Македонија

Каква ќе биде судбината на предметите на СЈО , ќе ги користи ли ЈО бомбите како доказен материјал ?

Каква ќе биде судбината на предметите  на СЈО,  дали сите случаи ќе добијат судска разврска или некој од обвинетите ќе се спасат ? 

И во државното Јавно обвинителство и во СЈО немаат дилеми дека случаите без пречка ќе продолжат да се одвиваат во фазата во која се наоѓаат, и во случај тие да бидат преземени од нов обвинител.

Првиот човек на државното обвинителство Љубомир Јовески за Канал 5 вели дека по договорањето за техничките детали и преземањето на предметите, согласно Законот, еден по еден ќе се разгледуваат и ќе се распределат на надлежните обвинителства, а статусот на обвинителите на СЈО треба да го реши Советот на јавните обвинители.

Едно од прашањата кои се поставуваат е и што понатаму ќе се случува со нелегалните прислушувани разговори.

Извори од СЈО, за Канал 5 велат дека бомбите и натаму ќе се користат како докази во судските постапки, бидејќи тие веќе се прифатени во доказниот систем на Македонија, оценети како јавен интерес.

Сепак, правните ескперти со поделени ставови, некои сметаат дека при преносот на предметите може да дојде до нивно застарување. По Калајџиев и универзитетскиот професор Стефан Буџаковски вели дека Катица Јанева нема овластувања да ги делегира предметите во друго обвинителство.

“Прво и основно префрлрањето на прадметите од СЈО во ЈО е спротивно на законот за СЈО. Второ, она што може да се случи ако ги преземе ЈО и да ги прераспореди на други ЈО, автоматски ќе значи деак судската постапка ќе мора да почне од почеток. Потоа, задолжените јавни обвинители ќе мора да се запознаат со обемниот материјал, односно доказите што се содржани во обвинителниот акт поднесен од СЈО за да можат со успех да ја водат псотапката однсоно да го застапуваат обвинението, тоа автоматски ќе одземе многу време. Една друга работа која што најверојатно адвокатите на обвинетите ќе се фаќаат, а тоа е надлежноста која е определена на СЈО за предмети кои произлегуваат од незаконско следње на комуникациите, затоа е целта на формирање на СЈО. Тука ќе се јават доста проблеми, правни замки, недоречености, празнини и слично.”

Кои ќе бидат понатамошните чекори на СЈО се очекува да биде познато од утре кога се очекуваат и официјалните соопштенија.

Фудбал

Ибрахимовиќ: Тешко ми беше да се откажам од фудбалот поради моето его

Поранешниот напаѓач Златан Ибрахимовиќ зборуваше за подкастот на „АБТалкс“ каде што разговараше за неговото пензионирање од фудбалот, неговото враќање во Милан како главен советник на сопственикот на клубот и за смртта на неговиот агент Мино Раиола.

-Добро сум, така ме третира животот. Секако, се повлеков од фудбалот пред повеќе од осум месеци, така што мојот живот сега е поинаков. Прифатив да се откажам од фудбалот, што беше тешка работа поради моето его и начинот на кој се доживував себеси. Мислам дека сум најдобар и сè уште сум таков. Можев да продолжам, но решив да престанам. Зошто? Сакам само добар живот за моето семејство. Сакав да правам работи со моите синови, а пред тоа не беше можно бидејќи имав проблеми со едното колено. Така го прифатив тоа и дојде момент кога си реков: „Во ред е, откажи се и отвори ново поглавје од твојот живот, вели популарниот Ибра.

Потоа, неколку месеци подоцна, го запознава Гери Кардинале, кој го надгледува фондот „РедБрд“ што го купи Милан.

-Ми даде понуда што не можев да ја одбијам. Така почнав да работам со Милан, откако бев во клубот три-четири месеци. Добро се однесуваат со мене таму, морам да признаам. Кога почина мојот агент Мино Раиола, тоа беше голем удар за мене. Многу плачев. Сè уште не е исчезнато чувството, бидејќи спомените постојано ми се враќаат. Скршен сум затоа што многу ми недостига. Секој што го познава знае колку бевме блиски. Да можам би му напишал: „Ми недостигаш“, сподели Ибрахимовиќ. /МИА

Шоу биз

Почесна Златна палма за Мерил Стрип на Канскиот филмски фестивал

 Познатата американска актерка Мерил Стрип (74) ќе добие почесна Златна палма за време на церемонијата на отворањето на овогодишниот Меѓународен филмски фестивал во Кан на 14 мај, соопштија денеска организаторите.

Холивудската актерка со рекордни 21 номинација за престижниот Оскар само еднаш била на Канскиот фестивал. Тоа беше пред 35 години кога филмот „Плач во темнината“ во кој играше, доби една од наградите на Канскиот фестивал.

Мерил Стрип освои три Оскари за улогите во филмовите „Крамер против Крамер“ (1980), „Изборот на Софија“ (1983) и „Челичната дама“ во 2012 година.

Актерката се прослави во филмовите „Лов на елени“, „Жената на францускиот поручник“, „Мојата Африка“, „Мостовите на округот Медисон“, „Сомнеж“ и „Заљубување“.

Почесна Златна палма годинава ќе добијат креаторот на серијата „Војна на ѕвездите“, Џорџ Лукас и колективно Студио Гибли на јапонскиот режисер за анимација Хајао Мијазаки.

Канскиот фестивал ќе се одржи од 14 до 25 мај, а за Златната палма се натпреваруваат повеќе од 20 филмови, меѓу кои и новиот филм на Френсис Форд Копола „Мегалополис“. /МИА

Фудбал

ФА го суспендираше Тонали на два месеци

Сандро Тонали беше суспендиран од фудбалот на два месеци. Нему му пресуди Независната регулаторна комисија откако призна дека учествувал во забрането обложување.

Покрај тоа, тој е казнет со 20.000 фунти и предупреден за понатамошно однесување.

Суспензијата е таква што Тонали нема да може да се врати на терените до крајот на сезоната, до кога ќе истече десетмесечната казна што му ја изрече Италијанската фудбалска федерација на 27 октомври 2023 година.

Доколку не го повтори истиот прекршок до крајот на сезоната, нема да мора да ја одлежи оваа двомесечна суспензија.

Фудбалскиот сојуз и Регулаторната комисија оценија дека Тонали соработувал и признал се за што е обвинет „на исклучителен и досега неевидентиран начин“.

Тонали целосно ги признал сите свои прекршоци, а тоа го направил во ситуација кога доказите практично не постоеле.

Тој продолжува да оди на терапија и едукативни програми на кои е должен да присуствува со целосна поддршка од клубот и продолжува да тренира со екипата./МИА

притисни ентер