Инвестицијата е 40 милиони евра и според градските власти тоа ќе биде најголемиот ваков објект во светот.

Основната цел е да се реши проблемот со оставањето на велосипеди пред железничката станица во градот со 344 000 жители.

Во обид да го прекине растечкото натрупување на велосипеди во реонот општината гради трикатен паркинг.

Тој е поврзан со велоалеите и улиците, а од него има директен пристап до Перо преку лифтови и скали.

Во првите 24 часа користењето е бесплатно, по 1,25 евра за секој нареден ден.

„Ова е пропратен ефект на успехот на велосипедот во нашите градови”, коментира за “Ројтерс”, општинскиот советник Лот ван Хуидонк. „Среќни сме што толку многу луѓе возат велосипеди, но тоа му создава огромни предизвици на градот, особено во областа на железничката станица.”

Поради растечкиот број велосипеди во Холандија властите вложуваат милиони евра во модерни капацитети за паркирањето и за одржување на велоалеи, отстранување на пречки, собирање на напуштени или неправилно паркирани велосипеди.

Хаг планира гаража за 8500 велосипеда, а Амстердам (835 000 жители и 847 000 велосипеди) развива проекти за паркирање на илјадници велосипеди под реката Амстел.

Сериозни проблеми во Амстердам создаваат самите сопственици – минатата година се собрани близу 24 000 напуштени велосипеда, а 40 000 се отстранети од улиците за неправилно паркирање.