѕвезда во креветот, одредени стилови на спиење може да направат да се чувствувате ненаспано. За среќа, постои лесно решение на вашиот ‘рбет да му го дадете потребниот одмор. Тајната за мирна ноќ без болки во грбот може да биде во неколку добро поставени перници. Една корисничка на Тикток по име Стејс, ги сподели своите совети за удобен сон, кои овозможуваат вратот, рамената и долниот дел на грбот да се одморат од напрегање. Тоа е едноставен трик – потребни се само три перници на вистинските места, пренесува Експрес.

- Денеска научив еден одличен трик за правилно спиење, а имам 32 години. Дури денес научив како спиењето може оптимално да допринесе за моето држење и грбот. Ќе ви покажам, и ве молам, известете ме ако не сум единствената што не го знаела ова - вели таа.

Ако се борите со болки во долниот дел на грбот, оваа корисничка на Токток сподели необичен, но важен совет за спиење што може да биде спас. Стејс, која често споделува совети на оваа социјална мрежа, ја открива својата стратегија со три перници за добар ноќен сон без болки. Таа предлага да користите една перница под главата како вообичаено, а потоа да прегрнете уште една преклопена перница за да спречите преголемо свиткување на рамената нанапред доколку спиете бочно. Но, она што ја менува играта е третата перница, која треба да биде ставена помеѓу колената за да го држи ‘рбетот исправен и да го спречи прекумерното грбавење додека дремете.

Стејс признава дека оваа поставка за спиење е „навистина удобна“, но изгледа малку смешно, па на Тикток ги прашува своите придружници кој спие вака. Нејзините следбеници се огласија, сугерирајќи дека потпорната перница - позната и како перница за бременост - може да биде поедноставно решение. Таа долга, цилиндрична перница истовремено ги поддржува главата, рамената и колената, и е особено погодна за трудниците со цел да избегнат превртување на стомак додека спијат.

- Ова помага да се намали оптоварувањето на долниот дел на грбот и колковите, подобрувајќи го целокупното здравје на 'рбетот. Ако спиете на страна, ставањето потпора помеѓу нозете може да помогне да ги одржите правилно порамнети 'рбетот, колковите и колената, обезбедувајќи удобност и поддршка во текот на ноќта, велат истражувачите, а пишува Mirror.

Живот

Италијанец со голи раце ѝ го искорнал срцето на мајка си и го фрлил на улица: Беше вампирка

Салваторе Детори (46) брутално ја убил својата мајка, 73-годишната Силвана Ла Роке од Транто, Италија, а во текот на истрагата признал дека и го „откорнал срцето од градите“.

Страшното злосторство се случило на 13 ноември, објави Ла Република.

„Таа беше вампирка“, им рекол мажот на истражителите, признавајќи ѝ на обвинителката Колела дека сѐ започнало кога еден ден дошол во дворот на неговата мајка.

Таму ја удрил неколку пати, а во нападот употребил два ножа со кои ја прободел. Потоа ѝ го извадил срцето од градите, што подоцна било потврдено со обдукција.

Имено, жената имала видлива рана од нож на градите и немала срце, што ги потврдило наводите на синот дека ја убил мајка си.

Според она што го кажал обвинетиот, мајката одбила да го прими во куќата. Имале несогласувања и околу управувањето со домаќинството, кое инаку било наследство на мајката и двата сина.

Меѓутоа, за време на сослушувањето Салваторе имал и некои чудни изјави како на пример дека ја убил мајка си затоа што таа го терала да „јаде човечко месо“ и дека други го убедиле да го изврши злосторството.

Тој подетално раскажал како неговата мајка наводно го терала да ги јаде посмртните останки на неговиот татко Каталдо Детори, кој загинал во 2002 година во несреќа при работа во челичарница. Тој, исто така, ја обвинил својата мајка дека е заробеничка на „вампирска секта“.

По бруталниот чин, кога ја убил мајка си и ѝ го извадил срцето, го завиткал во марамче и го фрлил на улица. Поради таквиот страшен чин, ќе биде потребна психијатриска евалуација на мажот бидејќи имал некои луцидни изјави за време на сослушувањето.

Во меѓувреме, истражниот судија Франческо Макањо го потврди налогот за апсење на 46-годишникот кој моментално е зад решетки.

Живот

Како изгледа кога ќе те проголта ајкула? (ВИДЕО)

За време на туристичка екскурзија на Бахамите, тигарска ајкула, по име Џитербаг, ја проголта камерата на еден од нуркачите.

Така, добивме шанса да го видиме морскиот предатор од сосема поинаков агол.

Необичната снимка се појави на мрежите, а гледачите забележаа дека сега знаеме како изгледа „кога ајкула ќе те проголта“. И навистина, додека камерата лебди во нејзиното црево, ги гледаме сенишните набори на дигестивниот тракт, внатрешноста на жабрите и ѕидовите на фаринксот.

Секако, камерата не била по вкусот на тигрестата ајкула, па набрзо ја исплукала и продолжила да плива. Сопственикот на уредот, Дејв Финч, бил изненаден од тоа како останува во движење и снимил неверојатна снимка од цревата на Џитербаг.

Во кадарот има и смртоносни непца, кои се поправи, во споредба со другите видови. Патем, тигарските ајкули имаат примарни и секундарни заби, поради што полесно се препознаваат.

Инаку, Дејв Финч бил во вода со фотографот од Тексас, Кен Кифер, кој на својата страница на Инстаграм објавил фотографии и видео од Бахамите, пишува Daily Mail.

Потсетуваме, слична ситуација се случи на почетокот на март кога тигреста ајкула се обиде да стигне до нуркач и ја проголта камерата. Повеќето гледачи останаа шокирани од сцената, а некои поединци имаа поинаков впечаток.

„Изгледа дека е многу пријатно внатре“, напишало едно лице, додека друго додаде: „Изгледа како густа зимска јакна, одлично“.

притисни ентер