Свет

Гутереш побара прекин на „шокантното насилство и крвопролевање“ во Газа и Либан

Утре се навршува првата годишнина од нападот без преседан на Хамас врз Израел, по кој еврејската држава возврати и почна операции во Газа, каде што Хамас е на власт.

Генералниот секретар на ОН, Антонио Гутереш, повика на прекин на „шокантното насилство“ и „крвопролевање“ во Газа и Либан, пред првата годишнина од нападот на палестинскиот исламистички Хамас врз Израел што го предизвика жестокиот одговор на Израел и беше почеток на војната во Газа.

Утре се навршува првата годишнина од нападот без преседан на Хамас врз Израел, по кој еврејската држава возврати и почна операции во Газа, каде што Хамас е на власт.

Од пред две недели војната се прошири и во соседен Либан, каде ИДФ ги гаѓаат позициите на Хезболах, близок сојузник на Хамас.

„Утрешниот ден е можност меѓународната заедница уште еднаш гласно и силно да ги осуди грозоморните дејствија на Хамас, особено киднапирањето заложници“, рече Гутереш во вчера објавеното соопштение.

Гутереш побара „итно и безусловно ослободување“ на заложниците и го повика Хамас да му дозволи на Меѓународниот комитет на Црвениот крст да ги посети заложниците.

Достапните податоци велат дека од киднапираните 251 лице на 7 октомври, во моментов се верува дека во Газа се уште се наоѓаат 97, иако има стравувања дека во меѓувреме загинале уште најмалку 33 од нив.

„Од 7 октомври се прошири бранот шокантно насилство и крвопролевање. Време е да се ослободат заложниците... време е да се замолчат пушките. Време е да се стави крај на страдањата што го зафатија регионот“, наведе Гутереш.

Тој, исто така, изрази загриженост за конфликтот што се шири во Либан против Хезболах поддржан од Иран.

„Војната што следеше по ужасните напади пред една година уништи повеќе животи и предизвика тешки човечки страдања на Палестинците во Газа, а денес и на либанскиот народ“, рече Гутереш. /МИА

Македонија

По обилните дождови во дел од општините има проблем со водата за пиење

Обилните дождови кои паднаа во делови на Македонија изминатите денови, направија посериозни проблеми со водата за пиење.

Па така, водата во Гостивар не е безбедна за секојдневна употреба, покажале најновите физичко-хемиски и микробиолошки анализи.

В.д. градоначалникот на Гостивар, Валбон Лимани за Канал 5 истакна дека направиле две испитувања, кои покажале различни резултати и дека присуството на манган во водата не е толку големо. Иако, според него водата не претрпела големо загадување, советува – граѓаните да бидат претпазливи и да почекаат до утрешниот ден, кога ќе добијат најнови резултати за состојбата на водата.

Сличен проблем имаат и струмичани, кои неколку дена немаат водата за пиење. Според АХВ, присуството на манган во водата е високо и по земените мостри, утврдено било дека целиот систем бил контаминиран.

Градоначалникот на Општина Струмица, Костадин Костадинов смета дека главниот проблем е техничката вода која ја купуваат од АД „Водостопанство“

-Имено, ЈПКД„Комуналец“ – Струмица спроведе истражување за примарната и секундарната водоводна мрежа, заедно со филтер станицата со сите процеси за прочистување на водата и согласно добиените резултати нема детектирано никаков проблем. Повторно укажувам дека проблем е техничката вода којашто ја купуваме од брана „Турија“, односно од АД „Водостопанство“.-Костадин Костадинов, градоначалник на О. Струмица

Инспекциските служби на Агенцијата за храна и ветеринарство (АХВ) му наложиле на ЈКП „Комуналец” од Струмица да спроведе нови мерки, односно механичко чистење и хлорирање.

Свет

Париз одговара на критиките на Нетанјаху: Поддршка за Израел останува

Како одговор на критиките на израелскиот премиер Бенјамин Нетанјаху кон францускиот претседател Емануел Макрон поради неговиот повик за забрана на испорака на оружје за Израел, Париз денеска повторно ја потврди својата поддршка за Израел.

Во изјавата, претседателската палата изрази жалење за „преувеличените“ зборови на Нетанјаху, уверувајќи дека Франција нема да дозволи Иран или неговите прокси групи да го нападнат Израел, јави ДПА.

Канцеларијата на Макрон соопшти дека претседателот верува дека е неопходно итно да се спречи ескалација во регионот, вклучително и итен прекин на огнот во Појасот Газа. Во овој контекст, претседателот повикал на запирање на испораките на оружје за Израел кои се наменети за користење во Газа.

Оваа изјава следеше по критиките на Нетанјаху кој вчера го оквалификува повикот на Макрон за запирање на испораките на оружје како „срамен“.

- Израел ќе победи со или без вас, изјавил Нетанјаху, според неговиот кабинет.

Во видео порака на платформата Икс, Нетанјаху рече дека повиците за ембарго на оружје од страна на Макрон и други западни лидери доаѓаат во време кога Израел се брани на „седум фронтови против непријателите на цивилизацијата“.

- Срам за нив, додаде тој.

На 7 октомври 2023 година, терористи од палестинската милитантна организација Хамас и сојузничките групи го нападнаа Израел, извршувајќи брутални масакри, во кои беа убиени над 1.200 луѓе и околу 250 лица беа киднапирани.

Од тој масовен напад, Израел спроведува масовни воени операции во Појасот Газа. Според најновите податоци од здравствените власти во Газа, за една година се убиени повеќе од 41.800 лица. /МИА

Македонија

Како да се деблокира еу процесот, можни ли се уставни измени со одложено дејство?

Секоја седница, координација или пак лидерска средба е добра за комуникација меѓу партиите по одвојувањето на Македонија од пакетот со Албанија во евроинтегративниот пат, смета политичкиот аналитичар Петар Арсовски.

Во топ приоритетите на новата Влада се евроинтеграциите, актуелните опозициски партии имаа долги години да докажат дека навистина се залагаат за ЕУ- изјави вицепремиерот Изет Меџити за критиките од СДСМ и ДУИ дека власта е виновна за неуспехот во надворешната политика и дека не знаат да се справат со предизвиците. За повикот на лидерот на СДСМ Филипче во Собрание да се презентираат следните чекори, Меџити одговори дека агендата не ја дитира опозицијата.

Секоја седница, координација или пак лидерска средба е добра за комуникација меѓу партиите по одвојувањето на Македонија од пакетот со Албанија во евроинтегративниот пат, смета политичкиот аналитичар Петар Арсовски. Сепак, доколку нема промена во партиските позиции, вели таквата иницијатива нема политичка цел.

Во однос на уставните измени со одложено дејство, како чекор кој за премиерот Мицкоски е прифатлив, Арсовски оценува дека кај Бугарија нема интерес за преговори со оглед на тоа што го третираат како затворено прашање со преговарачката рамка.

И покрај понудата на унгарскиот премиер Орбан за посредништво во име на земја-преговарач со Европската Унија, официјална Софија експресно одби со образложение дека тоа не е дозволено меѓу унијата и земја-кандидат. Оттаму повторуваат дека Македонија има преземено обврски кои мора да се спроведат за да продолжат евроинтеграциите на државата.

притисни ентер