Свет

Камала Харис: Го признавам поразот, но не се откажувам од борбата за слобода и правда

Го признавам поразот, но не се откажувам од борбата за слобода и правда, рече Камала Харис ден по победата на Доналд Трамп на изборите.

Во емотивно обраќање на универзитетот Хауард во Вашингтон, демократската кандидатка порача дека останува на принципот за мирен трансфер на влада, зашто како што рече, тоа ја разликува демократијата од тиранијата. Лично му честитала и на Трамп за победата.

-Mу реков (на Трамп) дека ќе му помогнеме нему и на неговиот тим во трансферот на власта и дека ќе се погрижиме за мирен пренос на власта. Јас ги признавам овие избори, но не се откажувам од борбата што ја водев во кампањата. Борбата за слобода, за можности, за правда и за достоинство на сите луѓе. , изјави Камала Харис, кандидатка за претседателка на демократите

Трамп веќе го почна процесот за избор на новата администрација. Западните медиуми наголемо лицитираат кои ќе бидат во најтесното опкружување на Трамп, поаѓајќи од Илон Маск, како најверојатен прв човек во новиот оддел за владина ефикасност. Сенаторот од Флорида Марк Рубио се споменува како најизвесен државен секретар, а според Гардијан, во трка за наследник на Блинкен е и Ричард Гренел. За прв човек на одбраната доминира името на екс шефот на ЦИА, Мајк Помпео, а позиција несомнено ќе добие и Роберт Кенеди Џуниор. Трамп неодамна изјави дека нема да ја повтори грешките од првиот мандат.

-Не познавав никого претходно. Не бев од Вашингтон и ретко бев таму. Сега ги познавам сите. Ги познавам добрите, силните, слабите, глупавите. Ги познавам сите и ќе ја направиме Америка повторно голема. , изјави Доналд Трамп за „Fox news“ (30.10.2024)

А, експертите втор ден анализираат колку се остварливи клучните ветувања на Трамп од кампањата, особено во однос на војната во Украина, за која републиканецот најави дека ќе и стави крај на првиот ден од мандатот.

-Решавањето на војната за еден ден е апсолутно немозможно. Мислам дека неуспехот за тоа што ќе се случува нема да биде вина на Доналд Трамп, зашто Трамп никогаш нема вина. Тоа ќе биде вина на Зеленски или на Путин. Тоа ќе има многу негативни последици за САД во однос на Украина. , изјави Џон Болтон, екс советник за национална безбедност на Трамп.

Трамп досега освои 295, а Харис 226 електорски гласови. Тој победи во сите пет таканаречени колебливи држави, а води и во останатите две, Аризона и Невада, каде се уште се пребројуваат гласовите.

Свет

Тинејџер убил девојче поради кавга за мече (ВИДЕО)

Во Велика Британија во тек е судењето на тинејџерот кој уби 15- годишно девојче со нож поради расправија за плишана играчка, објавија денеска британските медиуми.

Тој ѝ го забодел ножот во вратот на Елиан, пријателката на неговата поранешна девојка, откако се расправале бидејќи тој одбил да ѝ го врати плишаното мече.

Обвинетиот Хасан Сентаму (18) се изјаснил за невин за убиството на ученичката, наведувајќи дека одговорноста му била намалена поради дијагностицираниот аутизам, пренесува Sky News.

Сентаму, кој имал 17 години за време на убиството, рекол дека ја убил Елијан Андам бидејќи изгубил контрола.

Обвинителот, сепак, рече дека Сентаму отишол да ги пречека девојчињата, земајќи кујнски нож со себе, што докажува дека имал намера да ги повреди или убие.

Судењето на тинејџерот продолжува пред судот во Лондон.

Забава

Божикна шега: На шефот му завиткале сѐ во канцеларијата со шарена хартија, тој збеснал (ВИДЕО)

Вработени во една компанија во Охајо решиле да ја направат ултимативната божиќна шега со нивниот шеф, кој се вратил на работа по девет дена одмор.

Тие ја завиткале целата негова канцеларија во хартија за завиткување со божиќна тема, вклучувајќи ги ѕидовите, компјутерот, тастатурата и секој пијалок во неговиот мини фрижидер, а потоа ја покажале неговата реакција кога влегол во канцеларијата.

„Ох, по ѓаволите“, извика шокирано од она што се случило со неговата канцеларија, а девојките се смеат во ходникот. Потоа рече: „Морам некако да најдам начин да работам овде... Знаете дека имам околу 800 мејлови“.

Девојките опишале како нивниот менаџер бил во „целосно неверување“ и дека следниот пат кога ќе оди на одмор треба да постави камера во канцеларијата.

Откако видеото стана вирално и собра речиси 9 милиони прегледи, девојките решија да изведат нов трик. Овој пат во канцеларија ставиле огромен диносаурус на надувување со божиќна капа. „После ова дефинитивно ќе постават камера“, велат девојките.

@lake.erie.arms Replying to @Micbreclo & the prank series continues! #workpranks #fired #officepranks #officehumor #prank #prankwars #employee #boss #fyp #officelife #humor #funny #worklife #employeeofthemonth #viralvideo ♬ Run, Rudolph Run - Chuck Berry

Свет

Италија побарува милиони воена отштета од Германија за извршен масакр од нацистите

Апелациониот суд во градот Аквила, во италијанската област Абруцо, денеска пресуди дека Германија мора да плати отштета од четири милиони евра на 30 роднини на жртвите од масакрот во градот Пјетранзиери во Втората светска војна.

Во 2017 година, судот донесе одлука со која на Германија ѝ наложи да плати отштета од милион и 600 илјади евра на општината Рокарасо, на која ѝ припаѓа градот Пјентрансиери, пишува Анса.

Во ноември 1943 година, нацистички војници масакрирале 128 невооружени италијански цивили во блиската шума Лимарија под сомнение дека ги поддржуваат партизаните.

Меѓу убиените цивили имало 60 жени, 34 деца помлади од 10 години, како и неколку постари лица.

притисни ентер