Македонија

Градоначалникот на Македонска К., Атанасовски одржа прием за Заедницата на Македонците во Чешка

Градоначалникот на Македонска Каменица, Димчо Атанасовски денеска одржа прием за претставници на Заедницата на Македонците во Чешк.

Градоначалникот на Македонска Каменица, Димчо Атанасовски денеска одржа прием за претставници на Заедницата на Македонците во Чешка која од страна на Меѓународниот фестивал „Јаков од Камена Река ја доби наградата за афирмација на македонското писмено наследство, јазик и литература. На средбата, како што соопшти Атанасовски денеска со гостите со пиетет се дискутирала теѓата за важноста на Јаков од Камена Река, како прв публицист на кирилица на Балканот.

-Денеска ги примив директорот и организаторите на фестивалот, како и почитуваните гости на истиот: проф. Георги Гоце Дуртаноски - македонско-холандски калиграф и Д-р Бранислав Светозаревиќ - историчар и архивист, Димитри Кирјаковски - почесен претседател на Заедницата на Македонците во Чешка и Коле Боровски - актуелен претседател на Заедницата и основач на македонското здружение „Македонска мисла“ во Прага и Весна Апостолоска од Туристичкиот сојуз на Македонија. Со пиетет дискутиравме за важноста на Јаков од Камена Река, за неговата значајна улога за Македонска Каменица, како и за македонската историја и потребата од поголемо внимание и присутност на нашата македонска култура и традиција во секојдневното живеење, истакна Атанасовски.

По завршувањето на приемот, положија цвеќе на споменикот на Миле Јаневски Џингар.

-Положивме цвеќе на споменикот на нашиот херој кој се жртвуваше за одбраната на Македонија во воениот конфилкт од 2001 година, како почит кон неговата храброст и кон жртвата на сите бранители кои го положија животот за Македонија. Упатувам огромна благодарност до Меѓународниот фестивал „Јаков од Камена Река“ за вниманието и за нивниот придонес во афирмирањето на Македонска Каменица како град со огромно значење за историското наследство на Македонија.

Најави продолжување на заедничката работа на унапредување и зачувување на посебноста и автентичноста на македонската култура и традиција.

Свет

Турските рудари штрајкуваат против приватизацијата, се закануваат со штрајк со глад

Скоро 500 рудари зазедоа рудник за јаглен во турската провинција Анкара, протестирајќи против планираната приватизација на рудникот, изјави денеска претставник на синдикатот за АФП.

Снимател на АФП денеска видел мала група рудари со шлемови како седат околу оган пред рудник во Чајирхан, во близина на градот Налихан. Пристапот до рудникот е блокиран, пренсе Хаберлер.

„Рударите се загрижени за својата иднина, безбедноста на работното место и условите за работа“, рече Талих Кочабијик, претставник на синдикатот „Маден-Ис“.

Рударите, кои се повлекоа во рудникот на длабочина од 300 метри, се закануваат дека ќе започнат штрајк со глад доколку не се прекине приватизацијата на рудникот и електраната во Чајирхан.

„Се трудиме да си го заштитиме лебот. Ќе одиме до крај“, рече еден од рударите, Осман Казан.

Турција, која сè уште е во голема мера зависна од својот јаглен, беше длабоко погодена од несреќата во рудникот Сома во западниот дел на земјата во 2014 година, кога 301 рудар загинаа по експлозија и пожар што предизвика уривање на рудникот. Рудникот беше приватизиран во 2005 година. Оттогаш, во турските рудници се случија неколку фатални несреќи.

Рударите вчера беа поддржани од лидерот на најголемата турска опозициска партија ЦХП (Социјалдемократи) Озгур Озел и нивниот градоначалник на Анкара Мансур Јавас.

„По приватизациите има отпуштања, притисок врз производството и загриженост за безбедноста на работните места... Затоа се спротивставуваме на таа приватизација“, рече Озел.

Автомобилизам

Тренд на француските улици: Азурниот брег е преплавен од автомобили со тестиси (ФОТО)

На улиците на Азурниот брег се појавија автомобили со „тестиси“, реплики од глина.

Le Parisien наведува дека станува збор за протест поради неодамнешната смрт на велосипедистот Пол Вари, кој пред еден месец беше убиен од возач на џип на велосипедска патека во Париз, објави Јутарњи.

Зад „нападот на тестисите“ на сопствениците на теренци стои францускиот уметник TooLate, кој својата изведба ја нарекува „Auto Balls“.

„Целта на провокативната акција е да се осуди машкото возачко однесување кое е идентификувано како една од главните причини за сообраќајни несреќи со фатални последици“, објаснува TooLate и додава дека околу 50 автомобили досега биле „украсени“ со тестиси.

Сепак, тој нема намера да застане на таа бројка, па гордите возачи во Монако и другите градови на Азурниот брег наскоро би можеле да најдат нов моден додаток на своите автомобили.

Акцијата беше поттикната од гневот на „нескротливата машкост“ на арогантните возачи, а целта е да се предупреди јавноста за агресивното однесување кое го создаваат возачите на џипови.

Според податоците на француското Министерство за внатрешни работи, минатиот месец на патиштата загинале 14 велосипедисти, а 200 се тешко повредени.

Свет

Орбан: Сериозно сфатете ја нуклеарната закана на Путин, тоа не е трик

Унгарскиот премиер Виктор Орбан, еден од ретките европски лидери кој е во добри односи со рускиот претседател Владимир Путин, вели дека Западот треба сериозно да ги сфати заканите на рускиот лидер.

„Сакам само да кажам дека кога Русите ги менуваат правилата за користење на нивниот нуклеарен арсенал, она што се нарекува нуклеарна доктрина, тоа не е комуникациски блеф“, рече тој, мислејќи на промените што Путин ги потпиша неделава, објави Гардијан.

„Тоа не е трик. Доктрината е изменета и ќе има последици“, рече тој.

Унгарија е меѓу неколкуте европски нации кои силно го поддржуваат режимот на Владимир Путин во Русија. Владата на Орбан постојано се противи на санкциите против Русија, со што ги фрустрира Европската унија и НАТО. Унгарија исто така се противи на помагање на Украина и на идејата Украина да се приклучи на ЕУ и НАТО.

притисни ентер